Jana Ambrózová – O špecificka kotora andro rodipen pal o tradična bašavibnaskre u interpretačna štili andro akanutne kulturna the socijalna situaciji (Prekal o rodipen pal o tradično ansamblovo bašaviben pre centralno Slovakia)
kerdo: 15. 06. 2016 13:25 opre kerdo: 27. 11. 2020 01:54
Mgr. Jana Ambrózová PhD. hiňi e uče školakri pedagogička, bašavel u giľavel. Sikhľiľas etnologija u etnomuzikologija pre Unverzita Konštantin Filozofoskri andre Ňitra, kaj dži akana kerel buťi sar e pedagogicko the džaňibnaskri buťarňi. Lakri špecijalizacija hiňi andre tradično ansamblovo bašaviben pre Slovaťiko, nekh buter andro rodipen savo štilos bašaven o muzikanta. Sar e primaška andro folklorno ansamblos lungeder bašavelas andro FS Urpín andal e Bansko Bystrica. Hiňi e džeňi andre Džuvľikaňi giľaďi grupa Vranky Ňitratar u Trnkatar andal e Bansko Bystrica, e folklorno grupa Borievka andale Bansko Bystrica u e džeňi andro komorno eksperimantalno trio: NE:BO:DA:J. O vakeriben andal e konferencija: Džaňibnaskre u rodipnaskre aktiviti andre romaňi problematika: o puraňipen, o akanutňipen u o mangipena so avena.
e kategorija: vakeriben
Jana Belišová – Etnomuzikologicko rodipen pal e vokalno romaňi muzika
kerdo: 15. 06. 2016 12:53 opre kerdo: 27. 11. 2020 01:54
Mgr. Jana Belišová, PhD. hiňi e etnologička u etnomuzikologička, lakro džaňibnaskro u rodipnaskro res hino sar bašaven o etnikane minoriti, o ormane giľa pre Slovaťiko, e aplikovano etnomuzikologija. Le beršestar 2010 kerel buťi andro Inštitutos vaš o bašavibnaskro džaňiben SAV, sar e špecijalizovano džanďi pro kotor vaš e etnomuzikologija. Hiňi e autorka andro buter džaňibnaskre lekhavibena, save phenen nekh buter pal o romane giľa u romano bašaviben pre Slovaťiko, sajekh buter monografiji, lendar nekh buter prindžarďi hiňi Phurikane giľa vaj Neve giľa. O vakeriben pal o lakre rodipnaskre aktiviti andre dokumentacija u archivacija le romane giľengri pre konferencija: Džaňibnaskre u rodipnaskre aktiviti andre romaňi problematika: o puraňipen, o akanutňipen u o mangipena so avena, savi sas andro Prešov, 22. marcos 2013 pre Prešovsko univerzita.
e kategorija: vakeriben
Tomáš Hrustič – Pal e romistika andro Etnologicko inštitutos andro SAV
kerdo: 15. 06. 2016 12:44 opre kerdo: 27. 11. 2020 01:54
Mgr. Tomáš Hrustič, PhD., agorinďas e Univerzita Komenskeho andre Braťislava, pre Filozoficko fakulta, e špecijalizacija etnologija - religijonistika. Le beršestar 2009 hino džando buťarno andro Inštitutos vaš e etnologija SAV. Leskri špecijalizacija hiňi e romistika, e religijozita maškar o Roma, e romaňi politikaňi participacija, o religijozna konverziji. Pisinďas sar autoris but džaňibnaskre rodipena u špecijalizovana lekhavibena, sajekh hino maškar o autora so kerde e monografija "O Del maškar o barijeri. E socijalno inkluzija le Romengri paťabnaskre dromeha", vaš savi chudľas o moľipen khatar o Ján Komorovský vaš e nekh feder džaňibnaskri publikacija andal o džaňibnaskro rodipen pal o religiji andro berš 2011. O vakeriben hino andal e konferencija O Džanibnaskre u rodipnaskre aktiviti andre Romaňi problematika: o puraňipen, akanutňipen u so amen užarel andro avutne berša, savi sas andro Prešov, 22. marcos 2013, pre Prešovsko univerzita.
e kategorija: vakeriben
Zdenka Mahajová, Erika Hornáková: Pal o ľiteri
kerdo: 15. 06. 2016 11:12 opre kerdo: 27. 11. 2020 01:54
Le lekhavnenca: Zdenka Mahajová u Erika Hornáková pen arakhľam kana sas o Lumakro Romano Ďives, 8. apriľis 2013 andre Pohoda coffee, tea & bar Braťislavate. O autorki vakerde pal lende u pal o lengre lekhavipena, pal e literatura u kultura, špecijalno e romaňi, sajekh sar pal o lengre plani vaš o avipen. E moderatorka andro vakeriben sas e Erika Godlová.
e kategorija: vakeriben
o tagi: Zdenka Mahajová Erika Hornáková
Ján Rigó - A sar mange me pijava
kerdo: 14. 06. 2016 10:57 opre kerdo: 27. 11. 2020 01:54
Ján Rigó giľavel, chudľas the e koruna sar o thagar vaš o romane giľa, hino andal o Zlaté Klasy u kerel the o aranžmános vaš o romane giľa. Hino jekh maškar o organizatora andro Žitnoostrovsko romano festivalos, o dženo andro themutnengro khetaňiben Jekhetane dromeha le romaňa kulturaha, jekh maškar o organizatora vaš o prestižno moľipen Romaňi ruža. Kerďas o internetovo radio "Duj". E muzika the o lava andre giľi kerďas Ján Rigó.
e kategorija: bašaviben
o tagi: Ján Rigó
Ján Rigó - Šunen, Roma
kerdo: 13. 06. 2016 15:26 opre kerdo: 27. 11. 2020 01:54
Ján Rigó giľavel, chudľas the e koruna sar o thagar vaš o romane giľa, hino andal o Zlaté Klasy u kerel the o aranžmános vaš o romane giľa. Hino jekh maškar o organizatora andro Žitnoostrovsko romano festivalos, o dženo andro themutnengro khetaňiben Jekhetane dromeha le romaňa kulturaha, jekh maškar o organizatora vaš o prestižno moľipen Romaňi ruža. Kerďas o internetovo radio "Duj". E muzika the o lava andre giľi kerďas Ján Rigó.
e kategorija: bašaviben
o tagi: Ján Rigó
Oračkovci - Júlia, Júlia
kerdo: 13. 06. 2016 12:45 opre kerdo: 27. 11. 2020 01:54
E cimbalovo kapela "Oračkovci" hiňi andal e Holumňica, okres Kežmarkos. O džene andre kapela hine e fameľija, kaj pes ľikerel e barvaľi bašavibnaskri tradicija. Akana bašaven sar e folklorno cimbalovo kapela andro Vysoke Tatry. O dominantna muzikakre inštrumenti hine o klasicka inštrumenti andre folklorno muzika le hurenca: e lavuta, e bari bugova, mekh o akordeonos the e cimbalma. E giľi Júlia, Júlia giľavel o akordeonistas Igor Pompa.
e kategorija: bašaviben
o tagi: Oračkovci
Oračkovci - Čhajori romaňi, Akor e čhaj barikaňi
kerdo: 08. 06. 2016 15:21 opre kerdo: 27. 11. 2020 01:54
E cimbalovo kapela "Oračkovci" hiňi andal e Holumňica, okres Kežmarkos. O džene andre kapela hine e fameľija, kaj pes ľikerel e barvaľi bašavibnaskri tradicija. Akana bašaven sar e folklorno cimbalovo kapela andro Vysoke Tatry. O dominantna muzikakre inštrumenti hine o klasicka inštrumenti andre folklorno muzika le hurenca: e lavuta, e bari bugova, mekh o akordeonos the e cimbalma. O akordeonistas Igor Pompa the giľavel. O tradična giľa Čhajori romaňi, Akor e čhaj barikaňi bašavel e cimbalovo kapela Oračkovci.
e kategorija: bašaviben
o tagi: Oračkovci
Gypsy Jazz Festival 2015
kerdo: 03. 06. 2016 15:16 opre kerdo: 27. 11. 2020 01:54
Imar 4. berš Gypsy Jazz Festival, savo kerel o prindžardo bašaldo - saksofonistas, komponistas, kapelňikos u promoteris Miloslav Suchomel sas 2.2.2015 Braťislavate, andro Teatro Nová Scéna. Suchomel na kerďas o festivalovo formatos, kaj hine o individualna koncerti u le manušenge sikaďas jekh koncertos, kaj bašavel leskro 30-dženengro orchestros, andre savo sas e džezovo the vonengri sekcija (adi ľidžalas angle o koncert majstros SND o Arpádom Patkoló), u pre savo pen pro podijum chudle buter akharde džene: e Američanka Gail Anderson u e romaňi giľavňi andal o Ňemciko, e Dotschy Reinhardt sar o giľavne čercheňa, pal lende o americko saksofonistas o Bill Evans. O štilizovano romano kheľiben khelde o čhaja andal e kheľibnaskri grupa savi ľidžal e Simona Horváthová. E muzika pro festivalos phirelas maškar o žanri, nekh buter džez, latino, orijentalno ritmi u autorska kotora khatar o tradično romano džez. Paš oda sas the e bikeňibnaskri ekshibicija le čitrengri khatar o akademicka čitratune Vladislav Zabel, Pavel Pokorný u Jozef Srna terneder.
e kategorija: bašaviben
Miroslav Rác - O jazz koncertos
kerdo: 19. 04. 2016 09:13 opre kerdo: 27. 11. 2020 01:54
Miroslav Rác hino o absolventos andal o konzervatorijum andro Topoľčany, kaj sikhľiľas te bašavel pro klaviri. Leskro artistikano nav hin BG /bí dží/ u kerel o štilos gangster romano hip-hop. Pro klaviris bašavel dešutrine beršendar. Akana giľavel, kerel rap, kerel o giľa the o inštrumentalna bašavibena vaš o klaviris. Pro dokumentimen koncertos jekhetane le Miroslavoha Rácoha bašavenas the o lavutara, save bašaven profesijonalno khere the andro aver thema. Pro bubni bašavelas o Miroslav Talpáš u pre basovo gitara bašavelas o Anton Bukai. O džezovo koncertos sas dokumentimen andro Kulturno kher andro gav Želiezovce. Pro koncertos bašavenas o autorikane giľa khatar o Miroslav Rác the o džezova štandardi.
e kategorija: bašaviben
o tagi: Miroslav Rác
