Milo Suchomel Orchestra - Gypsy Jazz Festival 2015
kerdo: 19. 07. 2022 09:46 opre kerdo: 19. 07. 2022 09:47
O 4. berš Gypsy Jazz Festival, savo kerel sar o šerutno organizatoris o prindžardo lavutaris – saksofonistas, kompozeris, kapelňikos u promoteris Miloslav Suchomel, sas 2.2.2015 Bratislavate, andro Teatros Nová Scéna. Suchomel mukhľas o festivalovo formatos, kaj sas separatna koncerta u vaš o manuša kerďas jekh koncertos, kaj bašavelas leskro 30-dženengro orchestros le džezovo the vonoskra sekcijaha (savi ľidžalas o koncertno majstros pal o Slovaťiko narodno teatros Arpád Patkoló). Pro podijum avle buter akharde giľavne: e Američanka Gail Anderson u e romaňi giľavňi andal o Ňemciko Dotschy Reinhardt sas o giľavne čercheňa. Pal lende avľas o saksofonistas Bill Evans Amerikatar. O štylizovano romano kheľiben khelde o khelavne andal e kheľibnaskri grupa Simonakri Horváthovakri. O festivalos anďas buter žanri, nekhbuter džez, latino, orijentalna ritmi u the originalno autorendar kerde kompoziciji andal o romano džez. Paš oda sas e akcija, e bikeňipnaskri vistava le čitrengri le akademicko čitratunendar Vladislav Zabel, Pavel Pokorný u Jozef Srna terneder.
O video hino e charňarďi verzija originalno koncertostar, savo sas sikhado andro RTVS andro berš 2021.
e kategorija: bašaviben
o tagi: vokalno-inštrumentalno moderno rom-jazz orchestra averestar čhiba Milo Suchomel sakoneske interno
Gelem, gelem - Gitana a Ďusi Band
kerdo: 13. 06. 2022 12:59 opre kerdo: 06. 10. 2022 15:20
E oficijalno romaňi himna Gelem, gelem, lakri lokalno verzija, giľavel e Gitana (o umelecko nav), oficijalno nav Adriana Drafiová u bašavel e cimbalovo kapela Ďusi Band. O video sas kerdo 19.11.2021 andro Prešov, andro Centrum vaš e slobodno kultura Wave. Gitana (A. Drafiová) – giľavel, Július Bandy – e cimbalma, Samuel Bandy – e lavuta, Roland Horváth – o klarinetos, o saksofonos, Kristián Bandy – e viola, Július Bandy terneder – e bari bugova.
Gitana
O talentos pro bašaviben hino andre lakri fameľija. Gitana (Adriana Drafiová) les sikhavel andro giľavipen nekhbuter o elektro swing u gypsy swing. Dešuefta beršengri imar giľavelas buter kapelenca avri, andro Ungriko giľavelas le giľavneha Jozef Szaboha, paľis but berša sas jekhetanes la kapelaha Kmeťoband. Le Jurajoha Benetinoha, le giľavneha andal e kapela Korben Dallas giľaďas o duet sar phundravipnaskri giľi andro animovano charno filmos Pixar študijostar savor pes vičinel Láva (Jagale bara) le beršestar 2015.
Ďusi Band
E fameľijakri romaňi folklorno kapela andal o Prešov, o kapelňikos u cimbalistas hino Július Bandy. Ov peskre trine čhavenca bašaven u ľikeren ola nekfeder tradiciji andro romano cimbalovo bašaviben pre Slovaťiko. Bašaven korkore, vaj jekhetanes but aver romane u naromane muzikantenca. O akhardo dženo hino o Roland Horváth (o klarinetos, o saksofonos) andal e Rimavsko Sobota.
e kategorija: bašaviben
o tagi: vokalno-inštrumentalno moderno averestar quintet slovaťiko romanes Ďusi Band Gitana Adriana Drafiová sakoneske interno
Jozef Kotlár the e kapela – o giľa
kerdo: 28. 04. 2022 12:48 opre kerdo: 28. 04. 2022 12:50
O koncertos kaj bašavenas o romane folklorna bandi u savo kerďas e Folklorno kapela Ďusi Band andal o Prešov, oda sas e šanca the vaš o Jozef Kotlár u leskri kapela te prezentinel peskro džaňiben. Pro video hino sar bašavel buter kheľibnaskre giľa.
Pre lavuta: Jozef Kozma terneder
Pre cimbalma: Jozef Kozma phureder
Pre viola: Jozef Kotlár
Pre bari bugova: Ján Kozma
O video sas kerdo 14.11.2019 andro Centrum vaš e slobodno kultura Wave andro Prešov.
e kategorija: bašaviben
o tagi: inštrumentalno moderno folklorno quartet averestar Jozef Kotlár the e kapela sakoneske interno
Alexandra Kuruczová, Mário Mezei - Sostar dukhal
kerdo: 25. 04. 2022 10:20 opre kerdo: 25. 04. 2022 10:20
E giľi Sostar dukhal hiňi e moderno giľi lokhe ritmoha, savi phirel kijo žanros rom-pop, špecificko ande bašavibnaskri produkcija le Vlaxika Romengri. E giľi hiňi kerďi, o autora, save pisinde o lava the e melodija na arakhľam. Šaj, hoj nekh buter prindžarďi verzija ola giľakri hiňi pro albumos so kerďas o prindžardo giľavno L.L. Junior andal o Ungriko, o albumos pes vičinel 'Köszönöm Nektek'(Paľikerav), kerdo andro berš 2002. O emotivna lava pal o našado kamiben phiren mište le kontemplativno giľavipnaha. O digitalno kulturno objektos hino o video, savo sas kerdo 24.6.2014 andro gav Zlaté Klasy. E giľi giľavel e Alexandra Kuruczová.
e kategorija: bašaviben
o tagi: vokalno moderno rom-pop solo averestar romanes Alexandra Kuruczová sakoneske interno
Alexandra Kuruczová, Mário Mezei - Šeje, kana dikhav tuha suno
kerdo: 25. 04. 2022 10:14 opre kerdo: 25. 04. 2022 10:15
E giľi Šeje, kana dikhav tuha suno phirel andro žanros kijo popularna giľa pro kheľiben, hiňi kerďi sar e bašavibnaskri produkcija khatar o Vlachika Roma pre Slovaťiko. O lava andre giľi vakeren pal o kamiben maškar o čhavo the e čhaj, o čhavo la kamel avka, hoj laha dikhel o suno. O digitalno kulturno objektos hino o video, kerdo 24.6.2014 andro gav Zlaté Klasy. E giľi giľaven e Alexandra Kuruczová u o Mário Mezei.
e kategorija: bašaviben
o tagi: vokalno moderno rom-pop duo averestar romanes Alexandra Kuruczová Mário Mezei sakoneske interno
Alexandra Kuruczová, Mário Mezei - Me tut užarav
kerdo: 25. 04. 2022 10:03 opre kerdo: 25. 04. 2022 10:04
E romanticko giľi Me tut užarav hiňi e moderno giľi, savi phirel kijo žanros rom-pop. Paťas, hoj e giľi vareko konkretno pisinďas, oda, ko hino o autoris pro lava the bašaviben imar nane prindžardo. O lava vakeren pal o čhavo, savo kamel la čhaja, u užarel pre late, dži kana oj korkori kamela te avel pal leste. O digitalno kulturno objektos hino o video, savo sas kerdo 24.6.2014 andro gav Zlaté Klasy. E giľi pro video giľaven e Alexandra Kuruczová u o Mário Mezei.
e kategorija: bašaviben
o tagi: vokalno moderno rom-pop duo averestar romanes Alexandra Kuruczová Mário Mezei sakoneske interno
Alexandra Kuruczová, Mário Mezei - Sako ďives
kerdo: 25. 04. 2022 09:49 opre kerdo: 25. 04. 2022 09:49
E giľi Devla miro u lakre lava hine pal o kamlo rom u dad savo merel, pal o pharipen savo šunel e romňi, u so kerel, pal oda, hoj lake muľas o terno rom, lakro dživipnaskro kamiben. Kadi giľi hiňi, prekal o lakre lava the melodija, e forma, e pharipnaskri giľi. O interpreta adaj hine e Alexandra Kuruczová u o Mário Mezei. E giľi amenge giľade 24.6.2014 andro gav Zlaté Klasy.
e kategorija: bašaviben
o tagi: vokalno moderno rom-pop duo averestar romanes Alexandra Kuruczová Mário Mezei sakoneske interno
Alexandra Kuruczová, Mário Mezei - Khonik naj Devla kada sar Tu
kerdo: 25. 04. 2022 09:37 opre kerdo: 25. 04. 2022 09:38
E giľi hiňi andal o repertoaris savo giľavel o giľado the o rašaj andre Romaňi khangeri andre London (London Gypsy Church, United Kingdom: www.lgcuk.com) o Ricardo Kwiek. O lava andre giľi len e inšpiracija andal o bilblicko žalmos. E interpretacija le giľakri kerel e Alexandra Kuruczová the o Mário Mezei. E čhib andre giľi hiňi romaňi, dijalektos Kalderaš.
e kategorija: bašaviben
o tagi: vokalno moderno rom-pop duo averestar romanes Alexandra Kuruczová Mário Mezei sakoneske interno
Dezider Miko u e kapela - a mol, Nane cocha
kerdo: 21. 02. 2022 10:21 opre kerdo: 21. 02. 2022 10:38
E kompozicija savi bašade pro koncertos, savo kerďas e Folklorno kapela Ďusi Band Perješistar. E inštrumentalno kompozicija, a mol seija, e romaňi folklorno giľi Nane cocha, bašavel o Dezider Miko la kapelaha.
E lavuta: Dezider Miko
E cimbalma: Anton Čonka
Bari bugova: Július Bandy terneder
Viola: Kristián Bandy
A mol serija hine o lokhe kompoziciji andal o halgato žanros. Nane cocha, nane gad hiňi e folklorno giľi pro kheľiben. O video sas kerdo 14.11.2019 andro Wave – O centrum vaš e slobodno kultura, Hlavna 121, Prešov.
e kategorija: bašaviben
o tagi: inštrumentalno moderno folklorno quartet averestar Dezider Miko u e kapela sakoneske interno
Čardašis - Martin Petík la kapelaha
kerdo: 15. 02. 2022 15:23 opre kerdo: 15. 02. 2022 15:26
E kompozicija andal o koncertos savo kerelas e folklorno kapela Ďusi band Perješistar. O čardašis bašavel o Martin Petík la kapelaha.
E lavuta: Martin Petík
E cimbalma: Július Bandy terneder
E bari bugova: Miroslav Holub
E gitara: Ladislav Holub
O čardaša hine pro kheľiben, jekhto kotor ačhel lokhes, paľis pes vazdel e gradacija u kadi gradacija sajekh avka zorales u sig agorinel. Kajso bašaviben sas angomis but pro kheľibena pro gava. O video sas kerdo 14.112019 andro Wave – O centrum vaš e slobodno kultura, Hlavno uľica 121 Perješiste.
e kategorija: bašaviben
o tagi: inštrumentalno moderno folklorno quartet averestar Martin Petík la kapelaha sakoneske interno