Róbert Rigó - E puketa
kerdo: 14. 01. 2022 10:05 opre kerdo: 14. 01. 2022 10:06
Autoris la puketakro hino o romano charťas Róbert Rigó andal e Dunajská Lužná. E fotografija pre savi hiňi e Puketa sas kerďi andro berš 2014 pro kidipen Europakro romano charťikano simpozijum. „Ajse puketi keraha vaš amare klijenta andro Taliansko. Ešebe amenge denas peskre motivi u jepaš kerde buťa, lendar kampelas oda te kerel. Paľis lenge sikhaďama amaro kvalitno charťikano produktos, u kamenas imar ča oda,“ phenďas R. Rigó.
Róbert Rigó hino o artikano charťas andal e Dunajská Lužná. Andal e leskri charťaňi u leskri firma Hefaiston aven avri vastenca charťimen trastune buťa. Cikne momeľengre, prekal o bare charťimen mreži ki o dominantna vudara. Šaj len arakhas pro savoro Slovaťiko the andro but thema pre luma.
Róbert Rigó kerel nekhbuter o tradična buťa, zumavel te arakhel o purane romane charťikane motivi u techniki.
Hino o šerutno andre OZ Charťikano, savo kerel o kidipen Europakro romano charťikano simpozijum.
Varekana e Dunajsko Lužná vičinenas O trastuno gav. E charťikaňi buťi adaj hin tradično buter sar 300 berš u dži akana adaj hin nekhbuter charťane andal o savoro Slovaťiko.
o autoris: Róbert Rigó
copyright: O Themeskro džaňibnaskro pustikengro kher andro Prešov
kerdo: 28. 06. 2014
e kategorija: E vastengri buťi
o tagi: džide tradična esteticko trast charťipen Róbert Rigó savorenge interno
