Anička Oláhová - O portretos
kerdo: 27. 09. 2020 18:23 opre kerdo: 27. 11. 2020 02:00
Anička Oláhová ačhiľas prindžarďi andro berš 2011, kana avri khelďas e giľavibnaskri suťaž (kompeticija) savi kerelas e Dorota Nvotová (e prindžarďi slovaťiko giľavňi, herečka u publicistka) u kaj e porota sas o lavutara andal o ansamblos Ciganski diabli. O vakeriben la terňa talentovano giľaďaha anel o čitro pal e čhaj andal e na tipicko fameľija, lakro dikhipen pro džaňiben, pro bašaviben, sar šunel peskri identita u so užarel le avipnastar. O video vakeriben sas kerdo 12.6.2013 Lovinobaňate.
e kategorija: vakeriben
o tagi: leperiben biograficko monolog moderovano slovaťiko Anna Oláhová sakoneske interno
Etnograficko muzeum Tarnowoste
kerdo: 26. 09. 2020 23:47 opre kerdo: 27. 11. 2020 02:00
O video sikhavel e romaňi ekspozicija andro Etnograficko muzeum andro polťiko foros Tarnow, savi hiňi phundraďi le beršestar 1979. Sar pes kerďas u so savoro hin andre ekspozicija, pal oda vakerel o prindžardo polťiko etnografos u antropologos Adam Bartosz.
e kategorija: vakeriben
o tagi: džaňiben džaňibnaskro vakeriben monolog humanitno polťiko Adam Bartosz sakoneske interno
O rezbara Bretkatar
kerdo: 25. 09. 2020 10:20 opre kerdo: 27. 11. 2020 02:00
O charno video portretos pal o duj amaterska rezbara - o dad le čhaveha, save dživen andro gav Bretka (okresis Rožňava). Vojtech Váradi kerelas buťi andro gav, phirelas le guruvňenca u ki e rezbarsko buťi pes dochudľas paš e peskri buťi, kana chudľas te čhinel le kaštendar avri pro čar. Hin les trin čhave, no ča jekh lendar kerel o čhinďipen - Boris Váradi. Andro video sikhaven so keren u the e rezbarsko technologija. Avri čhinen nekhbuter le čiriklen, no the o buťa vaš sakoďiveseskri buťi, sar o roja, o bare roja. Prekal o čhinďipen roden o love.
e kategorija: vastengre buťa
o tagi: džide tradična artistikano kašta čhiňiben ungrika Vojtech Váradi Boris Váradi sakoneske interno
Tamás András Szegedi
kerdo: 24. 09. 2020 15:33 opre kerdo: 27. 11. 2020 01:47
Tamás András Szegedi hino o aktoris, režiseris, teatroskro pedagogos u aktivistas, savo khelel andro buter teatra le 2010 beršestar. Andro berš 2018 agorinďas e Ungriko teatroskri u filmovo akademija sar o dramaticko pedagogos. Buťi kerel sar o dramaticko pedagogos andro Slobodno Ungriko teatro, the sikhavel le čhavoren andal o čore fameľiji. E režija kerďas vaš o buter komorna teatroskre inscenaciji, monodrami the babkova teatroskre inscenaciji, save anenas e zoraľi socijalno kritika. Hino the o aktivistas vaš o manušikane čačipena u kamel avka te kerel vareso vaš o feder socijalno jekhipen u te zorarel e pozicija savi pes del le čore manušikane grupenge.
e kategorija: vizualno čitratuňipen
o tagi: sekularno digitalno esteticko in persona fotografija savorenge interno
Emilia Lovas
kerdo: 24. 09. 2020 15:25 opre kerdo: 27. 11. 2020 01:47
Emília Lovas hiňi e teatroskri umelkiňa, e sikhavňi u e aktivistka. Andro berš 2009 sas pre Artistikaňi akademija Karavan, kaj pes arakhľas le teatroskro producentoha Rodrigóha Baloghoha u paľis chudľas e šerutňi rola andre drama Te kidel o pora, savo sikhavenas andro Slobodno ungriko teatro (The Independent Theater Hungary). Paľis agorinďas o študijum pro Pester – E ungriko teatroskri akademija. Le beršestar 2015 khelel andro buter teatri, na but angomis chudľas te kerel the o dabing u e režija. Maškar o lakre aver aktiviti hin, hoj sikhavel le čore čhavoren pal o artizmo, u kerel o aktiviti vaš o manušikane čačipena.
e kategorija: vizualno čitratuňipen
o tagi: sekularno digitalno esteticko in persona fotografija savorenge interno
O bijav
kerdo: 16. 09. 2020 20:28 opre kerdo: 27. 11. 2020 02:00
E vokalno-inštrumentalno giľa O bijav avka, sar la bašavel u giľavel e muzikakri grupa Sabrosa phirel kijo romano folklor. O lava andre giľi vakeren pal o bijav u lačhi voja le Romenge. E ritmika the o lava andre giľi hine tipicka vaš o bachtale giľa. E vokalno-inštrumentalno grupa Sabrosa hiňi andal o gav Raslavice andro okres Bardejov. Originalno grupa sas kerďi trine giľavnendar u inštrumentalistkendar. Akana e Sabrosa bašavel sar o pheňengro duo: Aneta Duždová – e šerutňi giľavňi, Jana Duždová – e gitara, o giľavipen. O lavutara: Július Hudi (e cimbalma), Alexander Bunda (e viola), Vojto Bunda (bari bugova), Miloš Goroľ (lavuta).
e kategorija: bašaviben
o tagi: vokalno-inštrumentalno moderno folklorno duo averestar romanes Sabrosa sakoneske interno
Čhajori romaňi
kerdo: 10. 09. 2020 19:58 opre kerdo: 27. 11. 2020 02:00
Čhajori romaňi hiňi dža akana e himna vaš o slovaťika Roma. E giľi sas kerďi andro dujto lumakro mariben, hiňi pal o pharipena so tirinde o Roma andro buťakre u koncentračna tabora. E giľi hiňi lokhi, phare voďakri. E muzikakri grupa Sabrosa ľikerel e ritmika u o charakteris ola giľakro. E vokalno-inštrumentalno grupa Sabrosa hiňi andal o gav Raslavice andro okres Bardejov. Originalno grupa sas kerďi trine giľavnendar u inštrumentalistkendar. Akana e Sabrosa bašavel sar o pheňengro duo: Aneta Duždová – e šerutňi giľavňi, Jana Duždová – e gitara, o giľavipen.
e kategorija: bašaviben
o tagi: vokalno-inštrumentalno moderno folklorno duo originalno romanes Sabrosa sakoneske interno
Namaren man
kerdo: 10. 09. 2020 15:47 opre kerdo: 27. 11. 2020 02:00
E giľi Namaren man hiňi andal o repertoaris, savo giľavelas o romano giľavno andal e puraňi Jugoslavija, o Šaban Bajramovič (16.4.1936 – 8.6.2008), savo la giľavelas tel o nav Pira mange korkoro. E giľi hiňi komponovano andro špecificko štilos savo pes vičinel balkansko romano džez. Avka, sar la giľavel e Sabrosa, le melodicko varijacijenca u sikra aver lavenca, hiňi folklorizovano. E vokalno-inštrumentalno formacija Sabrosa hiňi andal o gav Raslavice andal o okresis Bardejov. Originalno andre formacija sas trin giľade u inštrumentalistki. Akana e Sabrosa hiňi sar o pheňengro duo: Aneta Duždová – e šerutňi giľavňi, Jana Duždová – gitara, giľavipen.
e kategorija: bašaviben
o tagi: vokalno-inštrumentalno moderno folklorno duo averestar romanes Sabrosa sakoneske interno
Aneta Duždová
kerdo: 09. 09. 2020 13:47 opre kerdo: 27. 11. 2020 01:47
Aneta Duždová hiňi e šerutňi giľavňi andre vokalno-inštrumentalno grupa Sabrosa. E kapela pes kerďas andro gav Raslavice andro okres Bardejov, o šerutno sas o manažeris František Gall. Jekhto o džene sas trin giľavne u inštrumentalistki, andro lengro repertoaris sas nekhbuter o tradična romane giľa. Paľis o repertoaris buchľarde the moderno kompozicijenca khatar o prindžarde interpreta.
e kategorija: vizualno čitratuňipen
o tagi: sekularno digitalno esteticko in persona fotografija Aneta Duždová Sabrosa savorenge interno
Ma bisteren!
kerdo: 08. 09. 2020 10:44 opre kerdo: 21. 04. 2021 08:52
E themtunengri asocijacija In Minorita kerel o rodipen pal o romano holokaust pre Slovaťiko le beršestar 2005. Andro partnerstvo le Ministerstvoha vaš e kultura SR, Slovaťiko narodno muzeoha u le Etnologicko inštitutoha SAV kerďas o projektos Ma bisteren!. Paľikerdo le projektoske, maškar o berša 2005 – 2007 efta leperibnaskre thana the leperibnaskre tabli sas thode pro thana andre Slovaťiko republika. Andro berš 2019 thode imar ochtoto leperibnaskri tabla.
Andro kooperacija le Themutnengri asocijacijaha In Minorita, prekal o jekhto jepaš berš 2020 dokumentinďam o leperibnaskre thana u anďam len andre virtualno forma. Sako leperibnaskro than hino jekhetanes le pisimen informacijenca pal o autora, datumenca kana sas phundrado, the olenca pal o historicko keribena. O leperibnaskre thana hine žužes sikhade pre mapa kaj hino o Slovaťiko.
Kas interesinel e tema pal o romano holokaust šaj kherestar te phirel pal e virtualno realita u te džal pro savore leperibnaskre thana u avka te chudel dosta informaciji pal o maribnaskre keribena.
Andre virtualno prezentacija hin the o kvizi vaš o čhavore pro zakladna u maškarutne školi, save kerďam jekhetane le Metodicko-pedagogicko centroha andro Prešov.
O virtualno phiriben arakhena andre slovaťiko, romaňi the angľičaňiko čhib.
Andro digitalno kulturno objektos sikhavas o fotografiji pre save hine o leperibnaskre thana.
Aven te dikhel o leperibnaskre thana pro romano holokaust.
Te genen o QR kodos prekal o tumaro mobilno aparatos, chudena tumen direktno andro virtualno phiriben pal o leperibnaskre thana vaš o romano holokaust.
e kategorija: vizualno čitratuňipen
o tagi: sekularno digitalno esteticko fotografija Ma bisteren! savorenge interno
