Jana Sendreiová
kerdo: 20. 12. 2025 12:48 opre kerdo: 20. 12. 2025 12:49
Andro berš 2005 giľaďas e Janka Sendreiová la kapelaha Anyalai Gipsy Band the aver solistenca andro Carnegie Hall, Manhattan andro New York. O koncertos resľas baro pozitivno dikhipen. O kompozeris savo kerel e filmovo muzika Hans Zimmer sar o kotor bašaviben andro filmos Sherlock Holmes 2: O khelade učhaľina, o režiseris sas Guy Ritchie, iľas duj romane bandi andal o Slovaťiko: jekh sas o Sendreiovci andal e Kokava nad Rimavica, e dujto sas o Romane barona Gelnicatar. E Janka Sendreiovo le romeha Vladoha Sendreioha keren e kapela Sendreiovci.
e kategorija: vakeriben
o tagi: leperiben biograficko dialog moderovano slovaťiko Jana Sendreiová sakoneske interno
Milan Deme, Milan Oláh
kerdo: 17. 12. 2025 06:18 opre kerdo: 17. 12. 2025 06:19
Milan Deme hino Klenovcistar, bašavel pre bari bugova. Hino andal e lavutariko fameľija. Nane les o školi pro bašaviben, savoro sikhľiľas korkoro. Bašavel andre kapela Sendreiovci. Sar o lavutaris bašaďas u kerďas o filmovo bašaviben andro filmos Sherlock Holmes.
Milan Oláh hino andal e lavutariko fameľija Klenovcistar. Bašavel pre kontra viola. Bašavel andre kapela Sendreiovci the andro aver fameľijakre kapeli Klenovciste.
Andro lengro vakeriben leperen pre fameľijakri lavutariko tradicija andro Klenovec.
e kategorija: vakeriben
o tagi: leperiben biograficko dialog moderovano slovaťiko Milan Deme Milan Oláh sakoneske interno
Štefan Goroľ - o vakeriben
kerdo: 16. 12. 2025 21:53 opre kerdo: 16. 12. 2025 21:54
Štefan Goroľ hino o sikhavno pre Zakladno škola Jarovňicate, andro gav kaj hiňi e nekbareder romaňi komunita pre Slovaťiko. Andro interviju vakerel pal o buter temi, maškar lende the pal e kontradikcija maškar leskri etnicita (romaňi) u bararipen the o dživipen vaš oda, hoj sar o cikno čhavoro sas adoptimen the barardo andre majoritno fameľija. E buťi andre romaňi komunita leske anďas o drom the o uštar andro aver svetos.
e kategorija: vakeriben
o tagi: leperiben biograficko monolog moderovano slovaťiko Štefan Goroľ sakoneske interno
Dalibor Cibuľa, Dávid Oláh
kerdo: 09. 09. 2025 10:04 opre kerdo: 10. 09. 2025 08:07
Bratranci Dalibor Cibuľa a Dávid Oláh pôsobia ako hudobníci so skupinou Sendreiovci. V spoločnom rozhovore hovoria o hudobných koreňoch ich rodiny, o špecifikách muziky z Klenovca, odkiaľ pochádzajú, o štúdiách a pracovných možnostiach a skúsenostiach, o kapele Sendreiovci a o svojich snoch a plánoch do budúcna.
e kategorija: vakeriben
o tagi: leperiben biograficko dialog moderovano slovaťiko Dalibor Cibuľa Dávid Oláh sakoneske interno
Džiďi kňižka - Sendreiovci Gypsy Band
kerdo: 09. 09. 2025 08:53 opre kerdo: 09. 09. 2025 08:54
O kidipen phundrado savorenge, savo sa kerdo 9. apriloste 2024 paš o Lumakro romano ďives. O kidipen sas kerdo jekhetanes le RTVS andro Baro študijo andro Slovaťiko radijo pre Moyzesovo uľica7 andro Košice. O kidpen hino o kotor andro ciklos Džide kňižki. O džide kňižki sas o džene andal e kapela Sendreiovci Gypsy Band.
e kategorija: vakeriben
o tagi: leperiben biograficko dialog moderovano slovaťiko Sendreiovci Gypsy Band sakoneske interno
Milan Berky
kerdo: 03. 09. 2025 06:48 opre kerdo: 03. 09. 2025 06:49
Milan Berky (1961-) hino Lučencostar a bareder kotor dživipen kerelas buťi pro trastuno drom sar o vozmajstros. Ki e buter intenzivno artikaňi buťi pes dochudľas imar kana našaďas o buťaktro than, pal o 35 berša. Kada paruvipen andro dživipen leske diňas o than te buchľarel peskro kamiben kanastar sas cikno - o čitripen. Leskre čitra hine nekbuter o portreta, save kerel ekstremno detailenca the but realistikanes. Čitrinel nekbuter le angaroreha, saveha doresel o kontrastos the pherďaripen andro parne-kale buťa, save diťhon sar o fotografiji. Maškar leskre buťa phiren o portreta kaj hine o prindžarde manuša, no the o portreta le sako ďivesutne manušengre, kaj hine o Roma the o Romňa andal o kulturno the khetaňibnaskro the športovo dživipen. Milan Berky chudľas o rešpektos na ča pre Slovaťiko, no the avri, the te les nane o formalno artikano sikhľuviben. Chudľas buter moľipena, maškar lende o jekhto than andre kategorija portreta pro maškarthemutno baro marketos vaš o čitratune artikaňibena andro České Budějovice (2017) the o moľipen Inspirace vaš oda, so anďas andre kultura (2022). Leskro čitro - o portretos kaj hino o štatňikos andal o Irak - thode andro berš 2023 pre poštovo znamka andro Irak. O vakeriben le insitno čitratuneha pal o leskro dživipen the buťi sas kerdo 12.4.2024 andro Prešov.
e kategorija: vakeriben
o tagi: leperiben biograficko monolog moderovano slovaťiko Milan Berky sakoneske interno
Sofiya Zahova
kerdo: 19. 02. 2025 07:14 opre kerdo: 19. 02. 2025 07:14
Sofiya Zahova hiňi e šerutňi andro Vigdís Maškarthemutno centrum vaš o multičhibakeriben the maškarkulturno achaľuviben pre Islandsko univerzita. O centrum kerel buťi tel o UNESCO u hino e paši organizacija ki o Vigdís Finnbogadóttir Inštitutos vaš o aver čhiba pre Islandsko univerzita. E Sofiya Zahova primarno kerel o rodipen pal e romaňi literatura andre Europa, hiňi e džeňi andre Bulgariko džaňibnaskri akademija. Akana bešel vaš o Islandos andre Šerutňi komisija vaš e Maškarthemutňi dekada vaš o purane čhiba 2022-2032. O vakeriben hino ulado andro segmenta, save charnes sikhaven o drom savo len lakre aktiviti, o doresipena the o komentara pal e situacija andre romaňi literatura. Kerdo sas 11.12.2023 andro Prešov u e čhib hiňi angľicko, jekh paluno kotor hino vakerdo romanes.
e kategorija: vakeriben
o tagi: leperiben biograficko monolog moderovano angľicka romanes Sofiya Zahova akademicko interno
Jozef Ferko
kerdo: 20. 12. 2024 08:08 opre kerdo: 20. 12. 2024 08:08
Jozef Ferko hino o aktoris the o lavutaris andro Teatro Romathan le beršestar 1993. Sas les buter poziciji – o hangoskro pedagogos the korepetitoris. Agorinďas o konzervatorijum andro Košice. Paš e buťi andro teatro kerel the peskre bašavibnaskre projekta korkoro vaj jekhetanes aver lavutarenca vaj grupenca.
e kategorija: vakeriben
o tagi: leperiben biograficko monolog moderovano slovaťiko Jozef Ferko sakoneske interno
Miloš Rác
kerdo: 19. 12. 2024 13:37 opre kerdo: 19. 12. 2024 13:38
Miloš Rác hino romano čitratuno the skulptoris. Te kerel o modela le čikatar vaš o skulpturi chudľas sar sas o terno slugaďis, odoj sas kerde leskre jekhto buťa, o cikne figuri paramisendar. Ki e kreativno buťi pes paľis dochudľas pal o biš berša. Leskre čitre hine nekbuter abstraktna, o čitre hine pherde farbenca, save sar ov paťal, phiren ki o Roma. Bešel the peskri buťi kerel andre Považsko Bystrica, leskri jekhto ekshibicija sas andro MG ART GALÉRIA Považsko Bystricate andro berš 2015. Peskre artefakta sikhavelas andro romane muzei andro Martin the andro Brno. Andro berš 2016 chudľas o moľipen Roma Spirit andre kategorija Kultura. Andro berš 2023 kerďas o moľipen Roma Spirit, e plastika, savi chuden o laureata.
e kategorija: vakeriben
o tagi: leperiben biograficko monolog moderovano slovaťiko Miloš Rác sakoneske interno
Michaela Bobeková
kerdo: 19. 12. 2024 07:29 opre kerdo: 19. 12. 2024 07:29
Michaela Bobeková bašavel pre lavuta andro orchestros, giľavel the sikhavel o bašaviben pre lavuta. E tema andro vakeriben hin o bašaviben sar e fameľijakri profesija, o dikhipena the evaluacija pal e romaňi kultura the o bašaviben andro bašavibnaskre grupi. O vakeriben sas kerdo 10.11.2023 andre Themeskri džaňibnaskri kňižnica andro Prešov.
e kategorija: vakeriben
o tagi: leperiben biograficko monolog moderovano slovaťiko Michaela Bobeková sakoneske interno
