Kamila Mitrášová
kerdo: 30. 04. 2021 10:54 opre kerdo: 30. 04. 2021 10:57
E Kamila Mitrášová hiňi e herečka. Hiňi pal o gav Bystré andro okres Vranov nad Topľou. Lakro debut sas andro filmos, savo kerďas o Viťo Staviarský – Ľoľi paradička, kaj khelelas e šerutňi rola, e Veronka Rigová. Kadi herecko rola latar kerďas e prindžarďa manušňa andro slovaťiko the čechiko jekhetaňiben. Andro jekh lakro vakeriben peske leperel, hoj pro konkurzos ando oda filmos la anďas lakri daj. O fotografiji sas kerde 15.11.2019 pro jekh anda e kidipnengri serija, save kerel o Štatno vedecko knižnica andro Prešov tel o nav „Džide kňižki“.
e kategorija: vizualno čitratuňipen
o tagi: sekularno digitalno esteticko in persona fotografija Kamila Mitrášová savorenge interno
Lomnicke čhave
kerdo: 15. 03. 2021 17:06 opre kerdo: 15. 03. 2021 17:07
Džide kňižki, savo sas 7.8.2020 andro Prešov.
O manuša jekhtovar dikhle e kapela Gipsy Band Lomnicke čhave pro festivalos Pohoda andro berš 2014, kaj pes sikhavelas o filmos Savore mire čhavore. E kapela pes kerďas andre adaďivesutňi forma imar kana pes kerelas o lungo dokumentarno filmos Kapela andro berš 2017. Pal oda, so lengro bašaviben pro festivalos Pohoda sas lačho, andro berš 2017 chudle te bašavel imar tel o nevo nav Lomnicke čhave.
E kapela bašavelas pro buter muzikakre festivala – e Pohoda, o Folklorno festivalos Východná, o Spišska folklorna ďivesa, o Zamagurska folklorna ďivesa, o Grape festival the aver.
O debutovo CD albumos tel o nav Ada sam amen live sas kerdo andro berš 2020 u hin pre leste 13 giľa.
e kategorija: vizualno čitratuňipen
o tagi: sekularno digitalno esteticko in persona fotografija Lomnické čháve savorenge interno
E chameleonka
kerdo: 14. 01. 2021 14:36 opre kerdo: 14. 01. 2021 14:38
O fotografiji pal o teatroskri monodrama savi pes vičinel E chameleonka.
E monodrama khatar o The Independent Theater Hungary/O Slobodno teatro Ungriko. Scenaris: Marton Illés, režija: Tomás Szegedi, herečka: Emília Lovas. E inscenacija pal e romaňi čhaj, savi barol andre luma, savi kerel lakri fameľija, e škola, o džene paš late. E čhaj sava hine o špecijalna džaňibena šaj genel u džanel oda, save ginde the leperibena hin le manušen paš late. Nakamel te kerel ča oda, so aver džene, kamel te dživel peskro dživipen.
E inscenacija pal e super manušňi hiňi kerďi realno dživipnendar save dživen o romane terne the le thanendar, khatar ola terne hine. O vakeribena sas vakerde pro workshopi save kerďas o Slobodno teatro Ungriko u save pen vičinenas "Roma Heroes". O video sas kerdo: 28.02.2020, Wave club - o centrum vaš e slobodno kultura, Prešov.
e kategorija: vizualno čitratuňipen
o tagi: sekularno digitalno esteticko in persona fotografija Emilia Lovas savorenge interno
Tamás András Szegedi
kerdo: 24. 09. 2020 15:33 opre kerdo: 27. 11. 2020 01:47
Tamás András Szegedi hino o aktoris, režiseris, teatroskro pedagogos u aktivistas, savo khelel andro buter teatra le 2010 beršestar. Andro berš 2018 agorinďas e Ungriko teatroskri u filmovo akademija sar o dramaticko pedagogos. Buťi kerel sar o dramaticko pedagogos andro Slobodno Ungriko teatro, the sikhavel le čhavoren andal o čore fameľiji. E režija kerďas vaš o buter komorna teatroskre inscenaciji, monodrami the babkova teatroskre inscenaciji, save anenas e zoraľi socijalno kritika. Hino the o aktivistas vaš o manušikane čačipena u kamel avka te kerel vareso vaš o feder socijalno jekhipen u te zorarel e pozicija savi pes del le čore manušikane grupenge.
e kategorija: vizualno čitratuňipen
o tagi: sekularno digitalno esteticko in persona fotografija savorenge interno
Emilia Lovas
kerdo: 24. 09. 2020 15:25 opre kerdo: 27. 11. 2020 01:47
Emília Lovas hiňi e teatroskri umelkiňa, e sikhavňi u e aktivistka. Andro berš 2009 sas pre Artistikaňi akademija Karavan, kaj pes arakhľas le teatroskro producentoha Rodrigóha Baloghoha u paľis chudľas e šerutňi rola andre drama Te kidel o pora, savo sikhavenas andro Slobodno ungriko teatro (The Independent Theater Hungary). Paľis agorinďas o študijum pro Pester – E ungriko teatroskri akademija. Le beršestar 2015 khelel andro buter teatri, na but angomis chudľas te kerel the o dabing u e režija. Maškar o lakre aver aktiviti hin, hoj sikhavel le čore čhavoren pal o artizmo, u kerel o aktiviti vaš o manušikane čačipena.
e kategorija: vizualno čitratuňipen
o tagi: sekularno digitalno esteticko in persona fotografija savorenge interno
Aneta Duždová
kerdo: 09. 09. 2020 13:47 opre kerdo: 27. 11. 2020 01:47
Aneta Duždová hiňi e šerutňi giľavňi andre vokalno-inštrumentalno grupa Sabrosa. E kapela pes kerďas andro gav Raslavice andro okres Bardejov, o šerutno sas o manažeris František Gall. Jekhto o džene sas trin giľavne u inštrumentalistki, andro lengro repertoaris sas nekhbuter o tradična romane giľa. Paľis o repertoaris buchľarde the moderno kompozicijenca khatar o prindžarde interpreta.
e kategorija: vizualno čitratuňipen
o tagi: sekularno digitalno esteticko in persona fotografija Aneta Duždová Sabrosa savorenge interno
Eva Adamová
kerdo: 07. 09. 2020 09:26 opre kerdo: 27. 11. 2020 01:47
Eva Adamová sas andro Teatro Romathan le beršestar 2002. Jekhto sas e džeňi andro kheľibnaskro kotor andro teatro, paľis geľas andro herecko u giľavibnaskro kotor. Bijo kheľiben andro teatroskre dramatizaciji kerel buťi the sar eksterno sikhavňi andro Privatno bašavibnaskro u dramaticko konzervatorijum andro Košice, kaj sikhavel terne hercen te khelel.
e kategorija: vizualno čitratuňipen
o tagi: sekularno digitalno esteticko fotografija Romathan savorenge interno
Roman Godla
kerdo: 07. 09. 2020 09:19 opre kerdo: 27. 11. 2020 01:47
Avri ile fotografiji sikhaven le solistas pal o Teatro Romathan Roman Godla. Kerel e činohra, khelel o šerutne the serakre charaktera andro inscenaciji vaš čhavore the vaš o bare manuša. Bi o kheľiben kerel buťi the andre kheľibnaskri sekcija andro teatro sar choreografos. Andro Teatro Romathan avľas andro berš 1994 jekhvarestar kana agorinďas o slugaďipen. Dži o berš 2002 sas o aktoris the giľavno.
e kategorija: vizualno čitratuňipen
o tagi: sekularno digitalno esteticko fotografija Roman Godla Romathan savorenge interno
Marián Balog
kerdo: 07. 09. 2020 09:06 opre kerdo: 27. 11. 2020 01:47
O fotografiji le teatrostar, kaj hino o solistas andal o Romathan Marián Balog, kerde andro dokumentačno the informačno centrum vaš e romaňi kultura andro berša 2013 dži o 2018.
Andro teatros hino le beršestar 1992. Le beršestar 2009 andro teatros bijo kheľiben kerel the e dramaturgija u režija. E teatroskri buťi prindžarlas imar anglo berš 1992, khelelas andro Teatros Jonaš Záborský andro Prešov. Bijo teatros kerelas the andro filmos. Andro berš 2000 sas jekh maškar o šerutne charaktera andro filmos (e produkcija: Čechiko, Slovaťiko, Francuziko) savo pes vičinlas Sar gele pro drom o študenta Peter u Jakub. Andro berš 1995 chudľas vaš peskri buťi o moľipen khatar e Asocijacija teatroskre manušengri pre Slovaťiko u the khatar o Slovaťiko literarno fondos.
Aver moľipena:
2006 – O literarno fondos – o moľipen vaš e bari umelecko u režijno kontribucija andre inscenacija E chochaďi fameľija.
2007 – O moľipen forostar Košice vaš e bari buťi savi kerďas kana pes phundravelas o teatros Romathan, but beršengri buťi andro teatros u vaš e talentovano režijno buťi, savi akana hiňi nekhbareder vaš o teatroskro repertoaris.
2016 – O literarno fondos – o beršeskro moľipen vaš e režija le originalno romaňi paramisakri bašavibnaha O magicko harangoro.
e kategorija: vizualno čitratuňipen
o tagi: sekularno digitalno esteticko in persona fotografija Marián Balog Romathan savorenge interno
Milan Godla
kerdo: 07. 09. 2020 08:54 opre kerdo: 27. 11. 2020 01:47
E selekcija kaj hine o fotografiji andal o kheľibena andre save khelelas o Milan Godla, o hercos, giľavno, translatoris, scenaristas u dramaturgos. Peskri karijera chudľas te kerel andro amatersko suboris, kaj sas o giľavne u o herci andro Prešov, e šerutňi sas e Daniela Hivešová Šilanová. Le beršestar 1992 sas andro Teatro Romathan. Andro teatro agorinďas andro berš 2017. Godla sas o integralno kotor andro teatros. Andro berš 2004 chudľas o moľipen khatar o primatoris andro foros Košice vaš o keribena andre kultura.
e kategorija: vizualno čitratuňipen
o tagi: sekularno digitalno esteticko in persona fotografija Romathan savorenge interno