Mgr. Klara Kohoutová, PhD., Mgr. Jana Papcunová, PhD.: Hate speech pal o Roma
kerdo: 03. 05. 2023 15:40 opre kerdo: 03. 05. 2023 15:41
O trito berš la konferencijakro Aktualna romane študiji III, o organizatoris sas e Themeskri džaňibnaskri kňižňica andro Prešov, o dokumentačno-informačno centrum vaš e romaňi kultura. Jekhetanes e organizacija kerde o Centrum vaš o khetaňibnaskre u psichologicka džaňibena andre Slovaťiko džaňibnaskri akademija u o Inštitutos vaš o romane študiji andre Prešovsko univerzita andro Prešov. E organizacija sas 1. – 2.12.2022, o than sas e Prešovsko univerzita. E hibridno forma diňas o šajipen le džaňibnaskre manušňenge u manušenge te kerel peskri prezentacija, the te sas andal o aver thema. Pre konferencija sas 23 prezentaciji andro pandž panela.
Andro panelos Roma andro digitalno than sas e prezentacija le tituloha Hate speech pal o Roma. E prezentacija kerde Mgr. Klára Kohoutová, PhD. e Mgr. Jana Papcunová, PhD., O Khetaňbinaskro džaňibnaskro inštitutos CSPV SAV, v.v.i. E tema sas o džungale lava andro online platformi. O video sas kerdo 1.12.2022.
e kategorija: vakeriben
o tagi: džaňiben referatos monolog konferenčno slovaťiko Klara Kohoutová Jana Papcunová akademicko interno
Ing. Anna Kalistová, PhD. - O Inštitutos vaš o khetaňibnaskre džaňibena CSPV SAV v.v.i.
kerdo: 03. 05. 2023 15:37 opre kerdo: 03. 05. 2023 15:39
O trito berš la konferencijakro Aktualna romane študiji III, o organizatoris sas e Themeskri džaňibnaskri kňižňica andro Prešov, o dokumentačno-informačno centrum vaš e romaňi kultura. Jekhetanes e organizacija kerde o Centrum vaš o khetaňibnaskre u psichologicka džaňibena andre Slovaťiko džaňibnaskri akademija u o Inštitutos vaš o romane študiji andre Prešovsko univerzita andro Prešov. E organizacija sas 1. – 2.12.2022, o than sas e Prešovsko univerzita. E hibridno forma diňas o šajipen le džaňibnaskre manušňenge u manušenge te kerel peskri prezentacija, the te sas andal o aver thema. Pre konferencija sas 23 prezentaciji andro pandž panela.
Ing. Anna Kalistová, PhD., e šerutňi andro organizačno kotor SVÚ CSPV SAV, v.v.i., phundraďas e konferencija u diňas o informaciji pal o aktualno rodipen, savo keren andre Slovaťiko džaňibnaskri akademija. O video sikhavel lakri prezentacija, kerdo sas 1.12.2022.
e kategorija: vakeriben
o tagi: džaňiben referatos monolog konferenčno slovaťiko Anna Kalistová akademicko interno
Miroslav Pokoš
kerdo: 05. 04. 2023 13:52 opre kerdo: 27. 10. 2023 13:00
Hino andal o gav Šumiac. Hino andal e bašavibnaskri fameľija. Leskri fameľija pal o dad hine o Pokošovca Šumiacostar, pal e daj o Harvanovci Telgártostar.
Andro ola lokaliti ňikana nasas dominantno e gitara vaj o klavesova inštrumenta. Sakovar ča e lavuta, e harmonika, bari bugova, o cimbalmi. Bašavel pre bari bugova, pre lavuta the pre harmonika. Te bašavel sikhľiľas korkoro. E banda Pokošovci bašavel o slovaťiko the romano folkloris pal o Horehronie.
Le phralenca Radoha u Stanoha dine avri o albumos E folklorno banda Pokošovci 2, savo pes dochudľas pro 15. than andro World Music Chart Europe andro januaris 2020.
O fotografiji sas kerde kana pes dokumentinelas e kapela Pokošovci andro projektos vaš e dokumentacija pal o romane fameľijakre cimbalova bandi.
e kategorija: čitratuňipen
o tagi: sekularno digitalno esteticko in persona fotografija Miroslav Pokoš savorenge interno
Vladimír Slávik
kerdo: 05. 04. 2023 13:46 opre kerdo: 30. 10. 2023 09:53
Hino Bansko Bystricatar. Kijo bašaviben les ľidžalas leskro papus, savo bašavelas pre harmonika u but kamelas o romano bašaviben. The ov but kamel romano bašaviben, nekfeder. Bašavel le bandenca pro Horehronie - o Pokošovci, Haviarovci, Gábrišovci.
Sikhľiľas te bašavel pre cimbalma pre Zakladno umelecko škola Bansko Bystricate. Bašavel andro buter folklorna kapeli. Akana phirel pre Jeseniovo Medicinsko fakulta andro Martin, Komenský Univerzita. O romano folklorno bašaviben hino, sar phenel, buter temperamentno, buter šuňiben vaš e muzika the harmonija, sar andre slovaťiko.
O fotografiji sas kerde kana pes dokumentinelas e kapela Pokošovci prekal o projektos vaš e dokumentacija pal o romane fameľijakre cimbalova kapeli.
e kategorija: čitratuňipen
o tagi: sekularno digitalno esteticko in persona fotografija Vladimír Slávik savorenge interno
O Rom andal e perňica vaj Enter Majority
kerdo: 23. 03. 2023 12:08 opre kerdo: 23. 03. 2023 12:10
E monodrama, kaj o autoris the o aktoris hino František Balog, kerďi pal o leskro dživipen. O sceni andal o dživipen savo les sas sar le romane čhaves so barol andro čhavorikano kher hine pherasune, bare sarkazmoha u opre dikhipnaha. Andre monodrama o aktoris korkoro the bašavel u giľavel. E monodrama sikhavel o nekbareder keribena u kidipena, o doresipena the o našavipena, save les forminenas čhavoripnastar dži kana nabariľas. O autobijograficka kotora keren kadi monodrama sar o vakeriben andal e voďi u pal e voďi savi hiňi kovľi, pherdo talentos u džaňiben. Oda manuš, the te les sas pharo socijalno hendikepos, arakhľas peskro than andro dživipen, doresel peskro u the avka na našavel peskro lačhipen u optimizmus. O dujto titulos vaš e monodrama – Enter Majority hin pal oda, sar phenel o autoris, hoj sikhavel leskro drom u uštariben andro dživipen pherde beršengro manuš, no sajekh hino pal oda, so kerde o manuša, save les ispidle maškar e majorita, so sas vareso soske phares te paťal. E monodrama sas dokumentimen andro RS9 Színház andro Budapešť, Ungriko, kaj sas o kotor programos andro teatroskengro festivalos Roma Heroes.
Scenaris - František Balog; režija - Juraj Bielik; khelel – František Balog
František Balog uľiľas 9.11.1982 but terňa romaňa dake andre romaňi osada. Bariľas andro Čhavorikano kher SLON andro Šarišské Michaľany, kaj giľavelas sar o čhavoro andro zboros u ačhiľas lestar prindžardo dženo andre televizija. Paľis sikhľolas sar aktoris pre Maškarutňi džaňibnaskri škola Kašate (2002 – 2005), pal e maturita sikhľolas pro VŠMU sar aktoris andro muzikala (2005 – 2008). Kerelas andro teatri: Teatro Aréna, Maškarthemutno teatro Meteorit, Teatro L+S, Divadlo Aréna, Teatro Bolek Polívkoskro, Štúdio 12, Teatro a.ha, Teatro Bibiana, Themeskro teatro Košice (od 2010 - ). Andro teatro imar khelelas but roli. O cikneder roli arakhľas the andro varesave televizna seriji. Khelel the andro Teatro Actor Kašate, kaj the pisinel u kerel e produkcija vaš o leskre drami.
e kategorija: e drama
o tagi: teatros komedija laveha pre scena originalos slovaťiko František Balog Juraj Bielik sakoneske interno
Zuzana Andrejová - O opre kidle buťa save dokumentinen e romaňi kultura andro Krajsko muzeum Perješiste
kerdo: 23. 03. 2023 11:27 opre kerdo: 31. 03. 2023 13:57
O vakeriben pal o opre kidle buťa save dokumentinen e romaňi kultura andro Krajsko muzeum Perješiste sas pro kidipen tel o nav E romaňi kultura andre digitalno luma, prezentinel Mgr. Zuzana Andrejová, PhD.
O maškarthemutno kidipen kerďas e Themeskri džaňibnaskri kňižňica andro Prešov, o dokumentačno the informačno centrum vaš e romaňi kultura, jekhetanes le Metodicko-pedagogicko centroha andro Prešov, 20.11.2019.
e kategorija: vakeriben
o tagi: džaňiben prezentacia monolog konferenčno slovaťiko Zuzana Andrejová akademicko interno
Alexander Daško
kerdo: 22. 03. 2023 15:26 opre kerdo: 22. 04. 2024 07:35
Alexander Daško uľiľas andre osada andro Čierny Balog, sas nekterneder 13 čhavorendar. Sar ov korkoro phenel, o drom andre luma leske phundraďas o bašaviben, te bašavel sikhľolas ciknorestar, paľikerdo le pomožipnaske le dadestar the datar. Adaďives o lavutaris prindžardo na ča pre Slovaťko bararel trine čhavoren. Leskri romňi hiňi Rusiko, leskri fameľija multikulturno, vakeren romanes, slovaťika, rusika the angľicki. Alexander Daško avri phirďas o konzervatorijum andre Žilina, paľis avri phirďas e Pedagogicko fakulta pre Matejoskri Beloskri Univerzita. Buter sar 15 berša kerel o festivalos Romaňi jag, ľidžal peskri bašavibnaskri škola vaš o talentimen romane the naromane čhavore, oda savoro andre Bansko Bystrica.
e kategorija: vakeriben
o tagi: leperiben biograficko monolog moderovano slovaťiko Alexander Daško sakoneske interno
Magdaléna Rothová - Roma Spirit Kežmarkoste
kerdo: 21. 03. 2023 13:14 opre kerdo: 21. 03. 2023 13:15
Magdaléna Rothová hiňi a šerutňi andre Asocijacija vaš e kultura, sikhľuviben u komunikacija (ACEC), hiňi e senior lektorka andre Platforma vaš o feder sasťipen andro kovle grupi, kerel o treninga vaš o sasťipnaskre asistenta. Akana pherdes kerel o projektos Roma Spirit, kaj hiňi e organizatorka u producentka. Sajekh kerel o projekta vaš o sasťaripnaskro sikhľuviben maškar o socijalno čore grupi – Together for Better Health, Luník IX, Saste komuniti. Andro vakeriben phenel, sar pes kerel o projektos Roma Spirit, soske hino špecijalno, savi hiňi leskri misija vaš o jekhetaňiben the savi hiňi e vizija andro avipen.
e kategorija: vakeriben
o tagi: biograficko monolog moderovano slovaťiko Magdaléna Rothová Roma spirit sakoneske interno
Ľubomír Gašpar
kerdo: 13. 03. 2023 09:25 opre kerdo: 30. 10. 2023 09:57
Mgr. art Ľubomír Gašpar hino andal e Detva, akana bešel Bratislavate. Te bašavel pre cimbalma sikhľolas andro Konzervatorijum Ján Levoslav Belloskro Bansko Bystricate, paľis andre Bašavibnaskri the artikaňi akademija Ján Albrechtoskri andre Bansko Štiavnica. Akana sikhľol andro JAMU andro Brno. Bijo oda, hoj hino o profesijonalno bašaldo, sikhavel o bašaviben the pro Privatno konzervatorijum Dezider Kardošiskro andro Topoľčany. Leskro bašavibnaskro drom hino multižanrovo, kerel e fuzija maškar o elemenat andal o folkloris, klasicko bašaviben vaj džez. Bašavel andro buter grupi, sar o SOLE, Ľubomír Gašpar Cimbal Project, saveha kerďas duj albumi: The Point of Vieľ, savo andro berš 2017 chudľas o moľipen Radio Head vaš o nekfeder albumos andre kategorija World Music the o Ľubozvuk (2021). Hin les o permanentno than andre grupa Manuša, savenca avri diňas sajekh naveha o albumos andro berš 2022.
O fotografiji sas kerde prekal e dokumentacija pal o bašavibnaskro projektos Manuša andro august 2022 andro Prešov.
e kategorija: čitratuňipen
o tagi: sekularno digitalno esteticko in persona fotografija Ľubomír Gašpar savorenge interno
Vojtech Botoš
kerdo: 13. 03. 2023 09:19 opre kerdo: 13. 03. 2023 09:19
Mgr. art. Vojtech „Bélu“ Botoš uľiľas andro gav Blhovce (okresis Rimavsko Sobota), akana bešel Bratislavate. O učo sikhľuviben pal o bašaviben kerďas pre Akademija vaš o artikňibena Bansko Bystricate, e špecijalizacija o bašaviben pre viola. Akana bašavel profesijonalno andro Symfonicko orchestros andro Slovaťiko radijo. Bašavel the buter aver kapelenca andro buter bašavibnaskre žanri, khere the andro aver thema. Hino o dženo andre kapela savi ľidžal o virtuozno lavutaris Pavel Šporcl, the andre kapela Géza Hosszú-Legocky & The5DeViLs , andro SND (Slovaťiko Nacijonalno Teatro), u hin les o permanentno than andre grupa Manuša, savenca dine avri o albumos sajekh naveha andro berš 2022.
O fotografiji sas kerde prekal e dokumentacija pal o bašavibnaskro projektos Manuša andro august 2022 andro Prešov.
e kategorija: čitratuňipen
o tagi: sekularno digitalno esteticko in persona fotografija Vojtech Botoš savorenge interno
