E folklorno kapela - Oračkovci
kerdo: 31. 03. 2016 15:30 opre kerdo: 27. 11. 2020 01:47
E cimbalovo kapela „Oračkovci” hiňi andal e Holumnica, okres Kežmarok. O džene andre kapela hine andal e jekh fameľija, kaj hiňi barvaľi lavutarengri tradicija. Akana bašaven sar e „folklorno cimbalovo kapela” andro Uče Tatri.
e kategorija: bašaviben
Čirikloro Mirikloro
kerdo: 31. 03. 2016 14:13 opre kerdo: 27. 11. 2020 01:47
O teatro khelelas e paramisi Čirikloro Mirikloro pro motivi andal e paramisi khatar e Daniela Hivešová-Šilanová, khelďas o romano profesijonalno teatros Romathan andal o Košice. O teatros lel o didakticko res u hino nekh buter vaš o čhavore. Khelelas pes andro Teatro Romathan andro Košice.
e kategorija: drama
Ko pre luma nekhšukareder
kerdo: 19. 02. 2016 15:36 opre kerdo: 27. 11. 2020 01:47
E bašavibnaskri paramisi „Ko pre luma nekh šukareder”, pro motivi khatar e Daniela Hivešova-Šilanova kerďas o profesijonalno romano teatro Romathan andal o Košice. O teatro le didakticko resoha hino kerdo primarno vaš o čhavorikano dikhado u sas andro Teatro Romathan andro Košice.
e kategorija: drama
O džide pustika: Lumakro Romano Ďives
kerdo: 09. 02. 2016 16:01 opre kerdo: 27. 11. 2020 01:47
O Themeskro džaňibnaskro kher andro Prešov, o dokumentačno the informačno centrum vaš e romaňi kultura andro berš 2015 kerďas štar kidipena prekal o projektos "O džide pustika (o lav - o čitro - o hangos)", savo chudľas o phiko khatar o Ministerstvos vaš e kultura SR. O res andro kidipena sas le manušenge te sikavel le Romen andal e kultura u šukar buťa, pal save pes andro khetaňiben but na vakerel. Pro jekhto kidipen, savo sas ki o Lumakro Romano Ďives (8. apriľis), sas le manušenge sikado o producentos so kerel o dokumentarna filmi, kamaramanos the režiseris Jozef Banyák. O bašavibnaskro akhardo sas e grupa Gipsy Kings Revival. O moderatorki pro kidipen sas e Erika Godlová the e Zuzana Paľuchová.
e kategorija: vakeriben
Jozef Banyák
kerdo: 09. 02. 2016 15:48 opre kerdo: 27. 11. 2020 01:47
Jozef Banyák (1958) uľiľas andro Podunajska Biskupice. Andro berš 1982 chudľas pre Uči škola vaš o muzicka džaňibena andre Bratislava o magistersko titulos vaš e filmovo u televizno režija. Vakeres angľičaňika, ňemcika, ungrika, rusika u špaňijelika. Le beršestar 1981 dži o 1993 kerelas buťi andre Slovaťiko televizija sar o asistentos vaš e režija, režiseris the scenaristas. Andro eňavardešte berša pisinďas u e režija kerďas vaš o buter televizna paramisa, špecijalno kerelas o romane paramisa: PAL E ZORAĽI U DUJ PHRALA, PAL E ŠUKAR ČOHAŇI, O SOMNAKUNO HANGOS. Jozef Banyák kerel the o dokumenti. Vaš o STV (RTVS) kerďas but dokumentarna filmi, nekh buter pal o socijalna, narodnostna the kulturna temi: ČHAVORE BIDOŠALE, O KHEĽIBEN HINO DŽIVIPEN, RUDŇANATAR KE BRONX. Preko TV Markíza kerďas buter kotora vaš o dokumentarno ciklos V TIENI - ANDRE UČHAĽIN. Le beršestar 1991 sakovar kerel jekhetanes buťi le filmovo štabenca aver themendar - nekh buter andal o Hollywood - save avle pre Slovaťiko te kerel lengre filmi: DRAKOSKRO JILO I., II., LUCAS B., 32. OKTOBRIS, KULL O VITEZIS, OPRE UŠŤIBEN u aver. Prekal o berša 2008 - 2009 kerďas e 8 kotorengri serija dokumentengri pal e buťi so keren o slovaťika džande (scenaris, produkcija, režiseris, kameramanos) tel o nav DŽAŇIBNASKRO SPEKTRUM. Le beršestar 2009 kerel buťi korkoro sar o autoris. Hino o šerutno andro themutnengro khetaňiben OKNO. Aver buťa: 2010, 2011 - KINORAMA, kulturno magazinos STV pal e filmovo luma (scenaris, režija, kamera, produkcija) 2010 -VI O GRASTA KHELEN - 65 min. filmos vaš o čhavore (RTVS), tema, režija 2010 - OLÉ, ZÁPRAŽKA - 85 min. komedija (RTVS), tema, scenaris, režija 2011 - O UŠTAR PAL O UŠTAR (scenaris, režija, kamera, produkcija) - dokumentarno filmos pal o lačhe projekti vaš o lačharipen andro socijalno kovle romane komuniti Aver dokumentarna filmi pal e narodnostno tema: E ŠPECIJALNO INTEGRACIJA (2012), REPORTERIS (2013), ČAVALE (2013), O MARO THE O KHEĽIBEN (2014), BRATISLAVATAR RUDŇANATE U DUREDER (2014), ANDRO UTVARIS (2014). O LULUĎA THE RAT - o filmos pal o americko poetos le slovaťika rateha, James Ragan.
e kategorija: vakeriben
Ondrej Gadžor
kerdo: 27. 01. 2016 12:08 opre kerdo: 27. 11. 2020 01:47
O buťakro than savo phirel le prindžarde romane čhinutneske the sochareske Ondrej Gadžor pro fotografiji. Ondrej Gadžor (9. 7. 1956 - 19.10.2013) - khatar e Krásna opral o Hornád, chudľas te čhinel andal o kašt kana les sas 24 berš. Lelas buter materijala - o bara, the o šinga, mušľi, nekh buter o kašta. Andre leskre buťa mukhelas o originalno peskro dikhiben, but sikhľiľas andre škola khatar o akademicko socharis Vojtech Löfller, andro leskro buťakro than kerelas dešujekh berš. Jekh maškar o leskre nekh bareder temi hiňi e džuvľi. Sas les buter individualno ekshibiciji, sakovar džalas pro socharska plenera. Sikaďas pes the pro buter individualna ekshibiciji pre Slovaťiko the avri themestar. Leksre buťa hine sikade the andro Los Angeles, vaj andro Vatikan u but lendar hine andro fondos andro muzei pre Slovaťiko vaj andro Čechiko (Vichodoslovaťiko muzeum andro Košice, Muzeum Vojtech Löflleriskro andro Košice, Muzeum vaš e romaňi kultura andro Brno).
e kategorija: vastengri buťi
Gypsy Jazz Festival
kerdo: 14. 08. 2015 12:25 opre kerdo: 27. 11. 2020 01:47
Imar 4. berš Gypsy Jazz Festival, savo kerel o prindžardo bašaldo - saksofonistas, komponistas, kapelňikos u promoteris Miloslav Suchomel sas 2.2.2015 Braťislavate, andro Teatro Nová Scéna. Suchomel na kerďas o festivalovo formatos, kaj hine o individualna koncerti u le manušenge sikaďas jekh koncertos, kaj bašavel leskro 30-dženengro orchestros, andre savo sas e džezovo the vonengri sekcija (adi ľidžalas angle o koncert majstros SND o Arpádom Patkoló), u pre savo pen pro podijum chudle buter akharde džene: e Američanka Gail Anderson u e romaňi giľavňi andal o Ňemciko, e Dotschy Reinhardt sar o giľavne čercheňa, pal lende o americko saksofonistas o Bill Evans. O štilizovano romano kheľiben khelde o čhaja andal e kheľibnaskri grupa savi ľidžal e Simona Horváthová. E muzika pro festivalos phirelas maškar o žanri, nekh buter džez, latino, orijentalno ritmi u autorska kotora khatar o tradično romano džez. Paš oda sas the e bikeňibnaskri ekshibicija le čitrengri khatar o akademicka čitratune Vladislav Zabel, Pavel Pokorný u Jozef Srna terneder.
e kategorija: bašaviben
Kmeťoband - vakeriben
kerdo: 16. 07. 2015 10:57 opre kerdo: 27. 11. 2020 01:47
Kmeťoband - Igor Kmeťo phureder the Igor Kmeťo terneder. Andal berš 1999 dadeskeri the čhaveskeri partija zachudňa o nav Kmeťobend. Ala dženenca bašavel e partija andal berš 2000. Bazutna partijakere sthovľarde hine IGOR KMEŤO phureder the IGOR KMEŤO terneder. IGOR KMEŤO phureder hino partijakero manažeris. IGOR KMEŤO terneder bašavel pro sintetizatoris, saksofonos the kerel giľakere aranžmana /www.hudebniskupiny.cz/kmetoband/. Andro fotografijengero suboris hine zathode lavutarengere portreti, so pen focinenas paš o vakeriben pal giľavutno festivalos Romano Hangoro 2013 andro Lučenec.
e kategorija: vakeriben
Štefan Banyák - vakeriben
kerdo: 16. 07. 2015 10:18 opre kerdo: 27. 11. 2020 01:47
Štefan Banyak (1938 - ) hino romano lavutaris so bašavel pro lavuta. Zathoďa o Orchestros dunajskostredonen romane lavutaren. Akanutnes zathoďa Bihariskere bašavibena, so ačhen sojekh berš andre Dunajsko Streda. O lavutaris hino šerutno andro Občiansko jekhetaňiben pal Dunajskostredone romane lavutara. Andro akanutňipen pes zadiňa te kerel le terne romane lavutarenca the dojekhvar hino aktivno pro chocsave bašavibnaskere ačhibena. Andro fotografijakero suboris hino zathodo lavutariskero portretos the metalengere fotografiji.
e kategorija: vakeriben
Emília Kissová - vakeriben
kerdo: 16. 07. 2015 09:05 opre kerdo: 27. 11. 2020 01:47
Fotografijengeri seria andal zachudkerdo gondoľišagutno vakeriben le Emilia Kissova andal Orechova Potôň, so vakererelas pal sikhľipena the čirlatuňipena, pal averipena the dživipnaskere špecifiki vlachike Romendar andre Slovakija.
e kategorija: vakeriben
