Stanislava Cicková
kerdo: 12. 12. 2024 13:23 opre kerdo: 12. 12. 2024 13:45
Stanislava Cicková hiňi e džeňi andre džuvľikaňi grupa LUNA, savi hiňi Martinoste. Andro lengro repertoaris hino romano the slovaťiko folkloris, buterval šaj šunas the o popularno kompoziciji andro folklorno aranžmanos, vaj o klasicko bašaviben. E kapela keren e Petra Cicková - akordeonos/giľavipen, Bronislava Cicková - e bari bugova, Michaela Kazárová - e lavuta, Stanislava Cicková - o giľavipen. Andro video e Stanislava Cicková vakerel pal peste, pal o peskro sikhľuviben andro bašaviben, pal e civilno profesija u aktualno dikhipen pre romaňi muzika pre Slovaťiko prekal o lakro achaľuviben.
e kategorija: vakeriben
o tagi: leperiben biograficko monolog moderovano slovaťiko Stanislava Cicková sakoneske interno
Bronislava Cicková
kerdo: 11. 12. 2024 07:15 opre kerdo: 11. 12. 2024 07:15
Bronislava Cicková hiňi e džeňi andre džuvľikaňi grupa LUNA, savi hiňi Martinoste. Andro lengro repertoaris hino romano the slovaťiko folkloris, buterval šaj šunas the o popularno kompoziciji andro folklorno aranžmanos, vaj o klasicko bašaviben. E kapela keren e Petra Cicková - akordeonos/giľavipen, Bronislava Cicková - e bari bugova, Michaela Kazárová - e lavuta, Stanislava Cicková - o giľavipen. Andro video e Petra Cicková vakerel pal peste, pal o peskro sikhľuviben andro bašaviben, pal e civilno profesija u aktualno dikhipen pre romaňi muzika pre Slovaťiko prekal o lakro achaľuviben.
e kategorija: vakeriben
o tagi: leperiben biograficko monolog moderovano slovaťiko Bronislava Cicková sakoneske interno
Arnold Sási
kerdo: 10. 12. 2024 13:49 opre kerdo: 10. 12. 2024 13:50
Arnold Sási bašavel andro orchestros andro teatros Romathan, kaj bašavel e trito lavuta. Avri phirďas e Maškarutňi artikaňi škola andro Košice, o bašaviben pre lavuta. Sar phenel, imar čhavorestar les o phure dada-daja the o dad-daj sikhade te kamel e muzika, špecifikanes o romano folkloris. Bašavel pre lavuta andre fameľijakri kapela peskre dadeha Alexandroha Sásiha, andre swingovo kapela la Žanetaha Štipákovaha, the andro folklorna kapeli. O temi andro vakeriben hin leskri fameľija, o bašavibnaskro sikhľuviben the e buťi andro teatros Romathan. O vakeriben sas kerdo 15.11.2023 andre M Aréna andro Prešov.
e kategorija: vakeriben
o tagi: leperiben biograficko monolog moderovano slovaťiko Arnold Sási sakoneske interno
Kristína Mojžišová
kerdo: 10. 12. 2024 08:12 opre kerdo: 10. 12. 2024 08:12
Mgr. Kristína Mojžišová, PhD. agorinďas e Filozoficko fakulta pre P.J.Šafárikoskri univerzita andro Košice, sar e sikhavňi pre slovaťiko čhib the historija. Le beršestar 1996 kerel e žurnalistika, jekhto sas e redaktorka andro ďiveskro ľil SME, paľis andre Romaňi pres agencija. Akana kerel buťi andro Radio Patria, o študio STVR andro Košice. O vakeriben mapinel lakri aktivita kanastar pes ačhiľas o averipen andro berš 1989 dži kana sas kerdo o interview. O video sas kerdo andro berš 2023 andre Themeskri džaňibnaskri kňižňica andro Prešov.
e kategorija: vakeriben
o tagi: leperiben biograficko monolog moderovano slovaťiko Kristína Mojžišová sakoneske interno
O Bandyova phrala
kerdo: 09. 12. 2024 09:16 opre kerdo: 09. 12. 2024 09:17
Kristián Bandy sikhľol te bašavel pre lavuta pre Katolicko univerzita andro Ružomberok. Varekana bašavel andro orchestros andro Teatro Romathan, ľidžal angle o orchestros andro folklorno ansamblos Fijalečka paš e Zakladno škola Šrobarovo andro Prešov. Andre fameľijakri banda bašavel pre viola (e brača).
Július Bandy agorinďas o Privatno bašavibnaskro u dramaticko konzervatorijum andro Košice. Andre fameľijakri kapela bašavel pre bari bugova. Hino talentimen multiinštrumentalistas.
Samuel Bandy hino o primašis andre fameľijakri kapela. Sikhľol te bašavel pre lavuta pre Zakladno artikaňi škola Mikuláš Moyzesoskri andro Prešov. Vaš o leskro bašaviben pre lavuta chudľas buter bare moľipena pro kompeticiji pre Slovaťiko.
E tema andro vakeriben hin lengro bašavibnaskro drom, o sikhľuviben the e identifikacija la romaňa kulturaha.
e kategorija: vakeriben
o tagi: leperiben biograficko dialog moderovano slovaťiko Kristián Bandy Július Bandy ml. Samuel Bandy sakoneske interno
Dávid Štajer
kerdo: 05. 12. 2024 14:09 opre kerdo: 05. 12. 2024 14:10
Hino andal o gav Šumiac. Hino andal e bašavibnaskri fameľija. Leskri fameľija pal o dad hine o Pokošovca Šumiacostar, pal e daj o Harvanovci Telgártostar.
Andro ola lokaliti ňikana nasas dominantno e gitara vaj o klavesova inštrumenta. Sakovar ča e lavuta, e harmonika, bari bugova, o cimbalmi. Bašavel pre bari bugova, pre lavuta the pre harmonika. Te bašavel sikhľiľas korkoro. E banda Pokošovci bašavel o slovaťiko the romano folkloris pal o Horehronie.
Le phralenca Radoha u Stanoha dine avri o albumos E folklorno banda Pokošovci 2, savo pes dochudľas pro 15. than andro World Music Chart Europe andro januaris 2020.
e kategorija: vakeriben
o tagi: leperiben biograficko monolog moderovano romanes Dávid Štajer interno sakoneske
Klara Kohoutová, Petra Kurutzová
kerdo: 04. 12. 2024 07:30 opre kerdo: 09. 12. 2024 07:10
Luník IX - o leperibena le subtitulenca Geto? the O nekšukareder sidliskos? hin e unikatno kolekcija 12 vakeribena 15 dženenca, save leperen u saven pro jekhto dikhipen, nane ňič jekhetanes. But džene lendar pen ňikana aňi na arakhle. Hin len jekhetanes ča jekh: bešen vaj bešenas pro nekbuter prindžardo slovaťiko sidliskos Luník IX. Pal e publikacija vakerelas e autorka Klára Kohoutová the e džeňi, savi thoďas jekhetanes o ilustraciji, e Petra Kurutzová, andre diskusija le Erika Godlovaha, 8.9. 2023 andre kavijarňa Libresso andro Prešov.
e kategorija: vakeriben
o tagi: džaňiben džaňibnaskri diskusia dialog humanitno slovaťiko Klara Kohoutová Petra Kurutzová sakoneske interno
Rastislav Zubaj
kerdo: 03. 12. 2024 07:38 opre kerdo: 03. 12. 2024 07:38
Rastislav Zubaj kerel buťi andro Kher zorarde manušeskro rajipnastar vaš o romane komuniti sar o regijonalno koordinatoris andro narodno projektos E socijalno buťi andro terenos the e buťi andro terenos andro gava, kaj bešen o marginalizovana romane komuniti. Leskri buťi hiňi pal o strategicka plani, implementacija le projektengri the politikengri, save kamen te resel o lačharde socijalna the ekonomicka uštaribena vaš o Roma pre Slovaťiko. Leskri buťi hiňi te kerel e koordinacija maškar o buter inicijativi the programi, save hine pal o sikhľuviben, buťariben, bešipen the sasťaripen andro romane komuniti. Hino angažovano andro uštaribena, save den phiko vaš o sajekh šajipena the mariben angle diskriminacija. Aktivno kotor les hin andro keribena, save vazden e inkluzija the integracija le romane komunitengri andro khetaňiben.
O leperiben hino leskro vakeriben pal e fameľija, čhavoripen, pal berša andre škola the učeder študijum, the pal e Romengri pastoracija u pal e rola savi lel e (Katoľikaňi) Khangeri kana pomožinel le Romenge the lengra integracijake.
e kategorija: vakeriben
o tagi: leperiben biograficko monolog moderovano slovaťiko Rastislav Zubaj sakoneske interno
Elena Cinová
kerdo: 26. 11. 2024 12:52 opre kerdo: 26. 11. 2024 12:53
Elena Cinová hiňi le beršestar 2008 e sikhavňi vaš o profesijno vazdipen le sikhavnengro pro jekhto jepaš pro zakladna školi, kerel the e špecijalno pedagogika. Oda hin lakri buťi andro kotor ROCEPO paš o Metodicko-pedagogicko centrum andro Prešov.
Hiňi andal o gav Brekov. Andro gav, kaj uľiľas, kerel o rodipen pal e lokalno historija andre romaňi komunita, savo kerel la metodaha e oralno historija.
e kategorija: vakeriben
o tagi: biograficko monolog moderovano slovaťiko Elena Cinová sakoneske interno
Miroslav Rác - o vakeriben
kerdo: 26. 11. 2024 07:13 opre kerdo: 26. 11. 2024 07:13
Miroslav Rác is a pianist, music teacher, composer. For several years now, he has been working on the theme of the Roma Holocaust. As a concert artist, he played on several world stages in Europe and in Israel.
Miroslav Rác speaks about his activities and plans for future.
e kategorija: vakeriben
o tagi: leperiben biograficko monolog moderovano slovaťiko Miroslav Rác sakoneske interno
