Ondrej Gadžor - E Madona I.
kerdo: 13. 01. 2022 10:11 opre kerdo: 13. 01. 2022 10:11
E kaštuňi plastika hiňi e džuvľikaňi figura – e Madona. O nav la plastikake diňas o katalogizatoris, la plastika nane lakro originalno nav. E džuvľikaňi figura terďol pro teluno kotor. . O nav le kaštesko nane prindžardo. Pro teluno kotor thoďas o autoris peskri značka – avri čhindo nav.
O učipen: 38 cm
O buchľipen: 5 cm
E plastika hiňi andal e kolekcija andre Themutnengri asocijacija Jekhetane – Spolu.
Ondrej Gadžor (9.7.1956 – 19.10.2013) - khatar e Krásna opral o Hornád, chudľas te čhinel andal o kašt kana les sas 24 berš. Lelas buter materijala - o bara, the o šinga, mušľi, nekh buter o kašta. Andre leskre buťa mukhelas o originalno peskro dikhiben, but sikhľiľas andre škola khatar o akademicko socharis Vojtech Löfller, andro leskro buťakro than kerelas dešujekh berš. Jekh maškar o leskre nekh bareder temi hiňi e džuvľi. Sas les buter individualno ekshibiciji, sakovar džalas pro socharska plenera. Sikaďas pes the pro buter individualna ekshibiciji pre Slovaťiko the avri themestar. Leskre buťa hine sikade the andro Los Angeles, vaj andro Vatikan u but lendar hine andro fondos andro muzei pre Slovaťiko vaj andro Čechiko (Vichodoslovaťiko muzeum andro Košice, Muzeum Vojtech Löflleriskro andro Košice, Muzeum vaš e romaňi kultura andro Brno).
o autoris: Ondrej Gadžor
copyright: O Themeskro džaňibnaskro pustikengro kher andro Prešov
kerdo: 01. 10. 2021
e kategorija: E vastengri buťi
o tagi: na džide tradična esteticko kašta čhiňiben Ondrej Gadžor savorenge interno
