Portretus
kerdo: 03. 06. 2021 10:25 opre kerdo: 03. 06. 2021 10:48
O manušeskro portretos, duj farbi hine dominantna – e kiko the ťehlovo. O čitro kerďas o Jaroslav Červeňák pal e Zakladno škola Jarovňicate, g. 192. O čitro kerdo temperaha pro zoralo ľil formatos A3, čitrimen andro berš 2015. Pre paluňi sera pro zoralo ľil hino o ľiloro le identifikačna informacijenca pal e škola, pal o autoris the o čitroskro nav andre angľicko čhib.
E škola hiňi prindžarďi oleha, hoj vaš o čitripnaskre buťa chudľas but moľipena khere the avri (India, Japonsko, Portugalsko, USA, Čechiko republika, Ungriko, Slovenia, Opruňi Makedonija, Švédsko, Nórsko, Fínsko, Irán the aver.) Le čhavoren ľidžal angle o sikhavno Mgr. Ján Sajko. Lengre ekshibiciji sas andro but fora, sar andro Washington D.C., Boston, Palm Beach, Hannover, Štrasburg, Brusel, Graz, Varšava, Viedeň, Praha, Budapešť, Krakov, Bratislava, Košice, Martin, Prešov, Sabinov. O terne autora hine andal o socijalno čorikane thana.
e kategorija: čitratuňipen
o tagi: sekularno materialno esteticko 2D artefakt čitro Jaroslav Červeňák savorenge interno
