Jozef Miko-Kopýtko - tradično romano kheľiben
kerdo: 01. 08. 2016 10:56 opre kerdo: 27. 11. 2020 01:54
Jozef Miko-Kopýtko khelel o tradično romano kheľiben.
e kategorija: kheľiben
o tagi: Jozef Miko Jozef Dreveňák
Erika Hornáková
kerdo: 27. 07. 2016 13:32 opre kerdo: 27. 11. 2020 01:47
Erika Hornáková uľiľas Myjavate, kaj bešel dži akana. Avri sikhľiľas sar e predavačka, kerelas buťi sar e šerutňi andre skľepa, the sar e realitno maklerka. No paľis kerďas o čačipen lakre sunestar u imar but berša kerel buťi pre cikňi fameľijakri farma. O lekhavipen hino vaš lake o relaks the o balzam pro voďi, no o totalno relaks hiňi lakri farma, o džvirini the e priroda, save la pherďaren bara energijaha. Lakre literarna jekhto uštara sas andro romanos Sar čokolada, savo ňikana na avľas avri sar e kňižka. O kňižno debut sas o džuvľikano romano Tak som to chcela (Avka oda kamavas) (2013). Paľis lake avri avle trin aver romana: Nepezbečne blízko (Daravutnes pašes) (2014), Nikdy nehovor nie (Ňikana ma phen na) (2014) u Tak sa to stalo (Avka pes oda ačhiľas), so hino o dujto uštar pal o romanos Tak som to chcel (Avka oda kamavas).
e kategorija: vakeriben
Zdenka Mahajová
kerdo: 27. 07. 2016 13:08 opre kerdo: 27. 11. 2020 01:47
E Zdenka Mahajová hiňi e romaňi lekhavňi, bešel Myjavate, but berša tavelas andro školakro chabnaskro than. Lakro debut sas andro berš 2009, od sas o autobijograficko romanos Zatmenie (Kalo Kham), andro savo e autorka lekhavel pal e romaňi džuvľi u lakro dživipen, ačhado prekal o lakro dživipen u so pes lake ačhelas. Andro berš 20111 lake avri avľas e poetikaňi kolekcija tel o nav Otázniky (Phučibnaskre ľiteri). Andre lakri poezija del le genvnenge o šajipe te achaľol lakro drom ke peste, o drom andal o šero ki o jilo. Andre kolekcija hino the o CD, kaj e autorka kerel e recitacija varesave poemengri jekhetane le bašavibnaha khatar o autoris MAOKA.
e kategorija: vakeriben
Michal Bársony
kerdo: 27. 07. 2016 10:34 opre kerdo: 27. 11. 2020 01:47
Uľiľas andre Kunová Teplica, andre fameľija, kaj pes vakerelas ungrika. Andre fameľija e tradicija sas te bašavel u e charťikaňi buťi te kerel. Ki o čitratuňipen džalas imar cikňipnastar. Pre Pedagogicko fakulta pre Univerzita Matej Beloskro andre Bansko Bystrica avri phiďas o čitratuňipen the rusiko čhib. O postgradualno the rigorozno sikhľuviben agorinďas pre Pedagogicko fakulta pre Konštatntín Filozofoskri Univerzita Ňitrate. Čitrinel tušoha, the oľejovo farbenca. Leskre čitre sikaven the sar o Roma dživen. Sas les e barvaľi pedagogicko the publikačno aktivita. Sar o pedagogos sikhavelas pro elementarna, maškarutne the uče školi. Kerelas buťi the andro Themeskro pedagogicko inštitutos Braťislavate.
e kategorija: čitratuňipen
Gustáv Karika
kerdo: 27. 07. 2016 09:55 opre kerdo: 27. 11. 2020 01:47
JUDr. Gustáv Karika uľiľas andre bari romaňi fameľija andre Myjava. Avri phirďas e špecijalizacija sar o mašinaskro zamočňikos. Andro berš 1950 geľas pre Uči škola vaš o politicka the ekonimicka džaňibena Prahate, savi sas telo o ole beršengro generalno sekretaros ÚV KSČ Rudolf Slánsky (uľiľas 31.6.1901 - murdardo 3.12.1952). Pal o leskri eksekucija geľas dureder pre škola pre Karlovo univerzita, kaj avri phirďas e špecijalizacija vaš e procesno justicija. Kerelas buťi sar o referentos vaš o naciji pro Krajsko narodno viboris andro Košice (beršestar 1954), paľis sar o mujalo andro Poprad the Stará Ľubovňa. Andro apriľis 1969 jekhetane ov the o MUDr. Ján Cibuľa, Anton Facuna u Dr. Alojz Pompa kerde o Jekhetaňiben vaš o Cigana-Roma pre Slovaťiko. Kana sas o Jekhetaňiben phandlo 3.1.1973, geľas te kerel e buťi sar o pravňikos andre mašinaskri fabrika andre Nevi Dubňica. Sas o pravňikos andro buter aver firmi u birajipnaskre romane organizaciji.
e kategorija: vakeriben
Miroslav Rác - Poema a-mol
kerdo: 27. 07. 2016 08:43 opre kerdo: 27. 11. 2020 01:54
Miroslav Rác, o avri sikhado klaviristas, o sikhavno pro zakladna artistikane školi, o componistas, romano hip-hopperis, kerďas o kompoziciji Poema a-mol, Balada cis-mol the o Porajmos. Ola kompoziciji den paťiv le manušenge, so sas murdarde andro romano holokaust. Miroslav Rác, o romano rapperis, savo peske avri iľas o artistikano nav BG, peskre bašavibnaha cirdel o dikhipen ki o romane murdarde andro dujto lumakro mariben. pro manuša, save tirinenas andro buťakre the koncentračna tabora. O kompoziciji sas andro programos, savo sas dokumentimen pro lumakro ďives vaš o romano holokaust - Porajmos. O konkretno prezentimen inštrumentalno kotor pes vičhinel Poema a-mol.
e kategorija: bašaviben
o tagi: Miroslav Rác
Miroslav Rác - Porrajmos
kerdo: 25. 07. 2016 14:31 opre kerdo: 27. 11. 2020 01:54
Miroslav Rác, o avri sikhado klaviristas, o sikhavno pro zakladna artistikane školi, o componistas, romano hip-hopperis, kerďas o kompoziciji Poema a-mol, Balada cis-mol the o Porajmos. Ola kompoziciji den paťiv le manušenge, so sas murdarde andro romano holokaust. Miroslav Rác, o romano rapperis, savo peske avri iľas o artistikano nav BG, peskre bašavibnaha cirdel o dikhipen ki o romane murdarde andro dujto lumakro mariben. pro manuša, save tirinenas andro buťakre the koncentračna tabora. O kompoziciji sas andro programos, savo sas dokumentimen pro lumakro ďives vaš o romano holokaust - Porajmos. O konkretno prezentimen inštrumentalno kotor pes vičhinel Porajmos.
e kategorija: bašaviben
o tagi: Miroslav Rác
Miroslav Rác - Balada cis-mol
kerdo: 25. 07. 2016 14:17 opre kerdo: 27. 11. 2020 01:54
Miroslav Rác, o avri sikhado klaviristas, o sikhavno pro zakladna artistikane školi, o componistas, romano hip-hopperis, kerďas o kompoziciji Poema a-mol, Balada cis-mol the o Porajmos. Ola kompoziciji den paťiv le manušenge, so sas murdarde andro romano holokaust. Miroslav Rác, o romano rapperis, savo peske avri iľas o artistikano nav BG, peskre bašavibnaha cirdel o dikhipen ki o romane murdarde andro dujto lumakro mariben. pro manuša, save tirinenas andro buťakre the koncentračna tabora. O kompoziciji sas andro programos, savo sas dokumentimen pro lumakro ďives vaš o romano holokaust - Porajmos. O konkretno prezentimen inštrumentalno kotor pes vičhinel Balada cis-mol.
e kategorija: bašaviben
o tagi: Miroslav Rác
Cigánski Diabli (Romane benga) - Czardas (Vittorio Monti)
kerdo: 25. 07. 2016 09:58 opre kerdo: 27. 11. 2020 01:54
E bašavibnaskri grupa Cigánski Diabli (Romane benga) e klasicko giľi khatar o talijansko kompozeris, lavutaris u dirigentos Vittorio Montis - "Czardas" bašade pro koncertos andro Prešov, andro purano kinos Scala. O Ciganska diabli hine e romaňi grupa, kaj o džene bašaven pro tradična inštrumenti hurenca, e cimbalna, u lengre bi darutne bašavibnaskre kreaciji u žanri (jazz, etno, flamenco) arakhen pengre manušen maškar o savore beršengre grupi sajekh sar o eksperta.
e kategorija: bašaviben
o tagi: Cigánski Diabli
