Duo Farsa - Milonga
kerdo: 26. 01. 2016 10:08 opre kerdo: 27. 11. 2020 01:47
Pro video hino o koncertos, kaj bašavel o gitaroskro duo, Duo Farsa. O gitarovo duo bašavel pengre emotivna bašavibena buter žanrendar, nekh buter hine o špaňijelika ritmi, flamenco. Andro duo bašaven duj virtuozna romane bašalde, František Godla u Dušan Onody andal o Sabinov. E inšpiracija vaš o bašaviben sas o kotor khatar o Jorge Cardos - Milonga. O charakteros hino emotivno. O interpreta ole bašavibnaha chuden sako lengro koncertos u avka den paťiv le dajenge the dadenge, the pengre phurenge.
e kategorija: bašaviben
Miroslav Rác - E čhaj andal e Ipanema
kerdo: 26. 01. 2016 09:58 opre kerdo: 27. 11. 2020 01:47
E kompozicija sas kerďi pro jazzovo koncertos andro Želiezovce. E inštrumentalno kompozicija. O bašaviben kerďas Antônio Carlos Jobim. E kompozicija pes vičhinel Garota de Ipanema (E čhaj andal e Ipanema), džezovo štandardos. Bašaven: Miroslav Rác - o klaviris, Anton Bukai - e bas gitara, Miroslav Talpáš - o marde
e kategorija: bašaviben
o tagi: Miroslav Rác
Miroslav Rác - Peren o prajta
kerdo: 26. 01. 2016 09:42 opre kerdo: 27. 11. 2020 01:47
E kompozicija sas kerďi pro jazzovo koncertos andro Želiezovce. E inštrumentalno kompozicija. E inštrumentalno kompozicija. O bašaviben kerďas: Joseph Kosma. O kompozicijakro nav hino Les feuilles mortes (Peren o prajta). Džezovo štandardos. Bašaven: Miroslav Rác - o klaviris, Anton Bukai - e bas gitara, Miroslav Talpáš - o marde.
e kategorija: bašaviben
Pavla Cicková - Pal e poezija
kerdo: 26. 01. 2016 08:50 opre kerdo: 27. 11. 2020 01:47
O charno vakeriben khatar e poetka Pavla Cicková pro kidipen ki o Lumakro Romano Ďives, kaj o zorardo manuš rajipnastar SR vaš o romane komuniti, o Peter Pollák kerďas pro 8. apriľis 2013 Braťislavate. E Pavla Cicková andro baro programos vakerelas peskri poezija, o kotor so pes vičhinel „E Romaňi Phuv”.
e kategorija: vakeriben
Kaj phirel e voďi
kerdo: 20. 01. 2016 15:19 opre kerdo: 27. 11. 2020 01:47
Kaj phirel le manušeskri voďi? Khatar rodel o droma kaj te del avri peskri duma, peskro pharipen u loš vaj pheras? Sako manuš phiravel jekh baro inštrumentos, peskro hangos. U e voďi arakhel peskro drom avri prekal o hangos u avka uľol e giľi. O romane giľa, purane the neve, savenca pen arakhľam andro berša 2013 dži o 2014, varesave lendar, tumenge anas andre giľengri pustik, jekhetane le lavenca u notenca. Šaj len te bašavel, te sikhľol, te giľavel u te ľikerel vaš o neve generaciji.
e kategorija: dokument
Miroslav Rác - Na dara
kerdo: 13. 01. 2016 11:46 opre kerdo: 27. 11. 2020 01:47
E giľi hiňi andro subžanros romano hip-hop. E muzika kerďas o Miroslav Rác. O lava kerde jekhetanes e Jarmila Vaňova the o Miroslav Rác. E giľi sas kerďi andro berš 2010 sar jekh kotor andre motivacija hoj o Roma te phenen phundrades pal e peskri romaňi nacijonalita andro cenzus andre Slovaťiko republika. O čitro, o hangos the o lava hine kerde prekal o džido koncertos. O džide verziji šaj te aven aver - andro bašaviben, technikanes vaj andro lava avka, savi hiňi e autoreskri licencija. Na dara - a autoriskri giľi/ Miroslav Rác, Jarmila Vaňová - o lava / vokalno-inštrumentalno giľi, klaviris + giľavipen / Miroslav Rác/ basovo gitara /Anton Bukai/ o bubni / Miroslav Talpáš
e kategorija: bašaviben
o tagi: Miroslav Rác
Esma Redžepova
kerdo: 13. 01. 2016 11:04 opre kerdo: 27. 11. 2020 01:47
Jozef Fečo amatersko maľaris, absolvenstos andal Perešiskeri Maškarutňi artisticko škola. Sikhľiľa pes andro odboris dizajnos the kaštuno formašis.Aktivnosnes zachudňa te kerel andal o berš 2011, leskeri angluňi buťi hino čitro - O Ježiš pro pochtan. Aver deš kerďipena pal oprethode lumakere manuša hine zachudne paš prioritno projektos "Džide genďa" (lav - čitro . hangos), so len likerďa Kulturakero ministerstvos SR andal apriľis dži majos 2015. Maľaris Jozef Fečo sthoďa 9 portreti (majos 2015) andro kherutno pašaľipen - andro gav Kračunovce. Dešto portretos zaačhaďa andro Dokumentačno-informačno centros vaš romaňi kultura. O aver trin portreti sas kerde andro septembros 2015. E manušňi pro portretos hiňi e Esma Redžepova. Phirel maškaro o nekh prindžarde romane giľavne, uľiľas pro 8. augustos 1943 andro Skopje andre Macedonija, andre puraňi jugoslavijakri republika. Lakre giľa hine but prindžarde u popularna andro but thema, prindžaren len u giľaven o džene andal o savore generaciji. Sar eňa beršengri kerďas lakri jekhto giľi "Čhajorije šukarije", savi ačhiľas o kultovo hitos andre savori Europa. Diňas avri buter sar 20 albumi u bašaďas dži o 30 000 koncerti. Andro berš 1976 la andre Indija dine o statusos sar e lumakri thagarňi andro romano bašaviben. O portretoskre dimenziji: 120 cm (b) x 100 cm (l). O čitro hino pro sadrokarton. E čitratuňi technika: pop art
e kategorija: čitratuňipen
Rosa Taikon
kerdo: 13. 01. 2016 11:04 opre kerdo: 27. 11. 2020 01:47
Jozef Fečo amatersko maľaris, absolvenstos andal Perešiskeri Maškarutňi artisticko škola. Sikhľiľa pes andro odboris dizajnos the kaštuno formašis.Aktivnosnes zachudňa te kerel andal o berš 2011, leskeri angluňi buťi hino čitro - O Ježiš pro pochtan. Aver deš kerďipena pal oprethode lumakere manuša hine zachudne paš prioritno projektos "Džide genďa" (lav - čitro . hangos), so len likerďa Kulturakero ministerstvos SR andal apriľis dži majos 2015. Maľaris Jozef Fečo sthoďa 9 portreti (majos 2015) andro kherutno pašaľipen - andro gav Kračunovce. Dešto portretos zaačhaďa andro Dokumentačno-informačno centros vaš romaňi kultura. O aver trin portreti sas kerde andro septembros 2015. E manušňi pro portretos hiňi e Rosa Sofia Ingeborg Iaikon (30. julos 1926). Andro berš 1966 agorinďas o sikhľuviben pre Uči škola vaš o čitratuňipen. Lakre artistikane u vasteskre buťa aven avri khatar o tradična romane dizajni, hine buchľarde le motivenca andal e Indija u prekal e lakri fantazija. Bi e artistikaňi buťi e Rosa Taikon zorales uštarelas andro politikane u socijalna aktiviti vaš o Roma. Vaš o lakro savoro dživipnaskro mariben vaš o manušikane čačipena chudľas andro berš 2013 o Moľipen Olaf Palme. O portretoskre dimenziji: 120 cm (b) x 100 cm (l). O čitro hino pro materijalos sadrokarton. E čitratuňi technika: pop art.
e kategorija: čitratuňipen
Elena Lacková
kerdo: 13. 01. 2016 10:55 opre kerdo: 27. 11. 2020 01:47
Jozef Fečo amatersko maľaris, absolvenstos andal Perešiskeri Maškarutňi artisticko škola. Sikhľiľa pes andro odboris dizajnos the kaštuno formašis.Aktivnosnes zachudňa te kerel andal o berš 2011, leskeri angluňi buťi hino čitro - O Ježiš pro pochtan. Aver deš kerďipena pal oprethode lumakere manuša hine zachudne paš prioritno projektos "Džide genďa" (lav - čitro . hangos), so len likerďa Kulturakero ministerstvos SR andal apriľis dži majos 2015. Maľaris Jozef Fečo sthoďa 9 portreti (majos 2015) andro kherutno pašaľipen - andro gav Kračunovce. O dešto portretos zaačhaďa andro Dokumentačno-informačno centros vaš romaňi kultura.Aver trin portreti sas kerde andro septembros 2015. E manušňi pro portretos hiňi e Elena Lacková. Uľiľas pro 22. marcos 1921 andro Veľký Šariš (Bara Šarošate). Phirel maškar o nekh bareder romane lekhavne. O lekhavipena hine vaš o čhavorikane the bare genavne. Agorinďas e Fakulta vaš o socijalna džaňibena pre Karlovo univerzita andre Praha (1970). Lekhavelas the e proza u e drama. Sas e savori dživipnaskri aktivistka u e romaňi opre uštaďi. Muľas pro 1.-to januaris 2003 andro Košice (Kašate). O čitroskre dimenziji: 120 cm (b) x 100 cm (l). O čitro hino pro sadrokartonos. E čitratuňi technika: pop art.
e kategorija: čitratuňipen
Duo Farsa - Sune
kerdo: 14. 10. 2015 14:45 opre kerdo: 27. 11. 2020 01:47
E kompozicija: Sune. Pro audijo hino o phundrado koncertos, kaj bašavel o gitarengro duo, o Duo Farsa. O gitarengro duo bašavel peskre emotivna bašavibena andal o buter žanri, nekh buter o špaňijelika ritmi, o flamenco. O duo keren duj virtuozna romane bašalde, o František Godla the o Dušan Onody andal o Sabinov. O bašavibnaskro kotor Sune kerde o duj muzikanta mekh kana phirenas pro konzervatorijum. E inšpiracija vaš lake sas o sune save hin le terne manušen pal o lengro avipen.
e kategorija: bašaviben
