Ondrej Gadžor
kerdo: 27. 01. 2016 12:08 opre kerdo: 27. 11. 2020 01:47
O buťakro than savo phirel le prindžarde romane čhinutneske the sochareske Ondrej Gadžor pro fotografiji. Ondrej Gadžor (9. 7. 1956 - 19.10.2013) - khatar e Krásna opral o Hornád, chudľas te čhinel andal o kašt kana les sas 24 berš. Lelas buter materijala - o bara, the o šinga, mušľi, nekh buter o kašta. Andre leskre buťa mukhelas o originalno peskro dikhiben, but sikhľiľas andre škola khatar o akademicko socharis Vojtech Löfller, andro leskro buťakro than kerelas dešujekh berš. Jekh maškar o leskre nekh bareder temi hiňi e džuvľi. Sas les buter individualno ekshibiciji, sakovar džalas pro socharska plenera. Sikaďas pes the pro buter individualna ekshibiciji pre Slovaťiko the avri themestar. Leksre buťa hine sikade the andro Los Angeles, vaj andro Vatikan u but lendar hine andro fondos andro muzei pre Slovaťiko vaj andro Čechiko (Vichodoslovaťiko muzeum andro Košice, Muzeum Vojtech Löflleriskro andro Košice, Muzeum vaš e romaňi kultura andro Brno).
e kategorija: vastengri buťi
Gypsy Jazz Festival
kerdo: 14. 08. 2015 12:25 opre kerdo: 27. 11. 2020 01:47
Imar 4. berš Gypsy Jazz Festival, savo kerel o prindžardo bašaldo - saksofonistas, komponistas, kapelňikos u promoteris Miloslav Suchomel sas 2.2.2015 Braťislavate, andro Teatro Nová Scéna. Suchomel na kerďas o festivalovo formatos, kaj hine o individualna koncerti u le manušenge sikaďas jekh koncertos, kaj bašavel leskro 30-dženengro orchestros, andre savo sas e džezovo the vonengri sekcija (adi ľidžalas angle o koncert majstros SND o Arpádom Patkoló), u pre savo pen pro podijum chudle buter akharde džene: e Američanka Gail Anderson u e romaňi giľavňi andal o Ňemciko, e Dotschy Reinhardt sar o giľavne čercheňa, pal lende o americko saksofonistas o Bill Evans. O štilizovano romano kheľiben khelde o čhaja andal e kheľibnaskri grupa savi ľidžal e Simona Horváthová. E muzika pro festivalos phirelas maškar o žanri, nekh buter džez, latino, orijentalno ritmi u autorska kotora khatar o tradično romano džez. Paš oda sas the e bikeňibnaskri ekshibicija le čitrengri khatar o akademicka čitratune Vladislav Zabel, Pavel Pokorný u Jozef Srna terneder.
e kategorija: bašaviben
Kmeťoband - vakeriben
kerdo: 16. 07. 2015 10:57 opre kerdo: 27. 11. 2020 01:47
Kmeťoband - Igor Kmeťo phureder the Igor Kmeťo terneder. Andal berš 1999 dadeskeri the čhaveskeri partija zachudňa o nav Kmeťobend. Ala dženenca bašavel e partija andal berš 2000. Bazutna partijakere sthovľarde hine IGOR KMEŤO phureder the IGOR KMEŤO terneder. IGOR KMEŤO phureder hino partijakero manažeris. IGOR KMEŤO terneder bašavel pro sintetizatoris, saksofonos the kerel giľakere aranžmana /www.hudebniskupiny.cz/kmetoband/. Andro fotografijengero suboris hine zathode lavutarengere portreti, so pen focinenas paš o vakeriben pal giľavutno festivalos Romano Hangoro 2013 andro Lučenec.
e kategorija: vakeriben
Štefan Banyák - vakeriben
kerdo: 16. 07. 2015 10:18 opre kerdo: 27. 11. 2020 01:47
Štefan Banyak (1938 - ) hino romano lavutaris so bašavel pro lavuta. Zathoďa o Orchestros dunajskostredonen romane lavutaren. Akanutnes zathoďa Bihariskere bašavibena, so ačhen sojekh berš andre Dunajsko Streda. O lavutaris hino šerutno andro Občiansko jekhetaňiben pal Dunajskostredone romane lavutara. Andro akanutňipen pes zadiňa te kerel le terne romane lavutarenca the dojekhvar hino aktivno pro chocsave bašavibnaskere ačhibena. Andro fotografijakero suboris hino zathodo lavutariskero portretos the metalengere fotografiji.
e kategorija: vakeriben
Emília Kissová - vakeriben
kerdo: 16. 07. 2015 09:05 opre kerdo: 27. 11. 2020 01:47
Fotografijengeri seria andal zachudkerdo gondoľišagutno vakeriben le Emilia Kissova andal Orechova Potôň, so vakererelas pal sikhľipena the čirlatuňipena, pal averipena the dživipnaskere špecifiki vlachike Romendar andre Slovakija.
e kategorija: vakeriben
Miroslav Rác - koncertos - Želiezovce
kerdo: 28. 05. 2015 12:04 opre kerdo: 27. 11. 2020 01:47
O Miroslav Rác, vaj o BG (bí dží) Romano Hip - Hop giľavel, pisinel o giľa the o klavirna kotora. O giľavno hino andal o Levice, kaj akana the bešel. E serija fotografiji sas kerde pro džezovo koncertos andro Želiezovce. Pro fotografiji hine the o aver bašalde, o Anton Bukai, savo bašavel pre basovo gitara u o Miroslav Talpáš, so bašavel pro bubni. So duj džene bašaven andro buter muzikakre grupi, the andro aver thema.
e kategorija: bašaviben
Pavla Cicková - o vakeriben u recitacija
kerdo: 28. 05. 2015 10:51 opre kerdo: 27. 11. 2020 01:47
O charno vakeriben, kaj vakerel e lekhavňi, poetka e Pavla Cicková pro kidipen ki o Lumakro Romano Ďives, savo pes kerďas prekal o žutipen khatar o zorardo manuš vaš o romane komuniti o Peter Pollák, 8.4.2013. E Pavla Cicková andro programos phenelas the lakri poema „Romano Them”.
e kategorija: vakeriben
Tomáš Botló - bašaviben
kerdo: 28. 05. 2015 10:36 opre kerdo: 27. 11. 2020 01:47
E serija fotografijengri sikavel le giľavnes Tomaš Botló, kana pes kerelas e dokumentacija leskre bašavibnaskri andro Hubice. Tomáš Botló - o giľavno the o bašaldo, bašavel amaterikanes pre gitara, no nekh buter pro klaviris, so sikhľiľas pro Themeskro konzervatorijum andre Braťislava. Pisinel peskre autorska giľa, khere ačhaďas o študijo, u ačhiľas but lačho hangoskro technikos. Tomáš miksinel e romaňi muzika le avere moderno žanrenca, sar hine džez, funk, hip-hop, latino, flamenco, pop u oda žanrovo sinkretizmus lestar kerel buchle multikulturno the muližanrovo bašaldes. Kerelas jekhetane butere slovaťika the avre themeskre raperenca u artistenca.
e kategorija: bašaviben
Igor Radič - charťikano kher
kerdo: 13. 05. 2015 12:44 opre kerdo: 27. 11. 2020 01:47
O Igor Radič uľiľas andro berš 1960 andro Klenovec. Cikňipnastar džalas pal e charťikaňi buťi. Kana agorinďas e odborno škola, geľas te kerel buťi andro Jekhetano maľibuťakro družstvo andro Klenovec, sar o charťas. E charťikaňi buťi les sikhade o purane charťikane majstra. Andro berš 1995 kerďas e licencija, savi ľikerel dži akana. Hino o štatutaros andro themutnengro khetaňiben Romaňi artistikaňi charťikaňi buťi, prekal savo kerel o charťikane workshopi. Kerel o industrijalno the artistikano charťiben. E serija fotografijengri khatar o dokumentačno-informačno centrum sikavel leskro charťano kher u o buťakro procesos sar kerel o trastuno kotor pre valaška (o tover). Andro charťano kher leske žutinel leskro čhavo, Igor Radič terneder (1984).
Khatar: ŠVKPO, www.gmmuzeum.sk/vystavy/2013/pm/pm201306.htm
e kategorija: vastengri buťi
Jozef Fečo - čitratuno
kerdo: 29. 04. 2015 14:10 opre kerdo: 27. 11. 2020 01:47
E dokumentacija e buťakri le romane čitratunengro o Jozef Fečo andal o gav Kračunovce, okres Svidnik, kana čitrinelas duj čitre. Čitrinelas le angareha pro zoralo ľil, o romano prindžardo dženo o Jan Cibuľa the e maľba savi sikavel e romaňi kultura. E maľba sas kerďi pro sadrokartonos. E dokumentacija the o vakeriben pal e technika pes kerďas andro Themeskro Džaňibnaskro Pustikengro Kher andro Prešov, andro dokumentačno-informačno centrum vaš e romaňi kultúra. O fotografiji.
e kategorija: čitratuňipen
