Džiďi kňižka holokaust Ďusi band Schindler's List
kerdo: 10. 01. 2024 11:01 opre kerdo: 10. 01. 2024 11:02
E kompozicija Šaj kerďom buter pisinďas o kompozeris John Williams. E kompozicija hiňi jekh kotor andro soundtrack vaš o filmos Šindleroskre čhave (1993), o režiseris sas Steven Spielberg, savo chudľas o moľipen khatar e Americko filmovo akademija Oscar vaš e nekhfeder originalno filmovo muzika.
Andre fameľijakri kapela le naveha Ďusi Band bašaven o Július Bandy phureder, u leskre trin čhave Kristián, Július u nekterneder Samuel. E cimbalovo kapela Perješistar prezentinel e nekfeder tradicija pal o romane cimbalova kapeli prekal o baro interpretačno džaňiben so hin le dženen the prekal o lengro buchlo u pro žanri barvalo repertoaris. Odoj arakhas o folkloris tipicko vaš o Roma no the oda slovaťiko u aver nacijengro the minoritengro, e kapela bašavel the e klasicko muzika u nanašavel pes aňi andro žanra sar hine o džez, pop vaj o filmova melodiji. E kompozicija Šaj kerďom buter sas bašaďi u dokumentimen pro kidipen Džiďi kňižka pal e tema Holokaust, andro Prešov, 27.9.2018.
Ko pre soste bašavel
E lavuta (o primašis) – Samuel Bandy
E bari bugova – Július Bandy terneder
E brača (e viola) – Kristián Bandy
E cimbalma – Július Bandy phureder
kerdo: 27. 09. 2018
e kategorija: bašaviben
o tagi: inštrumentalno klasicko akanutno quartet averestar Ďusi Band sakoneske interno
