Ďusi Band - Čhajori romaňi
kerdo: 27. 11. 2023 10:42 opre kerdo: 27. 11. 2023 10:44
Nane prindžardo, ko hino o autoris savo kerďas e giľi Čhajori romaňi, no imar le Dujto lumakro maribnastar hiňi e hymna vaš o Roma andro Slovaťiko. O lava hine direktno pal o pharipena save tirinde o Roma andro buťakre u murdaripnaskre tabora.
Andre fameľijakri kapela le naveha Ďusi Band bašaven o Július Bandy phureder, u leskre trin čhave Kristián, Július u nekterneder Samuel. E cimbalovo kapela Perješistar prezentinel e nekfeder tradicija pal o romane cimbalova kapeli prekal o baro interpretačno džaňiben so hin le dženen the prekal o lengro buchlo u pro žanri barvalo repertoaris. Odoj arakhas o folkloris tipicko vaš o Roma no the oda slovaťiko u aver nacijengro the minoritengro, e kapela bašavel the e klasicko muzika u nanašavel pes aňi andro žanra sar hine o džez, pop vaj o filmova melodiji. E romaňi giľi Čhajori romaňi, lakri inštrumentalno verzija sas bašaďi u dokumentimen pro kidipen Džiďi kňižka pal e tema Holokaust, andro Prešov, 27.9.2018.
Ko pre soste bašavel
E lavuta (o primašis) – Samuel Bandy
E bari bugova – Július Bandy terneder
E brača (e viola) – Kristián Bandy
E cimbalma – Július Bandy phureder
kerdo: 27. 09. 2018
e kategorija: bašaviben
o tagi: inštrumentalno moderno folklorno quartet averestar Ďusi Band sakoneske interno