Jaroslav Cicko - E čhaj
kerdo: 13. 01. 2022 12:38 opre kerdo: 13. 01. 2022 12:39
E plastika kerďi jekhe kotor kaštestar sikhavel la terňa romaňa čha rozmukhle balenca, le miriklenca pre men, andre tipicko lungi rokľa u bare dikhloha andro vast. Pre plastika pre teluňi sera hino autoriskro podpisos. O nav la plastikake diňas o katalogizatoris, pre plastika nane ňisavo ľiloro le detailenca.
Učipen: 69 cm
Buchľipen: 12 cm
E plastika hiňi andal e kolekcija andre Themutnengri asocijacija Jekhetane-Spolu.
Jaroslav Cicko hino o prindžardo romano čitratuno, kerel the o plastiki, save kerel nekhbuter kaštestar, no the barestar.
Uľiľas 25.3.1939 andro Martin u muľas 18.11.2010 andre Horná Štubňa andro okres Turčianske Teplice.
Andre Fabrika vaš o phare mašini andro Martin kerelas buťi sar inštrumentaris, andro martinsko Štúdio vaš o naprofesijonalna čitratune kerelas peskre buťa kaštestar. Sas o lektoris pro simpoziji vaš o naprofesijonalna čitratune.
Andro berš 2000 sikhavelas peskre buťa u save buter dromenca len kerel andro Ňemciko, Čechiko, Španielsko, Francuziko u Talianiko.
Nekhbuter sas leskro motivos e džuvľi andro savore lakre formi.
o autoris: Jaroslav Cicko
copyright: O Themeskro džaňibnaskro pustikengro kher andro Prešov
kerdo: 01. 10. 2021
e kategorija: E vastengri buťi
o tagi: džide tradična esteticko kašta čhiňiben Jaroslav Cicko savorenge interno
