Július Bandy terneder
kerdo: 26. 10. 2023 13:49 opre kerdo: 26. 10. 2023 13:50
Július Bandy sikhľolas pre cimbalma pre Zakladno umelecko škola Mikulašoskri Moyzesoskri andro Prešov. Paľis sikhľolas pro Privatno bašavibnaskro the dramaticko konzervatorium andro Prešov (1.-4. berš), kaj andro školakro berš 2018/2019 kerďas e maturita. Te bašavel pre cimbalma sikhľol pre Akademija vaš o artikaňibena andre Bansko Bystrica. Andre kapela bašavel pro kontrabas.
O fotografiji sas kerde prekal e dokumentacija pal o fameľijakre cimbalova kapeli andro berš 2022. Pre jekh fotografija hino peskre phraleha Kristianoha Bandyha.
e kategorija: čitratuňipen
o tagi: sekularno digitalno esteticko in persona fotografija Július Bandy ml. savorenge interno
Július Bandy
kerdo: 26. 10. 2023 12:57 opre kerdo: 27. 10. 2023 13:28
Július Bandy hino andal e lavutariko fameľija. Uľiľas andro Prešov. Pre Zakladno bašavibnaskri škola Mikulašoskri Moyzesoskri andro Prešove agorinďas o bašaviben pre cimbalma. Bašavel the pro saksofonos, bari bugova the harmoňika. Andro berša 1982-1983 bašavelas andro čhavorikano folklorno suboris Dúbravienka andro Prešov. Andro berša 1985-1986 bašavelas andro čhavorikano folklorno suboris Šarišanček andro Prešov. Sar 15 beršengro bašavelas andro Teatro Alexandroskro Duchnovičoskro andro Prešov. O slugaďipen kerelas andro Armadno umelecko suboris Jánošík andro Zvolen (1993-1994). Pre cimbalma bašavelas andro buter kapeli the subora – e folklorno kapela Prešovčan, o folklorno suboris Sabinovčan, e folklorno kapela Čardáš Prešovostar, e folklorno kapela Janoskri Budyiskri andal o Humenné.
O fotografiji sas kerde prekal e dokumentacija pal o fameľijakre cimbalova kapeli andro berš 2022.
e kategorija: čitratuňipen
o tagi: sekularno digitalno esteticko in persona fotografija Július Bandy savorenge interno
Miroslav Rác
kerdo: 26. 10. 2023 12:51 opre kerdo: 27. 10. 2023 13:26
Miroslav Rác bašavel pro klaviris, hino bašavibnaskro pedagogos, pisinel e muzika. Imar buter berša kerel e muzika pal o romano holokaust sar e tema. Sar o koncertno klaviristas bašavelas pro buter lumakre podiji andre Europa the Izrael.
O fotografiji sikhaven leskro klavirno recitalos vaš o murdarde džene andro romano holokaust.
e kategorija: čitratuňipen
o tagi: sekularno digitalno esteticko in persona fotografija Miroslav Rác savorenge interno
Dávid Štajer
kerdo: 26. 10. 2023 12:24 opre kerdo: 27. 10. 2023 13:03
Hino Telgártostar. Bašavel pre harmonika, no nane les o bašavibnaskro sikhaviben. Te bašavel sikhľiľas korkoro. Andre fameľija len hin nekbuter o primaša. The ov chudľas te bašavel pre lavuta, no olestar les nasas e loš. Jekhto harmonika leske cinďas leskro papus. Bašavel andro folklorna subora Šumiačan, Telgárt, Vernár. Bašavel e folklorno muzika, romaňi muzika, no kana hin o šajipen, bašavel the o džez u balkansko muzika.
O fotografiji sas kerde prekal e dokumentacija pal e banda Pokošovci andro projektos vaš e dokumentacija pal o romane fameľijakre cimbalova kapeli.
e kategorija: čitratuňipen
o tagi: sekularno digitalno esteticko in persona fotografija Dávid Štajer savorenge interno
E kapela Ďusi Band
kerdo: 26. 10. 2023 09:14 opre kerdo: 27. 10. 2023 13:41
E folklorno kapela Július Bandyskri - o Ďusi Band hiňi e kapela Perješistar. O džene andre kapela hine andal e fameľija, kaj o lavutara penge den o džaňiben generacijatar pre generacija. Andre kapela bašaven: o dad Július Bandy u leskre trin čhave - Kristián, Július, Samuel. Bašaven pre cimbalma, bari bugova, lavuta u viola. Andro lengro repertoaris hino slovaťiko the romano folklor, the o giľa aver minoritendar - židovika, rusinska, ungrika, rusika, bašaven the e filmovo muzika. E fameľijakri kapela kerde andro berš 2013.
Pro fotografiji hiňi e kapela jekhetanes le neve dženenca, e giľavňi Anita Balážová Haffnerová, pre klarineta o Roland Horváth u pre zongora bašavel u giľavel o Jakub Haffner.
E fotogorafiji sas kerde prekal e dokumentacija pal o romane fameľijake cimbalova kapeli, andro Prešov, 14.7.2023.
e kategorija: čitratuňipen
o tagi: sekularno digitalno esteticko in persona fotografija Kapela Ďusi Band savorenge interno
Anita Haffnerová Balážová
kerdo: 18. 10. 2023 15:03 opre kerdo: 27. 10. 2023 13:37
Anita Haffnerová Balážová sikhľiľas o klasicko giľavipen pro konzervatorijum andro Košice. Akana lakri buťi hiňi te sikhavel te giľavel pre Privatno zakladano artikaňi škola andre Liptovsko Štiavnica.
O fotografiji sas kerde prekal e dokumentacija pal e fameľijakri kapela Ďusi Band.
e kategorija: čitratuňipen
o tagi: sekularno digitalno esteticko in persona fotografija Anita Haffnerová Balážová savorenge interno
Jakub Haffner
kerdo: 18. 10. 2023 14:53 opre kerdo: 27. 10. 2023 13:38
Jakub Haffner sikhľiľas te bašavel pre cimbalma pro konzervatorijum andro Košice. Akana sikhavel o bašaviben pre Privatno zakladno artikaňi škola andre Liptovská Štiavnica.
O fotografiji sas kerde prekal e dokumentacija pal e fameľijakri kapela Ďusi Band.
e kategorija: čitratuňipen
o tagi: sekularno digitalno esteticko in persona fotografija Jakub Haffner savorenge interno
Roland Horváth
kerdo: 13. 10. 2023 08:50 opre kerdo: 27. 10. 2023 13:35
Bc. Roland Horváth, DiS.art, uľiľas andre lavutarengri fameľija andre Rimavsko Sobota. O uče školakro sikhľuviben, jekhto učipen, doresľas pre Akademija vaš o artikaňibena andre Bansko Bystrica. Bašavel pro phurďipnaskre inštrumenta, e aktivno karijera chudľas andro Ungriko, kaj bašavelas andro buter kapeli, save ľidžanas o bare primaša. Kana avľas pale pre Slovaťiko, bašavelas andro teatros Romathan Kašate. Andro berš 2011, jekhetanes la kapelaha Sendreiovci bašavela pro soundtrackos kijo blockbusteros Sherlock Holmes - Garude Učhaľina (režija: Guy Ritchie, muzika: Hans Zimmer). Pre Slovaťiko bašavel andro buter kapeli kaj bašavel pre klarineta, intenzivno jekhetaňi buťi les hin la kapelaha Ďusi Band, savi kerel o Július Bandy. Le beršestar 2019 hino o šerutno pre Zakladno artikaňi škola andro gav Jesenské.
O fotografiji sas kerde prekal e dokumentacija pal o fameľijakre cimbalova kapeli andro berš 2022.
e kategorija: vizualno čitratuňipen
o tagi: sekularno digitalno esteticko in persona fotografija Roland Horváth savorenge interno
O Pokošovci
kerdo: 10. 10. 2023 08:29 opre kerdo: 27. 10. 2023 13:20
O Pokošovci hine e romaňi cimbalovo kapela, o džene hine andal o gava Telgárt the Šumiac pro Horehronie - o slovaťiko regijonos. Lengro repertoaris hino e interpretacija le autenticko lokalna romane giľengro. Andro januaris 2020 lengro albumos le naveha E folklorno banda Pokošovci resľas o 15. than andro World Music Chart Europe.
O fotografiji sas kerde prekal e dokumentacija pal o romane cimbalova kapeli pre Slovaťiko.
e kategorija: vizualno čitratuňipen
o tagi: sekularno digitalno esteticko in persona fotografija Pokošovci savorenge interno
Dušan Deme
kerdo: 10. 10. 2023 08:03 opre kerdo: 27. 10. 2023 13:10
Dušan Deme uľiľas andre lavutarengri fameľija Lučencoste. Kijo bašaviben les ciknorestar ľidžalas o phuro dad. Šove beršendar bašavelas pre zongora, paľis sikhľolas the pre Zakladno artikaňi škola. Sikhľolas the te giľavel. Dešuštare beršendar rodel o dživipen prekal o bašaviben pro but thana, kerelas the andro but šifi pro baro paňi, kaj bašavelas pre zongora u giľavelas. Leskri inklinacija hin nekbuter kijo romano bašaviben, o folklorna giľa, džez u puraneder slovaťiko kheľibnaskri muzika. O vakeriben hino pal oda, sar leperel pre peskri fameľija, the so gondoľinel pal e akanutňi romaňi muzika, so ela le tradično cimbalovo kapelenca pre Slovaťiko, pal o leskro bašaviben andro Roland Horváth Orchestra no the pal e romaňi čhib the kultura.
O fotografiji sas kerde prekal e dokumentacija pal o romane cimbalova kapeli pre Slovakija.
e kategorija: čitratuňipen
o tagi: sekularno digitalno esteticko in persona fotografija Dušan Deme savorenge interno
