Roland Horváth
kerdo: 13. 10. 2023 08:50 opre kerdo: 27. 10. 2023 13:35
Bc. Roland Horváth, DiS.art, uľiľas andre lavutarengri fameľija andre Rimavsko Sobota. O uče školakro sikhľuviben, jekhto učipen, doresľas pre Akademija vaš o artikaňibena andre Bansko Bystrica. Bašavel pro phurďipnaskre inštrumenta, e aktivno karijera chudľas andro Ungriko, kaj bašavelas andro buter kapeli, save ľidžanas o bare primaša. Kana avľas pale pre Slovaťiko, bašavelas andro teatros Romathan Kašate. Andro berš 2011, jekhetanes la kapelaha Sendreiovci bašavela pro soundtrackos kijo blockbusteros Sherlock Holmes - Garude Učhaľina (režija: Guy Ritchie, muzika: Hans Zimmer). Pre Slovaťiko bašavel andro buter kapeli kaj bašavel pre klarineta, intenzivno jekhetaňi buťi les hin la kapelaha Ďusi Band, savi kerel o Július Bandy. Le beršestar 2019 hino o šerutno pre Zakladno artikaňi škola andro gav Jesenské.
O fotografiji sas kerde prekal e dokumentacija pal o fameľijakre cimbalova kapeli andro berš 2022.
e kategorija: vizualno čitratuňipen
o tagi: sekularno digitalno esteticko in persona fotografija Roland Horváth savorenge interno
O Pokošovci
kerdo: 10. 10. 2023 08:29 opre kerdo: 27. 10. 2023 13:20
O Pokošovci hine e romaňi cimbalovo kapela, o džene hine andal o gava Telgárt the Šumiac pro Horehronie - o slovaťiko regijonos. Lengro repertoaris hino e interpretacija le autenticko lokalna romane giľengro. Andro januaris 2020 lengro albumos le naveha E folklorno banda Pokošovci resľas o 15. than andro World Music Chart Europe.
O fotografiji sas kerde prekal e dokumentacija pal o romane cimbalova kapeli pre Slovaťiko.
e kategorija: vizualno čitratuňipen
o tagi: sekularno digitalno esteticko in persona fotografija Pokošovci savorenge interno
Dušan Deme
kerdo: 10. 10. 2023 08:03 opre kerdo: 27. 10. 2023 13:10
Dušan Deme uľiľas andre lavutarengri fameľija Lučencoste. Kijo bašaviben les ciknorestar ľidžalas o phuro dad. Šove beršendar bašavelas pre zongora, paľis sikhľolas the pre Zakladno artikaňi škola. Sikhľolas the te giľavel. Dešuštare beršendar rodel o dživipen prekal o bašaviben pro but thana, kerelas the andro but šifi pro baro paňi, kaj bašavelas pre zongora u giľavelas. Leskri inklinacija hin nekbuter kijo romano bašaviben, o folklorna giľa, džez u puraneder slovaťiko kheľibnaskri muzika. O vakeriben hino pal oda, sar leperel pre peskri fameľija, the so gondoľinel pal e akanutňi romaňi muzika, so ela le tradično cimbalovo kapelenca pre Slovaťiko, pal o leskro bašaviben andro Roland Horváth Orchestra no the pal e romaňi čhib the kultura.
O fotografiji sas kerde prekal e dokumentacija pal o romane cimbalova kapeli pre Slovakija.
e kategorija: čitratuňipen
o tagi: sekularno digitalno esteticko in persona fotografija Dušan Deme savorenge interno
Kristián Bandy
kerdo: 02. 10. 2023 11:11 opre kerdo: 27. 10. 2023 13:33
Bc. Kristián Bandy, Dis.art bašavel andre fameľijakri cimbalovo kapela Ďusi Band pre viola. Hino akhardo dženo andro orchestros andro teatros Romathan, ľidžal angle e kapela andro folklorno subori Fijalečka paš e Zakladno škola Šrobarovo andro Prešov. Hino o absolventos pal e Zakladno artikaňi škola Mikuláš Moyzesoskri andro Prešov, o bašaviben pre lavuta. Dureder phirďas pro Privatno konzervatorijum Dezider Kardošoskro andro Prešov (1. - 3. berš), o absolutorium kerďas pro Privatno bašavibnaskro konzervatorijum Kašate (4. - 6. berš). O bakalarsko titulos chudľas pre Katolicko univerzita Ružomberkoste, o kotor andro Spišsko Podhradie. Pro fotografiji hine o phrala Kristián the Július Bandy terneder.
O fotografiji sas kerde prekal e dokumentacija pal o fameľijakre cimbalova kapeli andro berš 2022.
e kategorija: čitratuňipen
o tagi: sekularno digitalno esteticko in persona fotografija Kristián Bandy savorenge interno
Samuel Bandy
kerdo: 02. 10. 2023 11:01 opre kerdo: 27. 10. 2023 13:31
Samuel Bandy hino o primašis andre fameľijakri cimbalovo kapela Ďusi Band. Pal e Zakladno artikaňi škola Mikuláš Moyzesoskri andro Prešov sikhľol dureder pro Konzervatorijum pre Timonovo uľica g.2, Kašate. Pro kompeticiji vaš o lavutara pre Slovaťiko chudľas but bare moľipena.
O fotografiji sas kerde prekal e dokumentacija pal o fameľijakre cimbalova kapeli andro berš 2022.
e kategorija: čitratuňipen
o tagi: sekularno digitalno esteticko in persona fotografija Samuel Bandy savorenge interno
Manuša
kerdo: 21. 08. 2023 14:56 opre kerdo: 27. 10. 2023 13:18
Andre kapela Manuša bašaven o profesijonalna lavutara, e inicijatorka vaš kada projektos hiňi e slovaťiko giľavňi Júlia Kozáková. Pre cimbalma bašavel Ľubomír Gašpar, pre lavuta Viliam Didiáš, pre viola Vojtech Bélu Botoš u pre bari bugova Ján Rigo. Prekal o pomožipen andal o Fondos vaš e minoritengri kultura SR u Bratislavsko samospravno regijonos dine andro berš 2022 avri o albumos sajekh naveha. Deš giľa hine o tradična romane giľa andro originalna aranžmana, save kerde o džene andal e kapela, ke lende thode mekh o kotora andal o ungriko romano bašaviben.
O fotografiji sas kerde prekal e dokumentacija pal e kapela Manuša andro projektos savo dokumentinel o romane fameľijakre cimbalova kapeli.
e kategorija: čitratuňipen
o tagi: sekularno digitalno esteticko in persona fotografija Manuša savorenge interno
Daniel Pokoš
kerdo: 21. 08. 2023 14:32 opre kerdo: 27. 10. 2023 13:06
Uľiľas andre lavutarengri fameľija Telgartoste, ciknorestar pes interesinelas pal o bašaviben pro buter inštrumenta. Nekbuter bašavel pre lavuta. Korkoro sikhľiľas te bašavel pre lavuta, naphirďas andre bašavibnaskri škola. O bašaviben sikhľolas andre leskri kapela, the andre kapela Pokošovci.
O fotografiji sas kerde prekal e dokumentacija pal e kapela Pokošovci andro projektos savo dokumentinel o romane fameľijakre cimbalova kapeli.
e kategorija: čitratuňipen
o tagi: sekularno digitalno esteticko in persona fotografija Daniel Pokoš savorenge interno
Miroslav Pokoš
kerdo: 05. 04. 2023 13:52 opre kerdo: 27. 10. 2023 13:00
Hino andal o gav Šumiac. Hino andal e bašavibnaskri fameľija. Leskri fameľija pal o dad hine o Pokošovca Šumiacostar, pal e daj o Harvanovci Telgártostar.
Andro ola lokaliti ňikana nasas dominantno e gitara vaj o klavesova inštrumenta. Sakovar ča e lavuta, e harmonika, bari bugova, o cimbalmi. Bašavel pre bari bugova, pre lavuta the pre harmonika. Te bašavel sikhľiľas korkoro. E banda Pokošovci bašavel o slovaťiko the romano folkloris pal o Horehronie.
Le phralenca Radoha u Stanoha dine avri o albumos E folklorno banda Pokošovci 2, savo pes dochudľas pro 15. than andro World Music Chart Europe andro januaris 2020.
O fotografiji sas kerde kana pes dokumentinelas e kapela Pokošovci andro projektos vaš e dokumentacija pal o romane fameľijakre cimbalova bandi.
e kategorija: čitratuňipen
o tagi: sekularno digitalno esteticko in persona fotografija Miroslav Pokoš savorenge interno
Vladimír Slávik
kerdo: 05. 04. 2023 13:46 opre kerdo: 30. 10. 2023 09:53
Hino Bansko Bystricatar. Kijo bašaviben les ľidžalas leskro papus, savo bašavelas pre harmonika u but kamelas o romano bašaviben. The ov but kamel romano bašaviben, nekfeder. Bašavel le bandenca pro Horehronie - o Pokošovci, Haviarovci, Gábrišovci.
Sikhľiľas te bašavel pre cimbalma pre Zakladno umelecko škola Bansko Bystricate. Bašavel andro buter folklorna kapeli. Akana phirel pre Jeseniovo Medicinsko fakulta andro Martin, Komenský Univerzita. O romano folklorno bašaviben hino, sar phenel, buter temperamentno, buter šuňiben vaš e muzika the harmonija, sar andre slovaťiko.
O fotografiji sas kerde kana pes dokumentinelas e kapela Pokošovci prekal o projektos vaš e dokumentacija pal o romane fameľijakre cimbalova kapeli.
e kategorija: čitratuňipen
o tagi: sekularno digitalno esteticko in persona fotografija Vladimír Slávik savorenge interno
Ľubomír Gašpar
kerdo: 13. 03. 2023 09:25 opre kerdo: 30. 10. 2023 09:57
Mgr. art Ľubomír Gašpar hino andal e Detva, akana bešel Bratislavate. Te bašavel pre cimbalma sikhľolas andro Konzervatorijum Ján Levoslav Belloskro Bansko Bystricate, paľis andre Bašavibnaskri the artikaňi akademija Ján Albrechtoskri andre Bansko Štiavnica. Akana sikhľol andro JAMU andro Brno. Bijo oda, hoj hino o profesijonalno bašaldo, sikhavel o bašaviben the pro Privatno konzervatorijum Dezider Kardošiskro andro Topoľčany. Leskro bašavibnaskro drom hino multižanrovo, kerel e fuzija maškar o elemenat andal o folkloris, klasicko bašaviben vaj džez. Bašavel andro buter grupi, sar o SOLE, Ľubomír Gašpar Cimbal Project, saveha kerďas duj albumi: The Point of Vieľ, savo andro berš 2017 chudľas o moľipen Radio Head vaš o nekfeder albumos andre kategorija World Music the o Ľubozvuk (2021). Hin les o permanentno than andre grupa Manuša, savenca avri diňas sajekh naveha o albumos andro berš 2022.
O fotografiji sas kerde prekal e dokumentacija pal o bašavibnaskro projektos Manuša andro august 2022 andro Prešov.
e kategorija: čitratuňipen
o tagi: sekularno digitalno esteticko in persona fotografija Ľubomír Gašpar savorenge interno
