Rastislav Zubaj
kerdo: 23. 06. 2025 12:15 opre kerdo: 23. 06. 2025 12:15
Rastislav Zubaj kerel buťi andro Zorarde manušeskro kher rajipnastar SR vaš o romane komuniti sar o regijonalno koordinatoris andro nacijonalno projektos E terenno socijalno buťi the e terenno buťi andro gava kaj hine o marginalizovana romane komuniti. Andre leskri buťi dikhel nakbuter pro strategicka plani, le projektengri the politikengri implementacija, save kamen te lačharel o socijalna the ekonomicka situaciji vaš o Roma pre Slovaťiko. Leskri buťi hin te kerel e koordinacija maškar o inicijativi the programi save hine pal o sikhľuviben, buťariben, bešiben the sasťaripen andro romane komuniti. Leskro angažmanos hino andro vazdipen te realizacija ole uštarengri, save den phiko vaš o sajekh šajipena the o mariben angle diskriminacija. Aktivno kerel peskro vaš e inkluzija the integracija romane komunitengri andro khetaňiben.
E fotografija sas kerďi prekal e video dokumentacija 21.9.2023 andre Themeskri džaňibnaskri kňižňica andro Prešov.
e kategorija: čitratuňipen
o tagi: sekularno digitalno esteticko in persona fotografija Rastislav Zubaj savorenge interno
Vojtech Bunda
kerdo: 23. 06. 2025 12:13 opre kerdo: 23. 06. 2025 12:14
Vojtech Bunda hino andal e lavutarengri fameľija Kašatar. Pre bari bugova bašavel čhavorestar. Bašavelas andro buter folklorna ansambli (sar o Železiar) pre Slovaťiko the avri, andro teatro Romathan bašavel kanastar sas kerdo. Bašavel the andre kapela Kaschauer Klezmer Band. E fotografija sas kerďi 15.11.2023 prekal e video dokumentacija pal e bašavibnaskri produkcija khatar e cimbalovo kapela.
e kategorija: čitratuňipen
o tagi: sekularno digitalno esteticko in persona fotografija Vojtech Bunda savorenge interno
Arnold Sási
kerdo: 23. 06. 2025 12:12 opre kerdo: 23. 06. 2025 12:13
Arnold Sási phirďas pre Maškarutňi artikaňi škola Kašate, o bašaviben pre lavuta. Akana bašavel andro orchestros andro teatro Romathan, sajekh the andre fameľijakri kapela, savi ľidžal leskro dad o Alexander Sási, andre swingovo kapela Žaneta Štipákovakri the andre aver grupi. E fotografija sas kerďi 15.11.2023 andre M Aréna andro Prešov.
e kategorija: čitratuňipen
o tagi: sekularno digitalno esteticko in persona fotografija Arnold Sási savorenge interno
Agata Siemaszko
kerdo: 31. 03. 2025 11:27 opre kerdo: 31. 03. 2025 11:28
Agata Siemaszko hiňi e polťiko giľavňi the čitratuňi. Hiňi andal o polťiko regijonos Podhalie. Sikhľolas e etnologija, e kulturno antropologija the etnomuzikologija. Cikňoratar giľavel the bašavel, nekbuter o folklorno bašaviben. Bašaven andro buter grupi, save keren o bašavibnaskro žanros world music. Sar e giľavňi giľaďas pro albumi save kerďas e Barbora Botošová: Roshambo, Colors of My Soul. E fotografija sas kerďi prekal e video dokumentacija 10.11.2023 andre Themeskri džaňibnaskri kňižňica andro Prešov.
e kategorija: čitratuňipen
o tagi: sekularno digitalno esteticko in persona fotografija Agata Siemaszko savorenge interno
Drahoslav Bango
kerdo: 26. 03. 2025 13:50 opre kerdo: 26. 03. 2025 13:50
Drahoslav Bango hino o absolventos andal o konzervatorijum Bratislavate, paľis andl e Janáčkovo Akademija vaš o artikaňibena Brnoste. Paš o študijum phirelas pro bare maškarthemutne suťaži, sar o Liszt Ferenc Maškarthemutno piano suťaž, E maškarthemutňi Novákovo súťaž, Danubia Talents andro Viedeň, the but aver, kaj chudľas buterval o moľipena. Sas les o šajipen te bašavel o koncerta andro Izrael, Srbija, Rumuňija, Ungriko the andro but thema. Kerel e klasicko muzika, the o jazz the o world music. Akana sikhavel pro Bratislavsko konzervatorijum. E fotografija sas kerďi prekal e video dokumentacija 10.11.2023 andre Themeskri džaňibnaskri kňižňica andro Prešov.
e kategorija: čitratuňipen
o tagi: sekularno digitalno esteticko in persona fotografija Drahoslav Bango savorenge interno
Michaela Bobeková
kerdo: 26. 03. 2025 13:43 opre kerdo: 26. 03. 2025 13:44
Michaela Bobeková hiňi e orchestralno lavutarka, e giľavňi the e sikhavňi pre lavuta. E tema andro vakeriben hin o bašaviben sar e fameľijakri profesija, o dikhipen the e evaluacija pre romaňi kultura the lakro bašaviben andro bašavibnaskre grupi.E fotografija sas kerďi prekal e video dokumentacija 10.11.2023 andre Themeskri džaňibnaskri kňižňica andro Prešov.
e kategorija: čitratuňipen
o tagi: sekularno digitalno esteticko in persona fotografija Michaela Bobeková savorenge interno
Eugen Botoš
kerdo: 26. 03. 2025 13:30 opre kerdo: 26. 03. 2025 13:31
E Barbora Botošová the o Eugen Botoš hine e phen the phral, so duj džene lavutara, save vakeren pal o peskro drom ki e profesija andro bašaviben, vakeren pal oda, sar džalas lengro individualno bašavibnaskro vazdipen the jekhetane kreativna aktiviti. E fotografija sas kerďi prekal e video dokumentacija 10.11.2023 andre Themeskri džaňibnaskri kňižňica andro Prešov.
e kategorija: čitratuňipen
o tagi: sekularno digitalno esteticko in persona fotografija Eugen Botoš savorenge interno
Barbora Botošová
kerdo: 26. 03. 2025 13:00 opre kerdo: 26. 03. 2025 13:00
E Barbora Botošová the o Eugen Botoš hine e phen the phral, so duj džene lavutara, save vakeren pal o peskro drom ki e profesija andro bašaviben, vakeren pal oda, sar džalas lengro individualno bašavibnaskro vazdipen the jekhetane kreativna aktiviti. E fotografija sas kerďi prekal e video dokumentacija 10.11.2023 andre Themeskri džaňibnaskri kňižňica andro Prešov.
e kategorija: čitratuňipen
o tagi: sekularno digitalno esteticko in persona fotografija Barbora Botošová savorenge interno
Marek Michael Konček
kerdo: 26. 03. 2025 12:43 opre kerdo: 26. 03. 2025 12:45
Marek Michael Konček hino andal e lavutarengri Končekovo fameľija andal o regijonos Turiec. Barolas Martinoste u ki o bašaviben les ľidžanas kanastar sas cikno čhavoro. Sikhľolas pro konzervatorijum Ján Levoslav Belloskro andre Bansko Bystrica, o bakalarsko študijum kerďas pre Uči škola vaš o muzicka artikaňibena Bratislavate, o magistersko študijum pre Akademija vaš o artikaňibena Bansko Bystricate u o postgradualno študijum andro Krakov. Bašavel andro buter grupi, the vaš o Slovaťiko komorno teatro, Slovaťiko nacijonalno teatro, E Nevi scena, le artikane dženenca pal o Slovaťiko the Polťiko. E fotografija sas kerďi prekal e video dokumentacija 10.11.2023 andre Themeskri džaňibnaskri kňižňica andro Prešov.
e kategorija: čitratuňipen
o tagi: sekularno digitalno esteticko in persona fotografija Marek Michael Konček savorenge interno
Kristína Mojžišová
kerdo: 17. 03. 2025 11:02 opre kerdo: 17. 03. 2025 11:02
Mgr. Kristína Mojžišová, PhD. avri phirďas e Filozicko fakulta pre Univerzita P.J.Šafarikoskri andro Košice, lakri špecijalizacija e sikhavňi pre slovaťiko čhib the historija. Le beršestar 1996 kerel e žurnalistika, jekhto sar e redaktorka andro ľil SME, paľis andre Roma Press Agency. Akana kerel buťi andro Radijo Patria, o študijo STVR andro Košice. O vakeriben hino pal lakre aktiviti le beršestar 1989 dži kana pes kerďas kada vakeriben. E fotografija sas kerďi andre Themeskri džaňibnaskri kňižňica andro Prešov, 10.11.2023 kana sas kerdo o video pal o vakeriben.
e kategorija: čitratuňipen
o tagi: sekularno digitalno esteticko in persona fotografija Kristína Mojžišová savorenge interno
