Štefan Rác
kerdo: 04. 05. 2021 11:21 opre kerdo: 04. 05. 2021 11:21
Štefan Rác hino andal o gav Bolešov, andal e fameľija šove čhavorenca. Leskro dad sas muraris, e daj sas khere. Hin les pandž čhave – murša. Kana sas o cikno čhavoro, phirelas andre charťaňi pal o lokalno trastune dromengro charťas. Andro gav Bohatá avri sikhľiľas e vastengri buťi – o teluno charťipen. Pal e škola chudľas te kerel buťi andre Fabrika Klimentoskri Jefremovičoskri Vorošilovoskri andre Dubnica nad Váhom. Le telune charťipnastar pes dochudľas kijo baro mašinakro charťipen. Pal o slugaďipen avľas pale andre fabrika, kaj kerelas buťi sar o charťas pro buťakre inštrumenta vaš e savori fabrika. Andre fabrika kerelas buťi dži kana geľas andre penzija. Trin berš kerelas e buťi andre Líbya, sikhavelas o charťipen.
O fotografiji sas kerde prekal e dokumentacija pal o charťipen pro kidipen Europakro Romano Charťipnaskro Sympozium andre Dunajsko Lužná.
e kategorija: vizualno čitratuňipen
o tagi: sekularno digitalno esteticko in persona fotografija Štefan Rác savorenge interno
Barbora Rácová
kerdo: 04. 05. 2021 10:31 opre kerdo: 04. 05. 2021 10:32
O avri ile fotografiji pal e romaňi charťaňi, e Barbora Rácová. O fotografiji sas kerde prekal o charťikano sympozijum andro berš 2014 andro gav Dunajská Lužná. Pro fotografiji hiňi le papuha Štefanoha Rácoha.
Phirelas pre umelecko škola, sikhľolas te kerel le cakloha – e vitráž. Kerel o umelecko charťipen, e kombinacija maškar o trast the caklos. Hiňi andal e charťikaňi Rácovo fameľija Bolešovostar.
e kategorija: vizualno čitratuňipen
o tagi: sekularno esteticko digitalno in persona fotografija Barbora Rácová savorenge interno
Pavlína Matiová
kerdo: 04. 05. 2021 09:21 opre kerdo: 04. 05. 2021 09:21
E giľavňi the e aktorka Pavlína Matiová uľiľas andre Roudnice nad Labem, andre lavutarengri fameľija. avri phirďas e maškarutňi pedagogicko škola, hiňi e absolventka pal o konzervatorijum, e špecijalizacija o giľavipen. Hiňi e džeňi andre teatroskri grupa andro themutnengri asocijacija Ara Art, khelelas andro Teatro pro Vinohrady, andro Teatro Hybernia, andro muzikakro teatro Karlín. Giľavelas the andro muzikalova projekta. Pavlína Matiová hiňi e jekhto romaňi džuvľi, savi sar e solistka giľavelas andro Rudolfínum Prahate.
e kategorija: vizualno čitratuňipen
o tagi: sekularno digitalno esteticko in persona fotografija Pavlína Matiová savorenge interno
O čirikloro vaj So vakerel o čirikloro
kerdo: 04. 05. 2021 08:17 opre kerdo: 14. 05. 2021 10:17
E teatroskri inscenacija „O čirikloro vaj So vakerel o čirikloro“ hiňi vaš o leperiben pre manušňi, savi vazdľas e čechiko romistika, pre raňi Milena Hübschmannová. E inscenacija hiňi e bašavibnaskri paramisi, savi sikhavel e romaňi kulturno tradicija, o lava the o goďaveripena purane Romendar u phučel, so hin o čačipen, soste šaj o manuš čačes te paťal.
E režija: David Tišer
E dramaturgija: Líza Zima Urbanová
O bašavibnaskro aranžmanos: Tibor Žida
E produkcija: Veronika Jíru, Ara Art, z.s.
e kategorija: vizualno čitratuňipen
o tagi: sekularno digitalno esteticko in persona fotografija Ara Art savorenge interno
David Tišer
kerdo: 03. 05. 2021 09:45 opre kerdo: 03. 05. 2021 10:00
O šerutno andre themutnengri organizacija Ara Art. E organizacija kerde andro berš 2013, kerel o kulturna kidipena the o teatroskre inscenaciji. David Tišer kerďas peskro kotor pre galerija Prahate, o Phundrado vudar. Kerel o temi pal e LGBT komunita. Kerelas e buťi pre dokumentarno buťi vaš e Čechiko televizija, vaš o kheľiben andre dokumentarno inscenacija andro Narodno Teatros Miro pašutno, miro rušlo, chudľas e nominacija vaš o Moľipena Alfredoskro Radokoskro andre kategorija Talent 2011. Andro berš 2018 sas o laureatos vaš o Moľipen le Muzeostar vaš e romaňi kultura.
O fotografiji sas kerde andro berš 2017 u 2020.
O informaciji khatar: amendar.cz/osobnost/bc-david-tiser/
e kategorija: vizualno čitratuňipen
o tagi: sekularno esteticko digitalno in persona fotografija savorenge interno
Žaneta Štipáková
kerdo: 03. 05. 2021 09:14 opre kerdo: 03. 05. 2021 09:14
E Žaneta Štipáková avri sikhľiľas pre Maškarutňi umelecko škola andro Košice, pro odboris muzikakro the dramaticko džaňiben. Odoj resľas o učeder maškarutno sikhľuviben. Kerelas buťi sar e hangoskri pedaogička pro Privatno konzervatorijum Prahate, the sar e sikhavnengri asistentka pre zakladno škola andro Košice.
Akana hiňe e dženi andro teatro Romathan. Odoj khelel o dramaticka roli, giľavel, no the kerel e režija u pisinel o dramaticka lekhavipena.
e kategorija: vizualno čitratuňipen
o tagi: sekularno digitalno esteticko in persona fotografija Žaneta Štipáková savorenge interno
Romano jilo
kerdo: 03. 05. 2021 08:53 opre kerdo: 03. 05. 2021 08:58
O avri ile fotografiji pal e prezentacija, savi kerďas o folklorno ansamblos vaš e dokumentacija pal o romano bašaviben.
O romano folklorno ansamblos Romano jilo pes kerďas andro berš 2008, o šerutno andro ansamblos hino o Peter Kačica. O ansamblos sas kerdo, kaj te ľikerel u vazdel o talentos le romane čhavorengro the ternengro. Khelen pro festivala pre Slovaťiko the andro aver thema.
e kategorija: vizualno čitratuňipen
o tagi: sekularno digitalno esteticko in persona fotografija Romano jilo savorenge interno
Džide kňižki - Ľoľi paradička
kerdo: 30. 04. 2021 12:45 opre kerdo: 30. 04. 2021 12:46
E Štatno vedecko kňižňica kerďas 15.11.2019 kerďas jekh andal e serija le phundrade kidipnengri paš o Lumakro ďives vaš e romaňi čhib. Pre kadi džiďi kňižka pes sikhavelas o filmos Ľoľi paradička, o manuša save les kerde, the e muzikakri kapela, savi kerďas o bašaviben andro filmos. O fotografiji hin avri ile andal oda kidipen. Pre lende hine: o režiseris the scenaristas Richard Staviarsky, e producentka Mária Staviarská, e folklorno banda Štefanoskri Cínoskri, e herečka savi khelďas e šerutňi rola andro filmos, la Veronka – e Kamila Mitrášová.
e kategorija: vizualno čitratuňipen
o tagi: sekularno digitalno esteticko in persona fotografija Ľoľi paradička savorenge interno
E Folklorno banda Štefanoskri Cínoskri
kerdo: 30. 04. 2021 12:27 opre kerdo: 30. 04. 2021 12:28
E Folklorno banda Štefanoskri Cínoskri hiňi e muzikakri kapela, kaj hine štar džene, save bašaven. E kapela sas kerďi andro berš 2007. E kapela kerďas o Štefan Cína senior. Adaďives andre kapela bašaven: Martina Ďuriková Cínová (e lavuta, o giľaviben), Štefan Cína junior (o akordeonos, e gitara, o giľaviben), Štefan Vansač (e cimbalma, o giľaviben) the o Peter Pavlík (e bari bugova, o giľaviben). O repertoaris savo bašavel e Folklorno banda Štefanoskri Cínoskri hino kerdo le tradična giľendar pal o savoro Vichodno Slovaťiko, no bašaven the o giľa pal o maškarutno the zapadno Slovaťiko. . O fotografiji sas kerde 15.11.2019 pro jekh anda e kidipnengri serija, save kerel o Štatno vedecko knižnica andro Prešov tel o nav „Džide kňižki“.
e kategorija: vizualno čitratuňipen
o tagi: sekularno digitalno esteticko in persona fotografija E folklorno banda Štefanoskri Cínoskri savorenge interno
Kamila Mitrášová
kerdo: 30. 04. 2021 10:54 opre kerdo: 30. 04. 2021 10:57
E Kamila Mitrášová hiňi e herečka. Hiňi pal o gav Bystré andro okres Vranov nad Topľou. Lakro debut sas andro filmos, savo kerďas o Viťo Staviarský – Ľoľi paradička, kaj khelelas e šerutňi rola, e Veronka Rigová. Kadi herecko rola latar kerďas e prindžarďa manušňa andro slovaťiko the čechiko jekhetaňiben. Andro jekh lakro vakeriben peske leperel, hoj pro konkurzos ando oda filmos la anďas lakri daj. O fotografiji sas kerde 15.11.2019 pro jekh anda e kidipnengri serija, save kerel o Štatno vedecko knižnica andro Prešov tel o nav „Džide kňižki“.
e kategorija: vizualno čitratuňipen
o tagi: sekularno digitalno esteticko in persona fotografija Kamila Mitrášová savorenge interno
