Ján Berky Mrenica
kerdo: 04. 06. 2021 10:12 opre kerdo: 04. 06. 2021 10:13
Ján Berky Mrenica terneder, o dženo u le beršestar 1997 the o šerutno andro orchestros Diabolské husle (Bengaľi lavuta) phirel maškar o nekh feder lavutarengre virtuozi pre Slovaťiko. Pre braťislavsko konzervatorijum sikhľolas te bašavel pre lavuta, lel the o kotor pre kňižka pal o nekh buter prindžarde romane giľa. Peskro bašavibnaskro talentos thoďas the andro bašavibnaskre aranžmani pre profilovo CD so kerde o Diabolské husle (Bengaľi lavuta), no the andro but aver folklorna ansambli. Del o phiko le čhavorenge save hine talentimen u čore, kadi leskri aktivita paľis anďas o prindžardo projektos Divé maky (Maľakro makos). O fotografiji sas kerde pre anglo karačoňakro koncertos andro Kežmarok, kerdo prekal o projektos O bašaviben bi o hraňici jekhetanes le polťika partnerenca u le Maškarutňa školaha andro Kežmarok.
e kategorija: čitratuňipen
o tagi: sekularno digitalno esteticko in persona fotografija Ján Berky Mrenica savorenge interno
Romathan - o bašavibnaskro zumaviben
kerdo: 03. 06. 2021 09:49 opre kerdo: 03. 06. 2021 09:51
E serija fotografiji, save sikaven o bašavibnaskro zumaviben, o orchestralno kotor andro Teatro Romathan. O Teatro Romathan kerďas o Ministerstvos vaš e kultura SR andro majos 1992 andro Košice. Le 1. januaristar 2002, kana sas e regijonalno transformacija, o teatro hino tel o šerutňipen khatar o Košicko autonomno krajos.
e kategorija: bašaviben
o tagi: inštrumentalno moderno folklorno orchestra originalno averestar Romathan savorenge interno
Romathan - o kheľibnaskro zumaviben
kerdo: 03. 06. 2021 09:40 opre kerdo: 03. 06. 2021 09:41
E serija fotografiji, save sikaven o kheľibnaskro zumaviben, o kheľibnaskro kotor andro Teatro Romathan. O Teatro Romathan kerďas o Ministerstvos vaš e kultura SR andro majos 1992 andro Košice. Le 1. januaristar 2002, kana sas e regijonalno transformacija, o teatro hino tel o šerutňipen khatar o Košicko autonomno krajos.
e kategorija: kheľiben
o tagi: folklor autenticko muršikano džuvľikano suboris originalno choreografija Romathan savorenge interno
Vilko andro vešeskro thagaripen
kerdo: 03. 06. 2021 08:54 opre kerdo: 03. 06. 2021 08:55
O Teatro Romathan khelďas e paramisi le giľenca vaš o čhavore save mekh na phiren andre škola, the o čhavore andro terneder školakre berša tel o nav Vilko andro vešeskro thagaripen. O res andre paramisi hino te sikavel o lačhipen, savo ňikana nane andro manušikano dživipen dosta zoralo. Prekal oda, hoj e paramisi hiňi andro veš, le čhavoren hin o šajipen te prindžarel o džvirini, save chuden o pozitivna manušikane charakteri.
e kategorija: drama
o tagi: teatros drama pre scena laveha originalos slovaťika romanes Romathan čhavore the terne interno
Ivan Šarközy – e charťaňi
kerdo: 02. 06. 2021 12:08 opre kerdo: 02. 06. 2021 12:09
Ivan Šarközy hino andal e charťikaňi fameľija. Uľiľas andre Dunajsko Lužna, kaj kerel buťi andre fameľijakri charťaňi. Hino avri sikado sar o lodno mechanikos, no odi buťi na kerelas. Kerel o umelecko charťipen.
e kategorija: vastengri buťi
o tagi: džide tradična esteticko trast charťipen Ivan Šarközy savorenge interno
Viliam Šarközy - e charťikaňi buťi
kerdo: 02. 06. 2021 10:19 opre kerdo: 02. 06. 2021 11:53
Viliam Šarközy hino andal e charťikaňi fameľija. O fotografiji sas kerde prekal o kidipen Europakro romano charťikano sympozium, savo kerel e birajipnaskri organizacija Charťikano. O fotografiji dokumentinen e charťikaňi buťi.
e kategorija: vastengri buťi
o tagi: džide tradična buťakro trast charťipen Vilam Šarközy Európske Rómske kováčske sympózium savorenge interno
Marián Balog
kerdo: 19. 05. 2021 09:46 opre kerdo: 19. 05. 2021 09:47
E fotografija sas kerďi prekal o leperibnaskro vakeriben andre Bansko Bystrica andro berš 2016.
Marián Balog kerďas e themutnengri organizacija Romano literarno klubos, savo ačhaďas andro berš 2009. Hino the leskro aktivno dženo. O klubos prezentinel o literarna buťa le Romendar pal o Roma.
e kategorija: vizualno čitratuňipen
o tagi: sekularno digitalno esteticko in persona fotografija Marián Balog savorenge interno
Ivan Veselý
kerdo: 18. 05. 2021 12:13 opre kerdo: 18. 05. 2021 12:14
Ivan Veselý uľiľlas pro vichodno Slovaťiko andre romaňi osada Smižany. Hino nekhphureder pandž čhavorendar. Avri phirďas e Maškarutňi slugaďengri škola andro Martin, dži o berš 1989 sas o profesijonalno slugaďis andre Čechiko republika. Andro berš 1989 les vaš o leskre gondoľipena pal o armadno šerutňipen degradinde u čhide la armadatar avri. Paľis kerelas buťi sar o buťarno. Kana pes paruďas o režimos, chudľas e armadno rehabilitacija. Ivan Veselý kerďas e organizacija Dženo, but berša sas aktivno dženo u funkcijonaris andre Internacijonalno romanňi unija (IRU), sas the o dženo andro buter maškarthemutne komisiji vaš e romaňi emancipacija. Sas the o vicešerutno andre Romaňi themutnengri inicijativa. E fotografija sas kerďi, kana sas o vakeriben leha andro berš 2013.
e kategorija: vizualno čitratuňipen
o tagi: sekularno digitalno esteticko in persona fotografija Ivan Veselý savorenge interno
E folklorno kapela Júliusoskri Bandyskri
kerdo: 17. 05. 2021 12:16 opre kerdo: 17. 05. 2021 12:17
O fotografiji sas kerde pro kidipen Džiďi kňižka, e tema sas o romano holokaust. Te bašavel sas akharďi e Folklorno kapela Júliusoskri Bandyskri. Andre kapela hine o dad Július Bandy u leskre trin čhave – Kristián, Július the Samuel. Bašaven pre cimbalma, bari bugova, lavuta the kontra. O žanra save bašaven hine klasicko the kheľibnaskre. Andro lengro repertoaris arakhas slovaťiko the romano folkloris, o giľa aver minoritendar – židoviko, rusiňiko, ungriko, rusiko, keren the filmovo bašaviben.
O dad, Július Bandy hino andal e lavutariko fameľija. Uľiľas Bara Šarošate. Pre Zakladno bašavibnaskri škola Mikulašoskri Moyzesoskri andro Prešove agorinďas o bašaviben pre cimbalma. Bašavel the pro saksofonos, bari bugova the harmoňika. Andro berša 1982-1983 bašavelas andro čhavorikano folklorno suboris Dúbravienka andro Prešov. Andro berša 1985-1986 bašavelas andro čhavorikano folklorno suboris Šarišanček andro Prešov. Sar 15 beršengro bašavelas andro Teatro Alexandroskro Duchnovičoskro andro Prešov. O slugaďipen kerelas andro Armadno umelecko suboris Jánošík andro Zvolen (1993-1994). Pre cimbalma bašavelas andro buter kapeli the subora – e folklorno kapela Prešovčan, o folklorno suboris Sabinovčan, e folklorno kapela Čardáš Prešovostar, e folklorno kapela Janoskri Budyiskri andal o Humenné.
Kristián Bandy sikhľiľas e lavuta pre Zakladno umelecko škola Mikulašoskri Moyzesoskri andro Prešov. Te sikhľol geľas dureder pro Privatno konzervatorium Dezideroskro Kardošiskro andro Prešov (1.-3. berš), paľis geľas pro Privatno bašavibnaskro the dramaticko konzervatorium andro Košice (4.-6. berš). O bašaviben pre lavuta sikhľola dureder pre Katoľicko univerzita Ružomberkoste, o kotor andre Spišsko Podhradie. Eksterno bašavel andro teatro Romathan, hino o šerutno andre kapela andro suboris Fialečka paš e Zakladno škola Šrobarovo andro Prešov. Andre fameľijakri kapela bašavel pre viola.
Július Bandy sikhľolas pre cimbalma pre Zakladno umelecko škola Mikulašoskri Moyzesoskri andro Prešov. Paľis sikhľolas pro Privatno bašavibnaskro the dramaticko konzervatorium andro Prešov (1.-4. berš), kaj andro školakro berš 2018/2019 kerďas e maturita. Andre kapela bašavel pro kontrabas.
Samuel Bandy hino o primašis andre fameľijakri kapela. Sikhľol pre lavute pre Zakladno umelecko škola Mikulašoskri Moyzesoskri andro Prešov. Vaš o bašaviben pre lavuta chudľas buter bare moľipena pro suťaži pre Slovaťiko.
E fameľijakri kapela kerde andro berš 2013. O čhave Kristián the Július hine absolventa pal o Privatno bašvibnaskro the dramaticko konzervatorijum andro Košice. Samuel mekh phirel pre zakladno škola andro Prešov.
e kategorija: vizualno čitratuňipen
o tagi: sekularno digitalno esteticko in persona fotografija E folklorno kapela Júliusoskri Bandyskri savorenge interno
Elena Cinová
kerdo: 17. 05. 2021 11:41 opre kerdo: 17. 05. 2021 11:51
Elena Cinová sikhľiľas avri sar e sikhavňi vaš o 1. kotor pro zakladna školi pre Univerzita Konštantinoskri Filozofoskri andre Nitra, pre ole beršengri Katedra vaš e romaňi kultura. Kerel buťi sar e sikhavňi vaš o profesijno buchľaripen andro Metodicko u pedagogicko centrum andro Prešov, konkretno andro kotor ROCEPO (Romano centrum Prešov). Andro foros Humenné, kaj bešel, ľidžal angle e birajipnaskri organizacija, e Unija vaš o telesno sikhaviben u športos, prekal savo kerel buter projekta vaš e buťi le romane čhavorenca u le ternenca andro lokaliti Podskalka u Brekov. E fotografija sas kerďi kana pes kerela e dokumentacija, lakro leperibnaskro vakeriben, andre Štatno džaňibnaskri kňižňica andro Prešov, andro berš 2020.
e kategorija: vizualno čitratuňipen
o tagi: sekularno digitalno esteticko in persona fotografija Elena Cinová savorenge interno
