Ma bisteren!
kerdo: 08. 09. 2020 10:44 opre kerdo: 21. 04. 2021 08:52
E themtunengri asocijacija In Minorita kerel o rodipen pal o romano holokaust pre Slovaťiko le beršestar 2005. Andro partnerstvo le Ministerstvoha vaš e kultura SR, Slovaťiko narodno muzeoha u le Etnologicko inštitutoha SAV kerďas o projektos Ma bisteren!. Paľikerdo le projektoske, maškar o berša 2005 – 2007 efta leperibnaskre thana the leperibnaskre tabli sas thode pro thana andre Slovaťiko republika. Andro berš 2019 thode imar ochtoto leperibnaskri tabla.
Andro kooperacija le Themutnengri asocijacijaha In Minorita, prekal o jekhto jepaš berš 2020 dokumentinďam o leperibnaskre thana u anďam len andre virtualno forma. Sako leperibnaskro than hino jekhetanes le pisimen informacijenca pal o autora, datumenca kana sas phundrado, the olenca pal o historicko keribena. O leperibnaskre thana hine žužes sikhade pre mapa kaj hino o Slovaťiko.
Kas interesinel e tema pal o romano holokaust šaj kherestar te phirel pal e virtualno realita u te džal pro savore leperibnaskre thana u avka te chudel dosta informaciji pal o maribnaskre keribena.
Andre virtualno prezentacija hin the o kvizi vaš o čhavore pro zakladna u maškarutne školi, save kerďam jekhetane le Metodicko-pedagogicko centroha andro Prešov.
O virtualno phiriben arakhena andre slovaťiko, romaňi the angľičaňiko čhib.
Andro digitalno kulturno objektos sikhavas o fotografiji pre save hine o leperibnaskre thana.
Aven te dikhel o leperibnaskre thana pro romano holokaust.
Te genen o QR kodos prekal o tumaro mobilno aparatos, chudena tumen direktno andro virtualno phiriben pal o leperibnaskre thana vaš o romano holokaust.
e kategorija: vizualno čitratuňipen
o tagi: sekularno digitalno esteticko fotografija Ma bisteren! savorenge interno
E zakladno škola Jarovňice – E virtualno galerija
kerdo: 18. 05. 2018 16:10 opre kerdo: 27. 11. 2020 01:47
Andro berš 2017 e Zakladno škola andro Jarovňice 192 resľas peskro 50. berš. E škola hiňi prindžarďi oleha, hoj oodj phiren ča o romane čhavore, no the oleha, hoj lengre čitre hine prindžarde pre savori luma. Sikhavel len o sikhavno Ján Sajko, leha uštaren andro čitripnaskre suťaža imar le beršestar 1987. O jekhto moľipena o čhavore chudle andro berš 1988 pre maškarthemutno suťaž andro Ungriko. O školska chodbi hine sar e cikňi galerija, o čitre hine the andre virtualno galerija. O manuš prekal e aplikacija šaj phirel pal o virtualna školska chodbi a te dikhel savore ola čitre. E aplikacija hiňi slovaťika, romanes the angľičaňika.
Uštaren andre virtualno galerija
e kategorija: čitratuňipen
o tagi: sekularno digitalno esteticko slovaťika Zakladno škola andro Jarovňice savorenge interno