Róbert Rigó - O Roma pre Slovaťiko
kerdo: 13. 01. 2022 14:23 opre kerdo: 13. 01. 2022 14:23
E Slovaťiko mapa sas charťimen andro berš 2014. „E mapa kamľom te charťinel imar sigeder, no nasas ňikana pre oda o idejos,“ phenel lakro autoris Róbert Rigó. Pre mapa terďol e romaňi kereka, sar o simbolos vaš e romaňi historija pre Slovaťiko. „Sako, ko dikhel pre kadi buťi, džanel so kamavas te sikhavel. Kada kotor hino cikno, u nane kuč,“ phenel mekh o R. Rigó. E mapa hiňi bari: 15,4 cm (lungi), 6 cm (buchľi), 6,3 cm (uči).
Róbert Rigó hino o artikano charťas andal e Dunajská Lužná. Andal e leskri charťaňi u leskri firma Hefaiston aven avri vastenca charťimen trastune buťa. Cikne momeľengre, prekal o bare charťimen mreži ki o dominantna vudara. Šaj len arakhas pro savoro Slovaťiko the andro but thema pre luma.
Róbert Rigó kerel nekhbuter o tradična buťa, zumavel te arakhel o purane romane charťikane motivi u techniki.
Hino o šerutno andre OZ Charťikano, savo kerel o kidipen Europakro romano charťikano simpozijum.
Varekana e Dunajsko Lužná vičinenas O trastuno gav. E charťikaňi buťi adaj hin tradično buter sar 300 berš u dži akana adaj hin nekhbuter charťane andal o savoro Slovaťiko.
o autoris: Róbert Rigó
copyright: O Themeskro džaňibnaskro pustikengro kher andro Prešov
kerdo: 28. 06. 2014
e kategorija: E vastengri buťi
o tagi: džide tradična esteticko trast charťipen Róbert Rigó savorenge interno
