Roman Goroľ - Šilalo čalaviben našade tosarastar
kerdo: 14. 12. 2018 13:25 opre kerdo: 27. 11. 2020 02:00
Roman Goroľ uľiľas 15.8.1969 andro Vranov nad Topľou. Hin les romňi, trin čhave a kerel buťi sar o sikhavnengro asistentos pre zakladno škola andro gav Čaklov, kaj the bešel. Roman Goroľ phirelas pre Pedagogicko fakulta pre Prešovsko univerzita andro Prešov, kaj agorinďas o bakalarsko učipen. Roman Goroľ bares kamel e literatura, poezija the e proza. Imar kana sas ča terno čhavo, pisinelas o charne giľutne pal o dživipen, emociji, pal o kamiben. Leskro literarno džaňiben pes sikavel andre poeticko kňižka, Šilalo čalavipen našade tosarastar, savi avri diňas e Štatno džaňibnaskri kňižňica andro Prešov andro berš 2016, o ilustraciji kerďas o Martin Kaleja Januv. Štar giľutne andre romaňi the angľičaňiko čhib prethoďas Erika Godlová. O video kerdo pro 1.12.2016 sikavel o autoris, savo pisinďas ola giľutne, sikavel varesave leskre giľutne, o vakeriben hino the pal o ilustratoris Martin Kaleja Januv, leskro džaňibnaskro talentos šaj dikhen pro video. František Godla the o Dušan Onody sar Duo Farsa buchľarde o programos peskre bašavibnaha. (Khatar: Roman Goroľ, Šilalo čalavipen našade tosarastar, personalno rodipen).
e kategorija: vakeriben
o tagi: leperiben biograficko dialog korkoro slovaťiko romanes Roman Goroľ František Godla Dušan Onody sakoneske interno
Duo Farsa, Marco Pillo - E raťi andre Ankara
kerdo: 13. 12. 2018 10:10 opre kerdo: 27. 11. 2020 02:00
E inštrumentalno kompozicija E raťi andre Ankara hiňi e autorsko kompozicija, savi kerďas o gitarovo duo František Godla the Dušan Onody - Duo Farsa. E kompozicija kerde, kana oda gitarovo duo sas andre Turkija. Duo Farsa bašavel peskre autorska, emotivna kompoziciji andal o buter žanri, nekh buter o špaňijelika ritmi, the o flamenco. Bašavel lenca o Marco Pillo (o bašaldo, o giľavno, o kompozitoris), bašavel pro cajon. O video sas kerdo 31.3.2014 andro Teatro Jonaš Zaborsky pre Cikňi scena, kana o Dušan Onody prezentinelas peskri kňižka giľutnenca: Tuke, ča tuke.
e kategorija: bašaviben
o tagi: inštrumentalno moderno flamenco trio original autoristar Duo Farsa Marco Pillo sakoneske interno
Stanislav Cina - O rezbaris
kerdo: 11. 12. 2018 12:00 opre kerdo: 27. 11. 2020 02:00
O charno vakeriben, o Stanislav Cina vakerel pal e rezbarsko buťi le kašteha andro pastoračno centrum andro gav Čičava. O Romano pastoračno centrum učharel e formačno the misijno buťi andro romane komuniti nekh buter andal o vranovsko okresis. Prekal e organizacija O kerado timos kerde andro berš 2012 o projektos vaš o arakhipnaskro buťakro kher, kaj ile andre buťi le hendikepovana Romen so bešen paš o Vranov nad Topľou. Andro kada arakhipnaskro buťakro than kerenas o rezbarska buťa le kašteha, save ľidžalas o Milan Krajniak. Nekh buter kerenas o sakralna temi.
e kategorija: vastengre buťa
o tagi: džide tradična artistikano kašta čhiňiben slovaťiko Stanislav Cina - O rezbaris sakoneske interno
E Šarlota Bottová - e čitratuňako portretos
kerdo: 11. 12. 2018 10:31 opre kerdo: 27. 11. 2020 02:00
E Šarlota Bottová (1989-) hiňi e čitrtuňi andre Rimavsko Baňa, peskri buťi kerel andre Hnúšťa. Agorinďas e Maškarutňi džanibnaskri škola andre Rimavsko Sobota sar e kozmetička. Andro čitratuňipen lake nekh pašeder hine o portreta, o čitripen le linijenca. Peskre buťa e Šarlota Botová sikavelas Prahate (2016) andre galerija Phundrado vudar, pro sikaviben vaš o amatersta romane čitratune AraArt, andro Košice (2017) andro Vymennikos Važecká, andre Hnúšťa (2017) andre Knižnica prof. Štefanoskri Pasiaroskri the andre Rimavsko Baňa. O čitrimen portretos sikavel le britsko aktoris, o bašaldo the lekhado James Hugh Calum Laurie.
e kategorija: čitratuňipen
o tagi: sekularno materialno artistikano in persona čitripen slovaťiko Šarlota Bottová sakoneske interno
Adela Orgovánová - o leperibnaskro vakeriben
kerdo: 09. 12. 2018 16:30 opre kerdo: 27. 11. 2020 02:00
E Adela Orgovánová (1936-) hiňi Perješistar, kaj dživel savoro lakro dživipen. Ochto beršengri predžidžiľas e raťi, kana o Sovijeta bombardinde o Prešov. O bombi pro foros čhide 20.12.1944, perenas buter sar 70 minuti. Na džanel pes, keci manušen murdarde, oficijalno Perješiste parude 140 dženen. O bombi save čhivenas, prindžarde the sar o Stalinoskre momeľa, phagerde baro kotor khera andro foros. E Adela Orgovanovo peske leperel, sar oj la fameľijaha ola bombi predžidžile. Leperel pro dživipen andro Prešov andro Dujto lumakro mariben the pal o mariben - vakerel pal peskri fameľija, pal o čhavorikaňipen, pal o peskre terne berša, e buťi, the pal o mangipena, čoripen, amaľipen the pal o moľipena.
e kategorija: vakeriben
o tagi: leperiben biograficko monolog moderovano slovaťiko sakoneske interno
Marco Pillo - Enamorado soy
kerdo: 09. 12. 2018 16:28 opre kerdo: 27. 11. 2020 02:00
Marco Pillo avri sikhľiľas te bašavel pre cimbalma pro pražsko konzervatorijum, paľis the te bašavel pre klasicko gitara. Kana phirelas andre škola andre Barcelona, prindžarďas o romano flamenco, savo paľis forminďas leskro bašaviben. O digitalno kulturno objektos sikavel leskri interpretacija, e giľi hiňi Enamorado soy (Som kamado), savi kerďas o Canut Reyes (peskre naveha Francois Reyes) andro berš 1989 vaš o leskro jekhto solo albumos ole beršestar, Bolero. Ola giľaha kamelas te del paťiv bare kompozitoriske Maurice Raveloske.
e kategorija: bašaviben
o tagi: vokalno-inštrumentalno moderno flamenco solo špaňijelska Marco Pillo sakoneske interno
Marco Pillo - Bulería
kerdo: 09. 12. 2018 16:25 opre kerdo: 27. 11. 2020 02:00
Marco Pillo avri sikhľiľas te bašavel pre cimbalma pro pražsko konzervatorijum, paľis the te bašavel pre klasicko gitara. Kana phirelas andre škola andre Barcelona, prindžarďas o romano flamenco, savo paľis forminďas leskro bašaviben. O digitalno kulturno objektos hino o video, pre savo giľavel e Bulería. E bulería hiňi nekh buter charakteristicko flamenco štilos, andal o foros Jerez de la Frontera (o foros, kaj uľiľas o flamenco, Andaluzia, Španielsko). Nekh buter e kompozicija hiňi trine vaj štare ochto slabično veršendar. Ada bašaviben phirel maškar o nekh buter kompleksna kheľibnaskre the gitarova štili: džido, bachtalo the baro. E bulería pes normalno bašavel pro kheľiben kana agorinel e flamenco party.
e kategorija: bašaviben
o tagi: vokalno-inštrumentalno moderno flamenco solo špaňijelska Marco Pillo sakoneske interno
Michal Bársony - O čitripen
kerdo: 05. 12. 2018 20:20 opre kerdo: 27. 11. 2020 02:00
Uľiľas andre Kunovo Teplica, andro okres Rožňava. Andre fameľija pes vakerelas ungrika, e tradicija sas e charťikaňi buťi the o bašaviben. O čitratuňipen the e rusiko čhib sikhľiľas avri pre Pedagogicko fakulta pre Univerzita Matejoskri Beloskri andre Bansko Bystrica. O postgradualno študijum kerďas pre Pedagogicko fakulta pre Univerzita Konštantinos Filozofoskri andre Ňitra, kaj chudľas o titulis PaedDr. Čitrinel farbenca the tuškenca, nekh buter leskre temi hine sakralna, sikra frimeder o džuvľikane portreta the o avrutne thana. Sar o pedagogos sikhavelas pro zakladna, maškarutne the uče školi, buter berša kerelas buťi the pro Themeskro pedagogicko inštitutos Bratislavate.
e kategorija: vakeriben
o tagi: biograficko monolog moderovano slovaťiko Michal Bársony sakoneske interno
Marco Pillo - Soledad
kerdo: 05. 12. 2018 20:16 opre kerdo: 27. 11. 2020 02:00
O kompozeris, o giľavno, gitaristas the cimbalistas Marco Pillo giľavelas pre prezentacija vaš e giľutnengri kňižka khatar o Dušan Onody, savi pes vičhinel Tuke, ča Tuke, pro 31.03.2014 pre Cikňi scena andro Teatro Jonaš Zaborsky, kaj pes the kerďas kadi dokumentacija. E giľi Soledad - Korkoripen hiňi e špaňielsko giľil. E laudativno giľi Soledad hiňi e lokhi flamenco giľi.
e kategorija: bašaviben
o tagi: vokalno-inštrumentalno moderno flamenco trio Marco Pillo Duo Farsa sakoneske interno
Tomáš Botló - „Mange mištes“
kerdo: 22. 10. 2018 10:17 opre kerdo: 27. 11. 2020 02:00
Tomáš Botló - giľavel u bašavel, amaterikanes bašavel pre gitara, no nekh buter pre zongora, oda sikhľolas pro Themeskro konzervatorijum andre Braťislava. Kerel peskre autorska giľa, khere peske kerďas o študijo, u hino the but lačho hangoskro technikos. Tomáš del jekhetanes o romano bašaviben the o moderna žanri, sar hine o džez, funk, hip-hop, latino, flamenco, pop tu oda žanrovo sinkretizmus lestar kerel buchlo multikulturno the multižanrovo bašaldes. Kerelas jekhetanes buter slovaťika the avrune raperenca the artistenca. E giľi savi giľavel o Tomaš Botló "Mange mištes" hiňi e cover verzija /Zámbó Jimmy/. O lava kerďas o Tomáš Botló. E giľi giľavel u bašavel pre gitara, andro khetaňibnaskro kulturno kher andro Hubice, okres Dunajská Streda.
e kategorija: bašaviben
o tagi: vokalno-inštrumentalno moderno rom-funk solo averestar slovaťiko Tomáš Botló sakoneske interno