Ondrej Gadžor - Pal o rezbaris
kerdo: 29. 05. 2015 08:10 opre kerdo: 27. 11. 2020 01:47
O charno portretos pal e personalita, o baro romano manuš, so čhingerel le kaštestar u kerel o plastiki, o Ondrej Gadžor (9.7.1956-19.10.2013) - uľiľlas andre Krásna nad Hornádom, kaj chudľas te čhingerel imar kana sas 24 beršengro. Kerelas buťi butere materijalneca - le bareha, the le šingenca, mušľenca, nekh buter le kašteha. Opre vazdľas peskro unikatno plastikengro štilos, kaj but sikhľiľas khatar o akademicko socharis Vojtech Löfller, andro leskro buťakro kher kerelas buťi dešujekh berša. O subtilno charakteros khatar o cikne buťa cirdel the andro monumentalna bare buťa, save kerelas andro plenera. Leskri buťi prastal dur khatar e normalno produkcija so keren o na sikhade sochara. O charňipen the abstrakcija hiňi buchleder sar andre normalno nipengre buťa u e finalno forma hiňi varekaj maškar o moderno socharstvo u africka nipengre cikne soški. Leskre buťa sar te našaven o pharipen u diťhon lokhe. leskri zor hin andre žuže liniji u kheľiben le kašteha u leskre čitroha, savi andro peskre buťa rafinovanes thovel. Jekh maškar o nekh bareder temi hiňi e džuvľi. Sas les buter individualno ekshibiciji, regulerno phirelas pro socharska plenera. Sikaďas pes pro buter individualna ekshibiciji pre Slovaťiko the andro aver thema. Leskre buťa, bi o aver thana, hine sikade andro Los Angeles, vaj andro Vatikan u but lendar hine andro muzealna fondi pre Slovaťiko, vaj andro Čechiko (Vichodoslovaťiko muzeum andro Košice, SNM - Muzeum vaš e romaňi kultura pre Slovaťiko andro Martina, Muzeum vaš o Vojtech Löfller andro Košice, Muzeum vaš e romaňi kultura andro Brno).
e kategorija: čitratuňipen
Róbert Rigó - Leskri charťikaňi buťi
kerdo: 18. 05. 2015 14:11 opre kerdo: 27. 11. 2020 01:47
E inštalacija savi sikavel e charťikaňi buťi, e ekshibicija kerďi vaš o Lumakro Romengro Ďives, kerďas o Urados Zorardo manuš kharar o rajipen SR vaš o romane komuniti. O than: o historikano kher Narodno Rada SR andre Bratislava.
e kategorija: vakeriben
Alexander Berki - Oceán, Opus g.25, etuda g. 12 c moll (Fryderyk Chopin)
kerdo: 18. 05. 2015 12:40 opre kerdo: 27. 11. 2020 01:47
O interpretos Alexander Berki, o študentos andro 3. berš pro Privatno bašavibnaskro the dramatikano konzervatorijum andre Hnušťa, bašavel pre zongora o bašavibnaskro kotor khatar o Fryderyk Chopin: Oceán, Opus g.25, etuda g. 12 c moll.
e kategorija: bašaviben
o tagi: Alexander Berki
Bohémiens - Czardas (Vittorio Monti)
kerdo: 18. 05. 2015 12:24 opre kerdo: 27. 11. 2020 01:47
O kotor bašaviben khatar o Vittorio Monti - Čardašis, savi bašavel e romaňi banda Bohémiens, sas kerďi pro video kana e banda bašavelas pro koncertos andro Grand hotel Bellevue andro Horný Smokovec, 19.4.2014, u kaj bašade: 1. lavuta - Barbora Botošová, bari bugova - Tomáš Gašpierik, gitara - Roman Horváth, cimbalma - Vladimír Homola, 2. lavuta - Marek Konček
e kategorija: bašaviben
o tagi: Barbora Botošová Tomáš Gašpierik
Miroslav Rác - Na dara
kerdo: 15. 05. 2015 10:38 opre kerdo: 27. 11. 2020 01:47
E giľi hiňi andro subžanros romano hip-hop. E muzika kerďas o Miroslav Rác. O lava kerde jekhetanes e Jarmila Vaňova the o Miroslav Rác. O videoklipos kerďas e režija, e kamera the o čhiňiben o Vojtech Sloboda. E giľi sas kerďi andro berš 2010 sar jekh kotor andre motivacija hoj o Roma te phenen phundrades pal e peskri romaňi nacijonalita andro cenzus andre Slovaťiko republika. O čitro, o hangos the o lava hine kerde prekal o oficijalno videoklipos. O džide verziji šaj te aven aver - andro bašaviben, technikanes vaj andro lava avka, savi hiňi e autoreskri licencija.
e kategorija: bašaviben
Miroslav Rác - Khonik naj Devla kada sar Tu
kerdo: 15. 05. 2015 10:16 opre kerdo: 27. 11. 2020 01:47
E giľi hiňi andal o repertoaris savo giľavel o giľado the o rašaj andre Romaňi khangeri andre London (London Gypsy Church, United Kingdom: www.lgcuk.com) o Ricardo Kwiek. O lava andre giľi len e inšpiracija andal o bilblicko žalmos. E interpretacija le giľakri kerel o Miroslav Rác. E čhib andre giľi hiňi romaňi, dijalektos Kalderaš.
e kategorija: bašaviben
o tagi: Miroslav Rác
Miroslav Rác - Sunto Del
kerdo: 14. 05. 2015 15:56 opre kerdo: 27. 11. 2020 01:47
E muzika the o lava andre giľi kerďas o Miroslav Rác. O videoklipos ki e giľi sas kerdo andre synagoga andro Levice u andre khangeri sunto Michal andro Levice. O videoklipos kerďas o Rastislav Dobrovolný - THEREMIN WÜNDERBAR RECORDS, Horná Seč. E giľi lel e inšpiracija andal o žalmi, o originalna lava hine andre slovaťiko the romaňi čhib.
e kategorija: bašaviben
o tagi: Miroslav Rác
Miroslav Rác - Sunto Del
kerdo: 13. 05. 2015 19:55 opre kerdo: 27. 11. 2020 01:47
Sunto Del - e originalno autorsko vokalno the inštrumentalno kompozicija /Miroslav Rác/, giľavel, klaviris - Miroslav Rác, e basgitara - Anton Bukai, o bubni - Miroslav Talpáš. E kompozicija sas kerďi e dokumentacija andro džezovo koncertos and Želiezovce. E džiďi verzija la giľakri lel aver lava sar andro oficijalno videoklipos. E khangerakri giľi, o mangipen ki o Del.
e kategorija: bašaviben
Miroslav Rác - Aven Romale
kerdo: 30. 04. 2015 13:11 opre kerdo: 08. 05. 2023 21:49
Aven Romale - a autorsko kompozicija /Miroslav Rác/, vokalno-inštrumentalno kompozicija, o klaviris + giľavipen /Miroslav Rác/, e bassgitara /Anton Bukai/, pro bubni /Miroslav Talpáš/. E kompozicija sas pro džezovo koncertos andro Želiezovce. O lava hine e autoreskri improvizacija, tradično romane mangipena u lava le paše manušenge.
e kategorija: bašaviben
o tagi: Miroslav Rác
