Eva Danišová
kerdo: 18. 12. 2025 11:28 opre kerdo: 18. 12. 2025 11:28
Eva Danišová bariľas andre Česká Třebová, kaj dži akana dživel, u paš e buťi vaš o Čechiko trastuno drom chudľas te prethovel andro romane perijodicka ľila. Sikhľolas e socijalno-pravno škola u kerelas buťi sar e socijalno terenno buťarňi, sajekh sas aktivno andro projekta, save vazdenas e romaňi čhib. Eňavardešte beršendar del avri the o charne lekhavipena u paramisa, save dine avri andro magazina, zborňika, the andro individualna kňižki maškar save hiňi e čhavorikaňi kňižka Jekh, duj, trin! (2024). Vaš e buťi andre romaňi kultura the čhib chudľas o moľipen Milenakro Hübschmannovakro (2017). O fotografiji sas kerde pre konferencija pal e Elena Lackovo andro Prešov, 29. oktobriste 2025.
e kategorija: čitratuňipen
o tagi: sekularno digitalno esteticko in persona fotografija Eva Danišová akademicko interno
Flamenco As a Part of Romani Culture
kerdo: 18. 12. 2025 11:11 opre kerdo: 18. 12. 2025 11:12
Andro berš 2025 o dokumentačno the informačno centrum vaš e romaňi kultura kerďas o sikhavibnaskre koncerta pro zakladna the maškarutne školi tel o nav Flamenco sar o kotor andre romaňi kultura. Prekal o koncerta avka sikhavel le čhavorenge the le študentenge e romaňi kultura. O centrum kerďas o sikhavibnaskre koncerta prekal o projektos E kultura vaš o školi, savo chudľas o love andal o Ministerstvos vaš e kultura SR. O sikhavibnaskre koncerti o centrum kerďas jekhetanes le kapelaha Duo Farsa. O fotografiji hine e dokumentaciji pal o koncertos andro berš 2025.
e kategorija: čitratuňipen
o tagi: sekularno digitalno esteticko in persona fotografija František Godla Dušan Onody akademicko interno
E džiďi kňižka: Manuša
kerdo: 17. 12. 2025 13:41 opre kerdo: 17. 12. 2025 13:42
O kidipen andal o ciklos E džiďi kňižka, kerďi pal o Lumakro ďives vaš e romaňi čhib, sas 15. novembroste andre kafeterija Viola andro Prešov. E džiďi kňižka sas o džene andal e kapela Manuša, savi the bašavelas. O fotografiji dokumentinen o kidipen.
e kategorija: čitratuňipen
o tagi: sekularno digitalno esteticko in persona fotografija Manuša akademicko interno
Peter Balogh
kerdo: 14. 12. 2025 20:51 opre kerdo: 14. 12. 2025 20:52
Peter Balogh phureder the o Peter Balogh terneder hine o dad the o čhavo, so duj džene bašaven pre lavuta. Hine Kašatar. Lengro jekhetano leperibnaskro vakeriben hino pal e lengri fameľijakri historija, sar chudle te bašavel pre lavuta, pal o študijum the sar džal lengri bašavibnaskri karijera. Vakeren pal o romano bašaviben angomis the akana u pal o lengre plani vaš o avipen. E fotografija sas kerďi prekal e dokumentacija pal o lengro bašaviben.
e kategorija: čitratuňipen
o tagi: sekularno digitalno esteticko in persona fotografija Peter Balogh savorenge interno
Milan Oláh
kerdo: 03. 12. 2025 15:59 opre kerdo: 03. 12. 2025 16:00
Milan Oláh hino andal e lavutariko fameľija Klenovcistar. Bašavel pre kontrovo viola. Bašavel andre kapela Sendreiovci the andro fameľijakre kapeli andro Klenovec.
E fotografija sas kerďi andro berš 2024 pro kidipen E džiďi kňižka, paš o Lumakro romano ďives.
e kategorija: čitratuňipen
o tagi: sekularno digitalno esteticko in persona fotografija Milan Oláh akademicko interno
Milan Deme
kerdo: 03. 12. 2025 14:45 opre kerdo: 03. 12. 2025 14:46
Milan Deme hino Klenovcistar, bašavel pre bari bugova. E fotografija sas kerďi, kana les sas 64 berša. Hino andal e lavutariko fameľija. Nane les o školi pro bašaviben, savoro sikhľiľas korkoro. Bašavel andre kapela Sendreiovci. Sar o lavutaris kerďas peskro kotor vaš o filmovo bašaviben andro filmos Sherlock Holmes 2.
E fotografija sas kerďi andro berš 2024 pro kidipen E džiďi kňižka, paš o Lumakro romanno ďives.
e kategorija: čitratuňipen
o tagi: sekularno digitalno esteticko in persona fotografija Milan Deme akademicko interno
Dávid Oláh
kerdo: 03. 12. 2025 14:29 opre kerdo: 03. 12. 2025 14:29
Dávid Oláh hino andal o gav Klenovec. Uľiľas andre lavutarengri fameľija. Avri phirďas o Konzervatorium Petroskro Dvorskýskro andro Košice. Bašavel pre lavuta. Bašavel andre kapela Sendreiovci, the andro fameľijakre kapeli andro Klenovec. Leskri buťi hiňi andro Armadno orchestros Bansko Bystricate - andre cimbalovo kapela Jánošík.
E fotografija sas kerďi andro berš 2024 pro kidipen E džiďi kňižka, paš o Lumakro romano ďives.
e kategorija: čitratuňipen
o tagi: sekularno digitalno esteticko in persona fotografija Dávid Oláh akademicko interno
Dalibor Cibuľa
kerdo: 03. 12. 2025 14:19 opre kerdo: 03. 12. 2025 14:20
Dalibor Cibuľa hino andal o gav Klenovec. Uľiľas andre lavutariko fameľija. Agorinďas o Konzervatorijum Jánoskro Levoslavovsko Belloskro Bansko Bystricate, o študijum ľidžal angle andre Akademija vaš o artikaňibena Bansko Bystricate. Bašavel pre cimbalma. Bašavel andre kapela Sendreiovci, the andro aver fameľijakre kapeli Klenovcate.
E fotografija sas kerďi andro berš 2024 pro kidipen E džiďi kňižka, kerďi paš o Lumakro romano ďives.
e kategorija: čitratuňipen
o tagi: sekularno digitalno esteticko in persona fotografija Dalibor Cibuľa akademicko interno
Jana Sendreiová
kerdo: 03. 12. 2025 11:22 opre kerdo: 03. 12. 2025 11:22
Andro berš 2005 giľaďas e Janka Sendreiová la kapelaha Anyalai Gipsy Band the aver solistenca andro Carnegie Hall, Manhattan andro New York. O koncertos resľas baro pozitivno dikhipen. O kompozeris savo kerel e filmovo muzika Hans Zimmer sar o kotor bašaviben andro filmos Sherlock Holmes 2: O khelade učhaľina, o režiseris sas Guy Ritchie, iľas duj romane bandi andal o Slovaťiko: jekh sas o Sendreiovci andal e Kokava nad Rimavica, e dujto sas o Romane barona Gelnicatar. E Janka Sendreiovo le romeha Vladoha Sendreioha keren e kapela Sendreiovci.
E fotografija sas kerďi andro berš 2024 pro kidipen E džiďi kňižka paš o Lumakro romano ďives.
e kategorija: čitratuňipen
o tagi: sekularno digitalno esteticko in persona fotografija Jana Sendreiová akademicko interno
Sofiya Zahova
kerdo: 03. 12. 2025 11:14 opre kerdo: 03. 12. 2025 11:15
Sofiya Zahova hiňi e šerutňi andro Vigdís Maškarthemutno centrum vaš o multičhibakeriben the maškarkulturno achaľuviben pre Islandsko univerzita. O centrum kerel buťi tel o UNESCO u hino e paši organizacija ki o Vigdís Finnbogadóttir Inštitutos vaš o aver čhiba pre Islandsko univerzita. E Sofiya Zahova primarno kerel o rodipen pal e romaňi literatura andre Europa, hiňi e džeňi andre Bulgariko džaňibnaskri akademija. Akana bešel vaš o Islandos andre Šerutňi komisija vaš e Maškarthemutňi dekada vaš o purane čhiba 2022-2032.
e kategorija: čitratuňipen
o tagi: sekularno digitalno esteticko in persona fotografija Sofiya Zahova akademicko interno
