E giľengri pustik - 13. Šude mange, šude tu
kerdo: 11. 03. 2016 13:29 opre kerdo: 27. 11. 2020 01:47
E giľi giľaďas o Jozef Miko, saves vičhinen the o Kopytko, pre gitara leske bašavelas o Jozef Dreveňák. E giľi giľavelas kana pes kerelas e dokumentacija pal o romane folklorna giľa the kheľibena andro Bardejov, pre Poštarka, andro junos 2014. Amari giľengri pustik anel e originalno giľi. E čhib andre giľi sikavel so hin avka včihinďi demo čhib - na phenel ňič konkretno, hiňi ča e lavengri kombinacija, save ritmikanes the melodikanes džan mište la melodijaha.
e kategorija: bašaviben
E giľengri pustik - 12. Ľoli paradička
kerdo: 11. 03. 2016 13:07 opre kerdo: 27. 11. 2020 01:47
E giľi arakhľam u dokumentinďam pro bašavibnaskro the kheľibnaskro sikaviben so kerďas o Teatro Romathan andal o Košice andro gav Svinia vaš o čhavore so phiren pre zakladno škola sar o kulturno the sikhavibnaskro kidipen andro aprľis 2013. E giľi odoj giľavelas e Barbora Zubková, e džeňi andal o teatroskro ansamblos, bašavelas o orchestros andal o Teatro Romathan. E giľi hiňi folklorno, kheľibnaskri - o čardašis. But prindžarďi u popularno kheľibnaskri giľi. Giľaďas e Dominika Klemparova.
e kategorija: bašaviben
E giľengri pustik - 11. Kaskre ola duj čhavore
kerdo: 11. 03. 2016 12:13 opre kerdo: 27. 11. 2020 01:47
E giľi giľaďas e folklorno giľaďi Albína Duždová andal o gav Žehňa, andro muzikakro študijo Hárdy studio andro Malý Šariš, andro novembros 2013. E giľi hiňi loki folklorno giľi - halgató, e tema hiňi pal o čoripen, bokh the pharipen so hin le romane čhavoren. Giľaďas e Dominika Klemparova.
e kategorija: bašaviben
E giľengri pustik - 10. Čhajori romaňi
kerdo: 11. 03. 2016 10:40 opre kerdo: 27. 11. 2020 01:47
Andro oktobros 2013 pes kerďas e dokumentacija pal o folklorno giľavipen trine džuvľengro andal e Žehňa. Adi sas maškar o giľa, so giľade. E interpretacija originalno kerde e Jolana Horváthová, Gabriela Duždová the e Anna Mačová. E giľi Čhajori romaňi pes dži akana ľikerel sar e himna vaš o slovaťika Roma. E giľi hiňi pal o dujto lumakro mariben u pal o pharipena save tirinenas o Roma andro buťakre the koncentračna tabori. Giľaďas e Dominika Klemparova.
e kategorija: bašaviben
E giľengri pustik - 09. Šukar jakha
kerdo: 11. 03. 2016 10:18 opre kerdo: 27. 11. 2020 01:47
E giľi sas maškar o giľa pro bašavibnaskro the kheľibnaskro sikaviben so kerďas o Teatro Romathan andal o Košice u savo pes vičhinelas „Romathan andro neve gada”. O sikaviben sas andre Stara radnica andro Košice, andro decembros 2014. Pre dokumentacija e giľi giľaven e Dáša Polláková the e Barbora Zubková, o džene andro teatroskro ansamblos u bašavelas lenge o orchestros andal o Teatro Romathan. But popularno folklorno kheľibnaskri giľi - o čardašis. Giľaďas e Dominika Klemparova.
e kategorija: bašaviben
E giľengri pustik - 08. Podradžakre Roma
kerdo: 11. 03. 2016 08:37 opre kerdo: 27. 11. 2020 01:47
Andro junos 2014 sas kerďi e dokumentacija pal oda, sar duj muzikanta bašavenas u giľavenas avri pre uľica andro foros Prešov. Kadi giľi bašavenas maškar o aver lengre giľa. O giľade sas o murša andal o gav Chminianske Jakubovany, o Martin Holub the o Roman Holub. E kerďi giľi, o na prindžardo autoris vaš o lava the e muzika. E giľi hiňi pherasutňi, pal o fenomenos kana o manuša chuden o socijalna love.
e kategorija: bašaviben
E giľengri pustik - 07. Phagle mange mri musori
kerdo: 10. 03. 2016 14:46 opre kerdo: 27. 11. 2020 01:47
Andro oktobros 2013 pes kerďas e dokumentacija pal o folklorno giľavipen trine džuvľengro andal e Žehňa. Adi sas maškar o giľa, so giľade. E interpretacija originalno kerde e Jolana Horváthová, Gabriela Duždová the e Anna Mačová. E lokhi, pharipnaskri folklorno giľi - halgató. E muršikaňi giľi pal o pahripena andro kamiben. Giľaďas e Dominika Klemparova.
e kategorija: bašaviben
E giľengri pustik - 06. Te me mamo
kerdo: 10. 03. 2016 14:10 opre kerdo: 27. 11. 2020 01:47
E giľi phirel andre kategorija maškar o loke, pharipnaskre giľa - halgató. O autoris vaš e muzika the o lava nane prindžardo. Jekhtovar sas prezentimen pro Festivalos vaš e romaňi kultura andro Prešov andro berš 1991, e interpretacija kerďas o romano ansamblos Perumos Prahatar. Giľaďas e Dominika Klemparova.
e kategorija: bašaviben
E giľengri pustik - 05. Phen mange mamo
kerdo: 10. 03. 2016 14:00 opre kerdo: 27. 11. 2020 01:47
E originalno video la giľatar sas kerdo prekal e dokumentacija pre akcija „Autorsko geňiben” andro Teatro Jonáš Záborský andro Prešov, andro marcos 2014. O originalno interpretos kala giľakro sas o bašavibnaskro akhardo pre akcija, o giľado Marco Pillo. E giľi hiňi kerďi, no na resľam te arakhel o autoris vaš e muzika the o lava, ačhiľas sar folklorno varekana andro ochtovardešte berša andro 20-to šelberšipen. Giľaďas e Dominika Klemparova.
e kategorija: bašaviben
E giľengri pustik - 04. Mamo, so kerdžom
kerdo: 10. 03. 2016 13:30 opre kerdo: 27. 11. 2020 01:47
Andro junos 2014 sas kerďi e dokumentacija pal oda, sar duj muzikanta bašavenas u giľavenas avri pre uľica andro foros Prešov. Kadi giľi bašavenas maškar o aver lengre giľa. O giľade sas o murša andal o gav Chminianske Jakubovany, o Martin Holub the o Roman Holub. E giľi hiňi kerďi, nevi. E giľi hiňi e lokhi giľi andro žanros rom-pop.
e kategorija: bašaviben
