E ľoľi guruvňori 05
kerdo: 18. 08. 2020 10:26 opre kerdo: 27. 11. 2020 01:47
|
|
|
E kompozicija Romano kheľiben hiňi e adaptacija le romaňi giľakri khatar o Ján Gašpar Hrisek (14. jún 1921, Očová - 13. jún 1980, Brno). J.G.Hrisek sas o slovaťiko lavutaris, bašavelas pre cimbalma, kerelas o aranžmani le folklorno romane giľenge . Le beršestar 1948 bašavelas pre cimbalma andro SĽUK, le beršestar 1955 sas o dženo andro orchestros u paľis o solistas andro Brněnsko radijoskro orchestros vaš o folklorna inštrumenta paš o Čechoslovaťiko radijo Brnoste. E kompozicija bašaven andro Fis moll u kerďi sas sar o bašaviben paš e audio dramatizacija Ľoľi guruvňori le Martinostar Kukučinostar. E kompozicija chudel avka, hoj e dominancija ľikerel e cimbalma, pro agor dominantno hiňi e lavuta.
E folklorno kapela Július Bandyskri - o Ďusi Band hiňi e kapela Perješistar. O džene andre kapela hine andal e fameľija, kaj o lavutara penge den o džaňiben generacijatar pre generacija. Andre kapela bašaven: o dad Július Bandy u leskre trin čhave - Kristián, Július, Samuel. Bašaven pre cimbalma, bari bugova, lavuta u viola. Andro lengro repertoaris hino slovaťiko the romano folklor, the o giľa aver minoritendar - židovika, rusinska, ungrika, rusika, bašaven the e filmovo muzika. E fameľijakri kapela kerde andro berš 2013.
copyright: O Themeskro džaňibnaskro pustikengro kher andro Prešov
e kategorija: bašaviben
o tagi: inštrumentalno moderno folklorno quintet averestar Ďusi Band savorenge interno