Ján Rigó
kerdo: 01. 06. 2016 12:00 opre kerdo: 27. 11. 2020 01:47
Giľavel 13 beršendar. Andro berš 1990 kerďas e muzikakri grupa RIKO, diiňas avri leskro jekhto albumos tel o nav Romano Jilo andro muzikakro kher Akcent. Andro berš 1996 diňas avri aver albumos Šunen Roma, kaj bašade o Ján Rigo, Imrich Mészaros, Martin Rigo, Daniel Rigo. Pal o jekh berš dine avri o album Júlia, Júlia. Le beršestar 1997 giľavel sar solistas.
Albumi: Ľoľi ruža, Pro romano kheľiben, PF-2002, PF-2003, Tudot mi a bánat, Tiz prios virág, Sar me mange, Magyar mulatók 1, Magyar mulatók 2, Romano ňilaj.
Giľavelas jekhetanes le kherutne čercheňenca sar Oldo Hlaváček, Dušan Grúň, Jana Kocianová, Lýdia Volejníčková, Aťa Klímová u but aver. Andro marcos 2009 jekhetane le maškarthemutnes prindžarďi thagarňi vaš o romane giľa, savi phiravel o Kossuthoskro moľipen, Bangó Margit, diňas avri o CD savo pes vičhinel Mulatok mert jól erzem magam - Lošalo som soske man mište šunav, vaš o savo andro junos 2009 chudle e Platinovo platňa vaš o 15 000 bikende kotora.
Hino jekh maškar o organizatora andro Žitnoostrovsko romano festivalos, o dženo andre themutnengri asocijacija Jekhetane dromeha la romaňa kulturaha, the o sajekh organizatoris vaš o prestižno moľipen Romaňi ruža. Kerďas o internetovo radijo "Duj".
e kategorija: bašaviben
O bašaviben avri
kerdo: 01. 06. 2016 10:49 opre kerdo: 27. 11. 2020 01:47
Pro fotografiji hine o muzikanta, so bašaven avri andro uľici andro centrum andro foros vaj gav. O interpreta hine o folklorna romane giľavne andal o gav Chminianske Jakubovany, nekh buter bašaven pro uľici, varekana sar o interpreta pro varesave akciji. Giľaven o dueti, bašaven pro gitari.
e kategorija: bašaviben
Cigánski Diabli (Romane benga)
kerdo: 31. 03. 2016 15:51 opre kerdo: 27. 11. 2020 01:47
O džande manuša dikhen o orchestros sar jekh maškar o nekh feder andre kategorija Etno u Lumakri Muzika pre luma u the but manuša len rado šunen, khere the andro aver thema. O lavutara hine jekhetane le 1991 beršestar, jekhto bašavenas andro orchestros Diabolské husle (Bengaľi lavuta), savo kerďas o Ján Berky-Mrenica terneder. O Diabolské husle agorinde andro berš 2007, paľis kerde o orchestros Cigánski diabli (Romane benga). O orchestros bašavelas pro 5 kontinenti, andro 35 thema. Maškar o bare koncertna thana, kaj o orchestros bašaďas, kampel te phenel pal e Berlinsko filharmonia, Komische Oper Berlin, Konzerthaus Berlin, Royal Opera House London, Hans Max Saal Munchen, Semtanova síň Praha, Konzert un Kongressaal Luzern, Concert Hall Melbourne, Goldener Saal Musiverein Vienna, Is Sanat Hall Istanbul, Palacos vaš e Kultura Novosibirsk, EXPO 2008 Zaragoza, EXPO 2010 Shanghai, O Jevendeskre Olimpijska kheľibena Vancouver 2010, Jevendeskre Olimpijska Kheľibena London 2012. Varesave moľipena: 2014 - WORLD MASTER AWARD - Teluňi Korea. 2008 - E Beršeskri Džuvľi Silvia Šarkozyiová, 2008 - E Somnakuňi platňa vaš o album Dobré časy (Lačhe berša).
Buter informaciji: www.ciganskidiabli.sk
e kategorija: bašaviben
František Godla
kerdo: 31. 03. 2016 15:41 opre kerdo: 27. 11. 2020 01:47
František Godla phirel maškar o šerutne manuša andro etnoemancipačno procesos le Romengro pre Slovaťiko. Andro berš 1985 chudľas o titulis PhDr. Sas o pedagogos u pal o romane čhavorengro sikhľuviben kerelas the kana mukhľas o Gymnázium Anton Pridavka andro Sabinov. Sar o sikhavno vaš o humanitna sikhavibena sas pro gzmnázium andro Sabinov 26 berša. Andre sikhavibnaskri sfera ačhiľas the pro odboris vaš o školi pro Prešovsko samospravno regijonol (2004-2011). Andro berša 2005 - 2010 sas o šerutno andro Ekspertno komisija vaš o romane čhavorengro sikhľuviben pro Ministerstvos vaš o školi SR. Sajekh sas o dženo andro timos vaš o manuša so den goďi le ministroske vaš o školi vaš o regijonalno školi (2005-2011).
e kategorija: vakeriben
E folklorno kapela - Oračkovci
kerdo: 31. 03. 2016 15:30 opre kerdo: 27. 11. 2020 01:47
E cimbalovo kapela „Oračkovci” hiňi andal e Holumnica, okres Kežmarok. O džene andre kapela hine andal e jekh fameľija, kaj hiňi barvaľi lavutarengri tradicija. Akana bašaven sar e „folklorno cimbalovo kapela” andro Uče Tatri.
e kategorija: bašaviben
Čirikloro Mirikloro
kerdo: 31. 03. 2016 14:13 opre kerdo: 27. 11. 2020 01:47
O teatro khelelas e paramisi Čirikloro Mirikloro pro motivi andal e paramisi khatar e Daniela Hivešová-Šilanová, khelďas o romano profesijonalno teatros Romathan andal o Košice. O teatros lel o didakticko res u hino nekh buter vaš o čhavore. Khelelas pes andro Teatro Romathan andro Košice.
e kategorija: drama
Ko pre luma nekhšukareder
kerdo: 19. 02. 2016 15:36 opre kerdo: 27. 11. 2020 01:47
E bašavibnaskri paramisi „Ko pre luma nekh šukareder”, pro motivi khatar e Daniela Hivešova-Šilanova kerďas o profesijonalno romano teatro Romathan andal o Košice. O teatro le didakticko resoha hino kerdo primarno vaš o čhavorikano dikhado u sas andro Teatro Romathan andro Košice.
e kategorija: drama
O džide pustika: Lumakro Romano Ďives
kerdo: 09. 02. 2016 16:01 opre kerdo: 27. 11. 2020 01:47
O Themeskro džaňibnaskro kher andro Prešov, o dokumentačno the informačno centrum vaš e romaňi kultura andro berš 2015 kerďas štar kidipena prekal o projektos "O džide pustika (o lav - o čitro - o hangos)", savo chudľas o phiko khatar o Ministerstvos vaš e kultura SR. O res andro kidipena sas le manušenge te sikavel le Romen andal e kultura u šukar buťa, pal save pes andro khetaňiben but na vakerel. Pro jekhto kidipen, savo sas ki o Lumakro Romano Ďives (8. apriľis), sas le manušenge sikado o producentos so kerel o dokumentarna filmi, kamaramanos the režiseris Jozef Banyák. O bašavibnaskro akhardo sas e grupa Gipsy Kings Revival. O moderatorki pro kidipen sas e Erika Godlová the e Zuzana Paľuchová.
e kategorija: vakeriben
Jozef Banyák
kerdo: 09. 02. 2016 15:48 opre kerdo: 27. 11. 2020 01:47
Jozef Banyák (1958) uľiľas andro Podunajska Biskupice. Andro berš 1982 chudľas pre Uči škola vaš o muzicka džaňibena andre Bratislava o magistersko titulos vaš e filmovo u televizno režija. Vakeres angľičaňika, ňemcika, ungrika, rusika u špaňijelika. Le beršestar 1981 dži o 1993 kerelas buťi andre Slovaťiko televizija sar o asistentos vaš e režija, režiseris the scenaristas. Andro eňavardešte berša pisinďas u e režija kerďas vaš o buter televizna paramisa, špecijalno kerelas o romane paramisa: PAL E ZORAĽI U DUJ PHRALA, PAL E ŠUKAR ČOHAŇI, O SOMNAKUNO HANGOS. Jozef Banyák kerel the o dokumenti. Vaš o STV (RTVS) kerďas but dokumentarna filmi, nekh buter pal o socijalna, narodnostna the kulturna temi: ČHAVORE BIDOŠALE, O KHEĽIBEN HINO DŽIVIPEN, RUDŇANATAR KE BRONX. Preko TV Markíza kerďas buter kotora vaš o dokumentarno ciklos V TIENI - ANDRE UČHAĽIN. Le beršestar 1991 sakovar kerel jekhetanes buťi le filmovo štabenca aver themendar - nekh buter andal o Hollywood - save avle pre Slovaťiko te kerel lengre filmi: DRAKOSKRO JILO I., II., LUCAS B., 32. OKTOBRIS, KULL O VITEZIS, OPRE UŠŤIBEN u aver. Prekal o berša 2008 - 2009 kerďas e 8 kotorengri serija dokumentengri pal e buťi so keren o slovaťika džande (scenaris, produkcija, režiseris, kameramanos) tel o nav DŽAŇIBNASKRO SPEKTRUM. Le beršestar 2009 kerel buťi korkoro sar o autoris. Hino o šerutno andro themutnengro khetaňiben OKNO. Aver buťa: 2010, 2011 - KINORAMA, kulturno magazinos STV pal e filmovo luma (scenaris, režija, kamera, produkcija) 2010 -VI O GRASTA KHELEN - 65 min. filmos vaš o čhavore (RTVS), tema, režija 2010 - OLÉ, ZÁPRAŽKA - 85 min. komedija (RTVS), tema, scenaris, režija 2011 - O UŠTAR PAL O UŠTAR (scenaris, režija, kamera, produkcija) - dokumentarno filmos pal o lačhe projekti vaš o lačharipen andro socijalno kovle romane komuniti Aver dokumentarna filmi pal e narodnostno tema: E ŠPECIJALNO INTEGRACIJA (2012), REPORTERIS (2013), ČAVALE (2013), O MARO THE O KHEĽIBEN (2014), BRATISLAVATAR RUDŇANATE U DUREDER (2014), ANDRO UTVARIS (2014). O LULUĎA THE RAT - o filmos pal o americko poetos le slovaťika rateha, James Ragan.
e kategorija: vakeriben
Ondrej Gadžor
kerdo: 27. 01. 2016 12:08 opre kerdo: 27. 11. 2020 01:47
O buťakro than savo phirel le prindžarde romane čhinutneske the sochareske Ondrej Gadžor pro fotografiji. Ondrej Gadžor (9. 7. 1956 - 19.10.2013) - khatar e Krásna opral o Hornád, chudľas te čhinel andal o kašt kana les sas 24 berš. Lelas buter materijala - o bara, the o šinga, mušľi, nekh buter o kašta. Andre leskre buťa mukhelas o originalno peskro dikhiben, but sikhľiľas andre škola khatar o akademicko socharis Vojtech Löfller, andro leskro buťakro than kerelas dešujekh berš. Jekh maškar o leskre nekh bareder temi hiňi e džuvľi. Sas les buter individualno ekshibiciji, sakovar džalas pro socharska plenera. Sikaďas pes the pro buter individualna ekshibiciji pre Slovaťiko the avri themestar. Leksre buťa hine sikade the andro Los Angeles, vaj andro Vatikan u but lendar hine andro fondos andro muzei pre Slovaťiko vaj andro Čechiko (Vichodoslovaťiko muzeum andro Košice, Muzeum Vojtech Löflleriskro andro Košice, Muzeum vaš e romaňi kultura andro Brno).
e kategorija: vastengri buťi
