Vaker, vaker - Gitana u Ďusi Band
kerdo: 10. 10. 2022 14:37 opre kerdo: 10. 10. 2022 14:41
E folklorno giľi pal o Balkan, le originalno lavenca khatar o Eduard Čonka giľavel e Gitana (o umelecko nav), oficijalno nav Adriana Drafiová u bašavel e cimbalovo kapela Ďusi Band. E giľi kerďi andro rom pop aranžmanos. O video sas kerdo 19.11.2021 andro Prešov, andro Centrum vaš e slobodno kultura Wave. Gitana (A. Drafiová) – giľavel, Július Bandy – e cimbalma, Samuel Bandy – e lavuta, Roland Horváth – o klarinetos, o saksofonos, Kristián Bandy – e viola, Július Bandy terneder – e bari bugova.
Gitana
O talentos pro bašaviben hino andre lakri fameľija. Gitana (Adriana Drafiová) les sikhavel andro giľavipen nekhbuter o elektro swing u gypsy swing. Dešuefta beršengri imar giľavelas buter kapelenca avri, andro Ungriko giľavelas le giľavneha Jozef Szaboha, paľis but berša sas jekhetanes la kapelaha Kmeťoband. Le Jurajoha Benetinoha, le giľavneha andal e kapela Korben Dallas giľaďas o duet sar phundravipnaskri giľi andro animovano charno filmos Pixar študijostar savor pes vičinel Láva (Jagale bara) le beršestar 2015.
Ďusi Band
E fameľijakri romaňi folklorno kapela andal o Prešov, o kapelňikos u cimbalistas hino Július Bandy. Ov peskre trine čhavenca bašaven u ľikeren ola nekfeder tradiciji andro romano cimbalovo bašaviben pre Slovaťiko. Bašaven korkore, vaj jekhetanes but aver romane u naromane muzikantenca. O akhardo dženo hino o Roland Horváth (o klarinetos, o saksofonos) andal e Rimavsko Sobota.
e kategorija: bašaviben
o tagi: vokalno-inštrumentalno moderno rom-pop quintet originalno romanes Ďusi Band Gitana Adriana Drafiová sakoneske interno
Alexander Mušinka – O Projektos Svinia 3. So olestar hin u o agor le projektoskro.
kerdo: 04. 10. 2022 09:10 opre kerdo: 04. 10. 2022 09:21
Alexander Mušinka hino o kulturno antropologos u o ekspertos andre rusiniko-ukrajiniko the romaňi tema. Leskro študijum sas pal e etnologija u historija pre Filozoficko fakulta pre Karlovo univerzita Prahate. Le beršestar 1997 hino o džando akademikos pre Prešovsko univerzita adnro Prešov, aktualno andro Inštitutos vaš o romane študiji u hino aktivno andro birajipnaskro sektoris. Peskro kotor kerďas andro but rodipnaskre, birajipnaskre u vazdipnaskre projekta pal o romane komuniti nekbuter pre vichodno Slovaťiko. Hino o šerutno andro Jekhetaňiben vaš o rodipen u vazdipen le minoritno grupengro andro Prešov - MINORITAS u o vicešerutno andro Centrum vaš o antropologicka rodipena andro Prešov. Leskri publikačno buťi hiňi barvaľi, sar autoris vaj jekh autorendar, avri diňas but publikaciji, zborňika u džaňibnaskre buťa. O Projektos Svinia sas o vazdipnaskro projektos, savo pes chudľas te kerel andre romaňi osada Svinia andro berš 1998 u o Alexander Mušinka sas odoj o koordinatoris.O trito kotor vakeriben hino pal o lačharipena u učeder kvalita andro dživipnaskro than andre osada. Sar pes lačharelas o problemos le paňeha vaš o pijiben, e kanalizacija vaj o bešipen.
e kategorija: vakeriben
o tagi: leperiben faktograficko monolog moderovano slovaťiko Alexander Mušinka O Inštitutos vaš o Romane Študiji sakoneske interno
Alexander Mušinka – O Projektos Svinia 2. O pomožipen andro sikhľuviben u buťariben.
kerdo: 04. 10. 2022 08:57 opre kerdo: 04. 10. 2022 09:00
Alexander Mušinka hino o kulturno antropologos u o ekspertos andre rusiniko-ukrajiniko the romaňi tema. Leskro študijum sas pal e etnologija u historija pre Filozoficko fakulta pre Karlovo univerzita Prahate. Le beršestar 1997 hino o džando akademikos pre Prešovsko univerzita adnro Prešov, aktualno andro Inštitutos vaš o romane študiji u hino aktivno andro birajipnaskro sektoris. Peskro kotor kerďas andro but rodipnaskre, birajipnaskre u vazdipnaskre projekta pal o romane komuniti nekbuter pre vichodno Slovaťiko. Hino o šerutno andro Jekhetaňiben vaš o rodipen u vazdipen le minoritno grupengro andro Prešov - MINORITAS u o vicešerutno andro Centrum vaš o antropologicka rodipena andro Prešov. Leskri publikačno buťi hiňi barvaľi, sar autoris vaj jekh autorendar, avri diňas but publikaciji, zborňika u džaňibnaskre buťa. O Projektos Svinia sas o vazdipnaskro projektos, savo pes chudľas te kerel andre romaňi osada Svinia andro berš 1998 u o Alexander Mušinka sas odoj o koordinatoris. Andro dujto kotor vakeriben vakerel pal o buter detaila pal o konkretna aktiviti andre osada, sar o lokalna Roma kerenas peskro kotor sar o themutne, pal o pomožipen andro sikhľuviben the buťariben. Soske kampelas te ačhavel e maťersko škola vaš o čhavore pro than, sar pomožinenas le chabnaha vaš o čhavore andre škola dži kijo pal e školakre aktiviti u oda, hoj pen kerde buter buťakre khera vaš o Roma andre osada.
e kategorija: vakeriben
o tagi: leperiben faktograficko monolog moderovano slovaťiko Alexander Mušinka O Inštitutos vaš o Romane Študiji sakoneske interno
Alexander Mušinka – O Projektos Svinia 1. Khatar o projektos chudľas
kerdo: 03. 10. 2022 15:28 opre kerdo: 03. 10. 2022 15:31
Alexander Mušinka hino o kulturno antropologos u o ekspertos andre rusiniko-ukrajiniko the romaňi tema. Leskro študijum sas pal e etnologija u historija pre Filozoficko fakulta pre Karlovo univerzita Prahate. Le beršestar 1997 hino o džando akademikos pre Prešovsko univerzita adnro Prešov, aktualno andro Inštitutos vaš o romane študiji u hino aktivno andro birajipnaskro sektoris. Peskro kotor kerďas andro but rodipnaskre, birajipnaskre u vazdipnaskre projekta pal o romane komuniti nekbuter pre vichodno Slovaťiko. Hino o šerutno andro Jekhetaňiben vaš o rodipen u vazdipen le minoritno grupengro andro Prešov - MINORITAS u o vicešerutno andro Centrum vaš o antropologicka rodipena andro Prešov. Leskri publikačno buťi hiňi barvaľi, sar autoris vaj jekh autorendar, avri diňas but publikaciji, zborňika u džaňibnaskre buťa. O Projektos Svinia sas o vazdipnaskro projektos, savo pes chudľas te kerel andre romaňi osada Svinia andro berš 1998 u o Alexander Mušinka sas odoj o koordinatoris. O jekhto kotor vakeriben hino pal oda, sar pes oda projektos chudľas te kerel, khatar sas o love, u so le projektoha kerďas o baro paňi andro berš 1998.
e kategorija: vakeriben
o tagi: leperiben faktograficko monolog moderovano slovaťiko Alexander Mušinka O Inštitutos vaš o Romane Študiji sakoneske interno
E džíďi kňižka - Lomnické čháve
kerdo: 22. 09. 2022 10:02 opre kerdo: 22. 09. 2022 10:02
Lomnické čháve hine e rompop kapela, kaj o kapelňikos hino Milan Polhoš, o manažeris hino Tomáš Slebodník. Andro lengro repertoaris hine nekbuter o folklorna giľa slovaťika, the aver nacijendar, save giľaven u bašaven andro pop aranžmana, pro elektronicka inštrumenta. O video hino o vakeriben le dženenca andal e kapela u le manažeriha. O video sas kerdo 8.7.2020 andro Prešov, andro Centrum vaš e slobodno kultura Wave.
e kategorija: vakeriben
o tagi: leperiben biograficko dialog moderovano slovaťiko romanes Lomnické čháve sakoneske interno
O phandle džene
kerdo: 06. 09. 2022 13:57 opre kerdo: 06. 09. 2022 14:00
O autoris le čitroskro hino o čitratuno Jozef Fečo. O čitro hino andal e kolekcija 11 čitrengri pal e tema romano holokaust. O autoris arakhľas e inšpiracija andro lekhavipen khatar e Elena Lacková O mule na aven pale. E o čitre andre kolekcija kerďas prekal o štipendijum andal o Fondos vaš e minoritengri kultura SR.
O autoris del the e deskricipcija kijo čitro, o kotor andal o lekhavipen:
„O murša, bizorale pal e rat so na sute, bokhale, ča phares terďile jekh pal avreste u pherdo kale šere chudle te džal prekal o Perješis. Sar o kalo sap, avka pes cirdenas prekal o foroskro maškar kije staňica paš o trastuno drom. Paš o drom terďonas o manuša. Le čore dženenge sas phares pal Roma, varesaven sas o apsa andro jakha. Arakhle pen the ajse, so vičinenas: Dikhen, o Cigana aven! Imar ľidžan le Ciganen! Ena lendar o gumi the sapuňis!
Ola lava le Romenge so sa andro drom zorales ačhile andro voďa.“
Jozef Fečo hino o absolventos andal e Maškarutňi džaňibnaskri škola Perješiste, o dizajn u džaňibnaskri buťi le kašteha. Nekbuter pes interesinel pal o manušikane muja u lengri mimika, so kamen oleha te phenel, so hino lengro tipicko. Vaš o Themeskro džaňibnaskro pustikengro kher Perješiste čitrinďas maškar o berša 2015 dži o 2019 o seriji 23 bare formatengre čitre vičinde O naprindžarde farbi le manušengre.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo savorenge interno
O veš
kerdo: 06. 09. 2022 13:51 opre kerdo: 06. 09. 2022 13:51
O autoris le čitroskro hino o čitratuno Jozef Fečo. O čitro hino andal e kolekcija 11 čitrengri pal e tema romano holokaust. O autoris arakhľas e inšpiracija andro lekhavipen khatar e Elena Lacková O mule na aven pale. E o čitre andre kolekcija kerďas prekal o štipendijum andal o Fondos vaš e minoritengri kultura SR.
O autoris del the e deskricipcija kijo čitro, o kotor andal o lekhavipen:
Tosara pen phundraďas o vudar u maškar terďolas o šinguno, o pindre pro duj seri, andro vas o krompačis. Bange mujeha vičinel:
„Ušťen opre, khandipena! Opre!“ Paľis mek banďiľas o muj so džungľiľas u čhungarďas: „Na ajso khandipen adaj kerďan, džukle. Savore avri, anglo barakos. Achaľon? Melale rikone!“
The andal o aver baraka avenas avri o murša. Le Lajkuske zorales marelas o jilo. Nadžanelas so te užarel, dikhelas paš peste. Avľas anglal lende o šerutno pre staňica u phenďas: „O zakonos phenel, hoj san phandle. San bičhade pro buťa te keren. Ačhavena o trastuno drom Prešov – Strážske. Kada drom but kampel la ňemciko armadake, kaj te resen peskro andro mariben! Te vareko tumendar phagerela e buťakri disciplina, vaj kamela te denašel sar šošoj, džala anglo kris. U paťan, hin amen zor te keras tumenge čačo bibacht. Ajso hino o slovaťiko zakonos! Savo te nadodoľikerel oda hin sar pes korkores te murdarel.“
Jozef Fečo hino o absolventos andal e Maškarutňi džaňibnaskri škola Perješiste, o dizajn u džaňibnaskri buťi le kašteha. Nekbuter pes interesinel pal o manušikane muja u lengri mimika, so kamen oleha te phenel, so hino lengro tipicko. Vaš o Themeskro džaňibnaskro pustikengro kher Perješiste čitrinďas maškar o berša 2015 dži o 2019 o seriji 23 bare formatengre čitre vičinde O naprindžarde farbi le manušengre.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo savorenge interno
O denašipen
kerdo: 06. 09. 2022 13:43 opre kerdo: 06. 09. 2022 13:43
O autoris le čitroskro hino o čitratuno Jozef Fečo. O čitro hino andal e kolekcija 11 čitrengri pal e tema romano holokaust. O autoris arakhľas e inšpiracija andro lekhavipen khatar e Elena Lacková O mule na aven pale. E o čitre andre kolekcija kerďas prekal o štipendijum andal o Fondos vaš e minoritengri kultura SR.
O autoris del the e deskricipcija kijo čitro, o kotor andal o lekhavipen:
„Kaj pes akana ča thovaha? O Lajkus imar džanľas: musaj te prastan, hoj len adaj te chuden! Chudle te džal prekal e maľi, sakovar mište dikhenas paš pende. Prastade dži naavle kije leňori. Paňi peske šukares giľavelas sar čuľolas prekal o bara. Andal o virbi u aver kaštendar šunenas le čiriklen te giľavel andro tosara. Šunde the le slavik te giľavel peskre trilki. Och, save hamišna sas pre sloboda, savi sas ole cikne čirikloren!
Doresle e veš, kaj pro partos imar dikhenas peskre kherora.“
Jozef Fečo hino o absolventos andal e Maškarutňi džaňibnaskri škola Perješiste, o dizajn u džaňibnaskri buťi le kašteha. Nekbuter pes interesinel pal o manušikane muja u lengri mimika, so kamen oleha te phenel, so hino lengro tipicko. Vaš o Themeskro džaňibnaskro pustikengro kher Perješiste čitrinďas maškar o berša 2015 dži o 2019 o seriji 23 bare formatengre čitre vičinde O naprindžarde farbi le manušengre.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo savorenge interno
Koncentrakos
kerdo: 06. 09. 2022 13:40 opre kerdo: 06. 09. 2022 13:41
O autoris le čitroskro hino o čitratuno Jozef Fečo. O čitro hino andal e kolekcija 11 čitrengri pal e tema romano holokaust. O autoris arakhľas e inšpiracija andro lekhavipen khatar e Elena Lacková O mule na aven pale. E o čitre andre kolekcija kerďas prekal o štipendijum andal o Fondos vaš e minoritengri kultura SR.
O autoris del the e deskricipcija kijo čitro, o kotor andal o lekhavipen:
„Pro štacijonos sas o rakibnaskro cird. O paluno vagonos sas phundrado u anglal leste o esesakos la puškaha. O policajtos leha vakerelas, vašoda hoj džanelas ňemcika, u paľis leske diňas le Jenku la Šarikaha. O esesakos salutinďas u vičinďas: Heil, Hitler!
Jenko la Šarikaha gele andro vagonos u o vudar pal lende phandle. O khandipen pal o khamľipen u the le khulendar len tele araďas. O murša, o džuvľa, o čhavore, savore ispidle jekh pre avreste, sar ola guruvňa.“
Jozef Fečo hino o absolventos andal e Maškarutňi džaňibnaskri škola Perješiste, o dizajn u džaňibnaskri buťi le kašteha. Nekbuter pes interesinel pal o manušikane muja u lengri mimika, so kamen oleha te phenel, so hino lengro tipicko. Vaš o Themeskro džaňibnaskro pustikengro kher Perješiste čitrinďas maškar o berša 2015 dži o 2019 o seriji 23 bare formatengre čitre vičinde O naprindžarde farbi le manušengre.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo savorenge interno
Murdaripen
kerdo: 06. 09. 2022 13:33 opre kerdo: 06. 09. 2022 13:37
O autoris le čitroskro hino o čitratuno Jozef Fečo. O čitro hino andal e kolekcija 11 čitrengri pal e tema romano holokaust. O autoris arakhľas e inšpiracija andro lekhavipen khatar e Elena Lacková O mule na aven pale. E o čitre andre kolekcija kerďas prekal o štipendijum andal o Fondos vaš e minoritengri kultura SR.
O autoris del the e deskricipcija kijo čitro, o kotor andal o lekhavipen:
„O esesaka ča asanas u vičinenas: Banditen! Partisanen! Chudle sakones, ko denašľas andal o than. Jekh džene tradle le Romen andro khera, aver džene čhorenas o khera le benzinoha u savore serendar labarde e osada. Jaj, bida, bari bida!
O Feris vičinelas: Soske te meras sar guruvňa? Se amen sam manuša! Tumen le Devlestar nadaran?! Ajci dživipena te lel?! O khera chudle te labol zorales. Andral pes šunenas o manuša sar vičine u roven. O murša marenas pro vudara, ispidenas pen paš o cikne blakici u mangenas hoj len te mukhen. Zijan.
Kana o thuv chudľas te khandel sar labardo mas u kokala, varesave gardistenge pen visaľile o ďombri. Čhandenas. O esesakengro šerutno vičinelas: Avka murdarava savore telune u degradimen rasi. Amen, o Ňemci, labarďam e jag te žužarel e luma ola meľatar!“
Jozef Fečo hino o absolventos andal e Maškarutňi džaňibnaskri škola Perješiste, o dizajn u džaňibnaskri buťi le kašteha. Nekbuter pes interesinel pal o manušikane muja u lengri mimika, so kamen oleha te phenel, so hino lengro tipicko. Vaš o Themeskro džaňibnaskro pustikengro kher Perješiste čitrinďas maškar o berša 2015 dži o 2019 o seriji 23 bare formatengre čitre vičinde O naprindžarde farbi le manušengre.
e kategorija: čitratuňipen
o tagi: sekularno materialno esteticko 2D artefakt čitro Jozef Fečo savorenge interno
