Jozef Ravasz József
kerdo: 19. 02. 2024 15:05 opre kerdo: 19. 02. 2024 15:07
E Šarlota Bottová hiňi e absolventka andal e Maškarutňi profesijakri škola andre Rimavsko Sobota, e kozmetička. O čitratuňipen chudľas te kerel imar kana phirelas pre maškarutňi škola, kaj sikhaven the e estetika. Pro ori pal e estetika sikhľiľas pal o portreta u sar len te kerel, paľis dureder sikhľolas korkori, prekal o informaciji save sas vaj pro internet, vaj andro džande kňižki. Lakri nekpašeder technika hin o grafitovo penkalos. Andro berš 2020 chudľas te kerel the le farbenca u dureder čitrinel o portreta.Andro berš 2020 chudľas o štipendijum andal o Fondos vaš o pomožipen andre minoritengri kultura SR, kaj te kerel e kolekcija čitre - o portreta le romane lekhavnengre.
Pro portretos hino o lekhavno Jozef Ravasz József.
Jozef Ravasz József uľiľlas 23. novembriste 1949 andro Sokolce, okresis Dunajsko Streda pre Slovaťiko. Phirelas pro gimnazijum, kaj pes sikhavelas ungrika andre Dunajsko Streda. Andro romane osadi kerďas but konkretna politicka the kulturna organizaciji. Lekhaďas buter kňižki the poeticka kolekciji. Maškar lende the e kňižka Domček v srdci (Jileskro kheroro, 1992), savi diňas avri o publikačno kher Romaňi Kultura Bratislavate. Andre kňižka hine o paramisa lekhade ungrika, romanes the slovaťika.
Hino o docentos, romologos, socijalno buťarno. Agorinďas e Fakulta vaš o socijalna džaňibena pre Univerzita Konštantinos Filozofos Nitrate, paľis kerďas o rigorozno ekzamenos. Andro doktorandsko sikhľuviben geľas dureder pre Uči škola sunto Alžbeta Bratislavate. Andro berš 2012 kerďas e habilitacija u chudľas o titulos sar docentos. Akana bešel u kerel buťi andre Dunajsko Streda the Moldava upral e Bodva, sajekh hino o šerutno andro Romologicko rodipnaskro u metodicko inštitutos andre Dunajsko Streda.
Khatar:
szmit.hu/rolunk/tagjaink/ravasz-jozsef/
e kategorija: čitratuňipen
o tagi: sekularno materialno esteticko 2D artefakt čitro Šarlota Bottová savorenge interno
Ľudovít Didi
kerdo: 19. 02. 2024 11:52 opre kerdo: 23. 02. 2024 07:43
E Šarlota Bottová hiňi e absolventka andal e Maškarutňi profesijakri škola andre Rimavsko Sobota, e kozmetička. O čitratuňipen chudľas te kerel imar kana phirelas pre maškarutňi škola, kaj sikhaven the e estetika. Pro ori pal e estetika sikhľiľas pal o portreta u sar len te kerel, paľis dureder sikhľolas korkori, prekal o informaciji save sas vaj pro internet, vaj andro džande kňižki. Lakri nekpašeder technika hin o grafitovo penkalos. Andro berš 2020 chudľas te kerel the le farbenca u dureder čitrinel o portreta.
Andro berš 2020 chudľas o štipendijum andal o Fondos vaš o pomožipen andre minoritengri kultura SR, kaj te kerel e kolekcija čitre - o portreta le romane lekhavnengre.
Pro portretos hino o lekhavno Ľudovít Didi.
Ľudovít Didi uľiľas andro berš 1931 andro Púchov. Andro školakro berš 1951/1952 chudľas te sikhľol andre škola vaš o politicka u chulajipnaskre džaňibena Prahate, bijal leskre originalna gindipena len andal o študijum avri čhide. Andro berš 1963 agorinďas o študijum pro Pedagogicko inštitutos Nitrate. Andro berš 1980 podpisinďas e Charta 77. O Okresno narodno viboris les paľis andro berš 1990 rehabilitinďas, paľis sas o šerutno andro Čhavorikano kher andro Koliňany. E literarno aktivita chudľas te kerel andro berš 2001. O jekhto lekhaviben, o romanos O vakeribena senteľimen balvajaha, diňas avri kana les sas imar eftavardeš the trin berša, andro berš 2004. Andro berš 2008 avľas avri leskro aver literarno lekhavipen Cigánkina veštba (O romňakro drabaripen). O romanos Kalo Rom u parno kamiben (2012), pal o dživipnaskre peripetiji so hin le protagonistas, o romano čhavo Gejzas, savo kamel e rakľa Marika, hino o vakeriben zoraleder khuďa kompozicijaha. Leskro paluno romanos autobijograficko elementenca, O Rom Tardek u leskro dživipen, avľas avri imar kana o autoris muľas (2013).
Khatar o foros Vráble chudľas o Ľudovít Didi o Moľipen le foroskro Vráble 2014, In memoriam, u andro berš 2023 leske andro foros kerde e leperibnaskri tabla. E prezidentka Zuzana Čaputová leske diňas andro berš 2023 o Rados Ľudovítoskro Štúroskro III. učipen, In memoriam, vaš e bari buťi prekal e demokracija u lakro vazdipen, o manušikane čačipena u slobodi.
Khatar:
www.litcentrum.sk/autor/ludovit-didi
www.spolok-slovenskych-spisovatelov.sk/products/didi-ludovit/
e kategorija: čitratuňipen
o tagi: sekularno materialno esteticko 2D artefakt čitro Šarlota Bottová savorenge interno
Ján Šándor
kerdo: 19. 02. 2024 10:56 opre kerdo: 19. 02. 2024 10:57
E Šarlota Bottová hiňi e absolventka andal e Maškarutňi profesijakri škola andre Rimavsko Sobota, e kozmetička. O čitratuňipen chudľas te kerel imar kana phirelas pre maškarutňi škola, kaj sikhaven the e estetika. Pro ori pal e estetika sikhľiľas pal o portreta u sar len te kerel, paľis dureder sikhľolas korkori, prekal o informaciji save sas vaj pro internet, vaj andro džande kňižki. Lakri nekpašeder technika hin o grafitovo penkalos. Andro berš 2020 chudľas te kerel the le farbenca u dureder čitrinel o portreta.
Andro berš 2020 chudľas o štipendijum andal o Fondos vaš o pomožipen andre minoritengri kultura SR, kaj te kerel e kolekcija čitre - o portreta le romane lekhavnengre.
Pro portretos hino o lekhavno Ján Šándor.
Ján Šándor uľiľas andro berš 1948 Brnoste (e puraňi Čechoslovakija, akana e Čechiko republika). Dešušove beršendar dži namuľas bešelas andre Prievidza. Savoro dživipen kerelas buťi sar o manualno buťarno. Le beršestar 1979 kerelas e publikacija andro magazina Železničiar, Bosorka, Smer dnes, Prieboj, Romano nevo ľil, Sam adaj, Romano džaniben. O kňižno debutos kerďas le kolekcijaha paramisa u charne lekhavipena tel o nav Romano suno (2004). Andro berš 2008 e asocijacija Jekhetane-Spolu diňas avri e kňižka romane paramisa tel o nav Kaľi ruža, slovaťika the romanes. Jekhetanes diňas avri 10 kňižki. Sas o dženo andre Asocijacija vaš o slovaťika lekhavne. Andro berš 2017 chudľas o moľipen Roma Spirit, in memoriam, vaš e dživipnaskri literarno buťi the vazdipen andre romaňi kultura.
Khatar:
ŠÁNDOR, Ján. Čierna ruža / E kaľi ruža. Prešov: Jekhetane-Spolu Prešov, 2008, 132 s. ISBN 978-80-968744-2-2
www.romaspirit.sk/rocniky/rocnik-2017/nominovani/jan-sandor-prievidza/
e kategorija: čitratuňipen
o tagi: sekularno materialno esteticko 2D artefakt čitro Šarlota Bottová savorenge interno
Dezider Banga
kerdo: 19. 02. 2024 10:30 opre kerdo: 19. 02. 2024 10:33
E Šarlota Bottová hiňi e absolventka andal e Maškarutňi profesijakri škola andre Rimavsko Sobota, e kozmetička. O čitratuňipen chudľas te kerel imar kana phirelas pre maškarutňi škola, kaj sikhaven the e estetika. Pro ori pal e estetika sikhľiľas pal o portreta u sar len te kerel, paľis dureder sikhľolas korkori, prekal o informaciji save sas vaj pro internet, vaj andro džande kňižki. Lakri nekpašeder technika hin o grafitovo penkalos. Andro berš 2020 chudľas te kerel the le farbenca u dureder čitrinel o portreta.
Andro berš 2020 chudľas o štipendijum andal o Fondos vaš o pomožipen andre minoritengri kultura SR, kaj te kerel e kolekcija čitre - o portreta le romane lekhavnengre.
Pro portretos hino o romano lekhavno Dezider Banga.
Dezider Banga uľiľlas 24.8.1939 andro Hradište. Pre zakladno the maškarutňi škola phirelas andro Uhorské paš o Poltár. Pal e pedagogicko škola andre Krupina sikhľolas sikhavneske. Sikhľiľas the e slovaťiko čhib the e historija pre Filozoficko fakulta pre Komenskyskri univerzita Bratislave. Sikhavelas sar o maškarutňa školakro profesoris pro gymnazium Trebišovoste u deš berša paľis sas o dramaturgos andre Literarno redakcija andre Slovaťiko televizija andro Košice. Andro berš 1979 geľas andre Bratislava u sas redaktoris, le beršestar 1986 sas o šerutno redaktoris andro khetaňibnaskro čhoneskro ľil Nová cesta (Nevo drom), kaj sas dži kana o perijodikum agorinďas andro berš 1990. Ss o šerutno andre themutnengri organizacija Romaňi kultura, o šerutno redaktoris andro kulturno-khetaňibnaskro čhoneskro ľil Roma u o čhavorikano magazinos Luluďi, savo delas avri leskri organizacija. Kerel the o biznis andre polygrafija – phirel leske o fabrika kaj pen keren o kňižki.
Andro berš 2009 chudľas o učo themeskro moľipen – E medaila Ľudovítoskri Štúroskri III. učipen vaš o bare doresipena andre kultura, špecijalno andre romaňi literatura.
Khatar:
www.litcentrum.sk/autor/dezider-banga/zivotopis-autora
amariluma.romanokher.sk/encyclopedia/banga-dezider/
e kategorija: čitratuňipen
o tagi: sekularno materialno esteticko 2D artefakt čitro Šarlota Bottová savorenge interno
Zdenka Mahajová
kerdo: 19. 02. 2024 09:47 opre kerdo: 19. 02. 2024 09:48
E Šarlota Bottová hiňi e absolventka andal e Maškarutňi profesijakri škola andre Rimavsko Sobota, e kozmetička. O čitratuňipen chudľas te kerel imar kana phirelas pre maškarutňi škola, kaj sikhaven the e estetika. Pro ori pal e estetika sikhľiľas pal o portreta u sar len te kerel, paľis dureder sikhľolas korkori, prekal o informaciji save sas vaj pro internet, vaj andro džande kňižki. Lakri nekpašeder technika hin o grafitovo penkalos. Andro berš 2020 chudľas te kerel the le farbenca u dureder čitrinel o portreta.
Andro berš 2020 chudľas o štipendijum andal o Fondos vaš o pomožipen andre minoritengri kultura SR, kaj te kerel e kolekcija čitre - o portreta le romane lekhavnengre.
Pro portretos hiňi e lekhavňi Zdenka Mahajová.
E Zdenka Mahajová hiňi e romaňi lekhavňi, bešel Myjavate, but berša tavelas andro školakro chabnaskro than. Lakro debut sas andro berš 2009, od sas o autobijograficko romanos Zatmenie (Kalo Kham), andro savo e autorka lekhavel pal e romaňi džuvľi u lakro dživipen, ačhado prekal o lakro dživipen u so pes lake ačhelas. Andro berš 2011 lake avri avľas e poetikaňi kolekcija tel o nav Otázniky (Phučibnaskre ľiteri). Andre lakri poezija del le genvnenge o šajipe te achaľol lakro drom ke peste, o drom andal o šero ki o jilo. Andre kolekcija hino the o CD, kaj e autorka kerel e recitacija varesave poemengri jekhetane le bašavibnaha khatar o autoris MAOKA.
e kategorija: čitratuňipen
o tagi: sekularno materialno esteticko 2D artefakt čitro Šarlota Bottová savorenge interno
Viliam Didiáš
kerdo: 01. 02. 2024 12:56 opre kerdo: 01. 02. 2024 12:56
Viliam Didiáš uľiľas andro Zvolen, andre lavutarengri fameľija. E jekhto lavuta chudľas kana les sas trin berša. Phirelas andre Ľudovo artikaňi škola, kana la agorinďas, geľas te sikhľol pro Konzervatorijum Ján Levoslav Bella Bansko Bystricate. O študijum agorinďas andro berš 1998 u paľis bašavelas sar o lavutaris pro kontraktos. Kerďas buter majstrovska artikane kurzi, save leske pomožinde te lačharel leskro bašaviben u feder te interpretinel o kompoziciji. Bašavelas andro buter kapeli, kana pes kerďas o dokumentos sas les o permanentno than andre kapela Manuša, jekhetanes dine avri andro berš 2022 o albumos sajekh naveha.
e kategorija: vakeriben
o tagi: leperiben biograficko monolog moderovano slovaťiko Viliam Didiáš interno sakoneske
Denisa Havrľová - o vakeriben
kerdo: 22. 01. 2024 16:19 opre kerdo: 22. 01. 2024 16:20
Mgr. art Denisa Havrľová (1971-) hiňi e romaňi aktivistka, the e žurnalistka andal o gav Očová. Sikhľiľas e režija vaš o dokumentarno filmos pre Uči škola vaš o muzicka džaňibena Bratislavate a e filmovo dokumentarno buťi pre Džaňibnaskri Akademija andre Bansko Bystrica. E žurnalistika kerel le beršestar 1998, kana chudľas te kerel buťi andro romano ľil Romano nevo ľil andro Prešov. Paľis, andro berš 2008 sas leskri šerutňi redaktorka. E buťi kerelas the sar e vizualno redaktorka vaš e Press agentura Slovakijakri republikakri (TASR) a the andro Zorarde manušeskro rajipnastar SR vaš o romane komuniti. Vakerel pal o peskre jekhto uštara andre žurnalistika the profesijonalno bararipen. Vakerel pal o romane temi andro mediji, sar o mediji čitrinen le Romen the pal o romane mediji. Leperel pro manuša, save lake pomožinenas andro lakro profesijno, no the personalno bararipen, vaš soske lenge paľikerel.
e kategorija: vakeriben
o tagi: leperiben biograficko monolog moderovano slovaťiko Denisa Havrľová sakoneske interno
Miroslav Pokoš
kerdo: 16. 01. 2024 06:26 opre kerdo: 16. 01. 2024 06:27
Hino andal o gav Šumiac. Hino andal e bašavibnaskri fameľija. Leskri fameľija pal o dad hine o Pokošovca Šumiacostar, pal e daj o Harvanovci Telgártostar.
Andro ola lokaliti ňikana nasas dominantno e gitara vaj o klavesova inštrumenta. Sakovar ča e lavuta, e harmonika, bari bugova, o cimbalmi. Bašavel pre bari bugova, pre lavuta the pre harmonika. Te bašavel sikhľiľas korkoro. E banda Pokošovci bašavel o slovaťiko the romano folkloris pal o Horehronie.
Le phralenca Radoha u Stanoha dine avri o albumos E folklorno banda Pokošovci 2, savo pes dochudľas pro 15. than andro World Music Chart Europe andro januaris 2020.
e kategorija: vakeriben
o tagi: leperiben biograficko monolog moderovano romanes Miroslav Pokoš interno sakoneske
Daniel Pokoš
kerdo: 15. 01. 2024 13:45 opre kerdo: 15. 01. 2024 14:10
Daniel Pokoš hino andal e fameľija, kaj o bašaviben hino e zoraľi tradicija. Te bašavel pre lavuta les sikhavelas o dad the o papus, sikhľolas the avka, hoj šunelas sar bašaven o lavutara pal o Horehronie. Bašavel andre fameľijakri cimbalovo kapela Pokošovci. Andro vakeriben vakerel pal e peskri fameľijakri the personalno historija, the pal oda, sar dikhel e muzika, e tradično the akanutňi.
O video leskre vakeribnaha sas kerdo 26.8.2022 andro Prešov, andro ciklus e dokumentacija pal o romane cimbalova kapeli pre Slovaťiko.
e kategorija: vakeriben
o tagi: leperiben biograficko monolog moderovano romanes Daniel Pokoš interno sakoneske
Džiďi kňižka holokaust Ďusi band židovika giľa
kerdo: 12. 01. 2024 10:35 opre kerdo: 12. 01. 2024 10:36
Andre fameľijakri kapela le naveha Ďusi Band bašaven o Július Bandy phureder, u leskre trin čhave Kristián, Július u nekterneder Samuel. E cimbalovo kapela Perješistar prezentinel e nekfeder tradicija pal o romane cimbalova kapeli prekal o baro interpretačno džaňiben so hin le dženen the prekal o lengro buchlo u pro žanri barvalo repertoaris. Odoj arakhas o folkloris tipicko vaš o Roma no the oda slovaťiko u aver nacijengro the minoritengro, e kapela bašavel the e klasicko muzika u nanašavel pes aňi andro žanra sar hine o džez, pop vaj o filmova melodiji.
Duj židovika giľa (jekhto o nav pes naprindžarel, e dujto le naveha Foolish Freilich Dance) sas bašade u dokumentimen pro kidipen Džiďi kňižka pal e tema Holokaust, andro Prešov, 27.9.2018.
Ko pre soste bašavel
E lavuta (o primašis) – Samuel Bandy
E bari bugova – Július Bandy terneder
E brača (e viola) – Kristián Bandy
E cimbalma – Július Bandy phureder
e kategorija: bašaviben
o tagi: inštrumentalno moderno folklorno quartet averestar Ďusi Band sakoneske interno
