E ľoľi guruvňori 19
kerdo: 02. 09. 2020 14:52 opre kerdo: 27. 11. 2020 01:47
|
|
|
|
E inštrumentalno kompozicija Hora di Mars pisinďas o rumuňiko romano kompozeris Grigoraș Ionică Dinicu (April 3, 1889, Bukurešť – Marec 28, 1949, Bukurešť). Bijo oda, hoj pisinelas o bašavibena, sas the virtuozno lavutaris, so pes šunel andro leskre kompoziciji, save hine but phare. O bašavibnaskro aranžmanos kerde o džene andal e kapela Ďusi Band. Hiňi jekh kotor andro soundtrack kije audijo dramatizacija le lekhavibnaskri Ľoľi guruvňori, savo pisinďas o slovaťiko lekhavno Martin Kukučín.
E folklorno kapela Július Bandyskri - o Ďusi Band hiňi e kapela Perješistar. O džene andre kapela hine andal e fameľija, kaj o lavutara penge den o džaňiben generacijatar pre generacija. Andre kapela bašaven: o dad Július Bandy u leskre trin čhave - Kristián, Július, Samuel. Bašaven pre cimbalma, bari bugova, lavuta u viola. Andro lengro repertoaris hino slovaťiko the romano folklor, the o giľa aver minoritendar - židovika, rusinska, ungrika, rusika, bašaven the e filmovo muzika. E fameľijakri kapela kerde andro berš 2013.
copyright: O Themeskro džaňibnaskro pustikengro kher andro Prešov
e kategorija: bašaviben
o tagi: inštrumentalno moderno folklorno quintet averestar Ďusi Band savorenge interno
