Róbert Rigó - O skamind vaš e zeleňina
kerdo: 14. 01. 2022 10:30 opre kerdo: 14. 01. 2022 10:32
O autoris savo kerďas o skamind hino o romano charťas Róbert Rigó andal e Dunajská Lužná. E fotografija pre savi hino o skamind sas kerďi andro berš 2014 pro kidipen Europakro romano charťikano simpozijum. „Kada skamind hino vaš e zeleňina vaj vaš o ovocie. Ke amende pes oda but nakerel. Šaj anglo varesave deš berša kerahas andre jekh americko rezidencija u odoj the e kuchňa. Kerahas o bare skaminda, save terďonas tele pre phuv, no the ola cikneder, save pen thovenas opre pro skamind,“ phenďas R. Rigó.
Róbert Rigó hino o artikano charťas andal e Dunajská Lužná. Andal e leskri charťaňi u leskri firma Hefaiston aven avri vastenca charťimen trastune buťa. Cikne momeľengre, prekal o bare charťimen mreži ki o dominantna vudara. Šaj len arakhas pro savoro Slovaťiko the andro but thema pre luma.
Róbert Rigó kerel nekhbuter o tradična buťa, zumavel te arakhel o purane romane charťikane motivi u techniki.
Hino o šerutno andre OZ Charťikano, savo kerel o kidipen Europakro romano charťikano simpozijum.
Varekana e Dunajsko Lužná vičinenas O trastuno gav. E charťikaňi buťi adaj hin tradično buter sar 300 berš u dži akana adaj hin nekhbuter charťane andal o savoro Slovaťiko.
o autoris: Róbert Rigó
copyright: O Themeskro džaňibnaskro pustikengro kher andro Prešov
kerdo: 28. 06. 2014
e kategorija: E vastengri buťi
o tagi: džide tradična esteticko trast charťipen Róbert Rigó savorenge interno
