Ko kodoj Odoj tele o Roma bašaven Ola Roma ňič nakeren, ča pijen
kerdo: 18. 12. 2023 07:21 opre kerdo: 18. 12. 2023 07:21
Andre kapela Manuša bašaven o profesijonalna lavutara. O projektos avel khatar e inicijativa savi kerďas e slovaťiko giľavňi Júlia Kozáková, bašaven o Ľubomír Gašpar pre cimbalma, o Viliam Didiáš pre lavuta, Vojtech „Bélu“ Botoš pre vijola, Ján Rigo pre bari bugova. Andro berš 2022, le pomožipnaha khatar o Fondos vaš o nacijakre minoritengri kultura SR u Bratislavsko samospravno regijonos kerde o albumos, savo pes vičinel Manuša. Pro albumos hine 10 giľa – o tradična romane giľa andro lengre aranžmana.
O dokumentačno the informačno centrum vaš e romaňi kultura chudľas andro berš 2022 te kerel e dokumentacija pal o romane cimbalova kapeli, nekbuter ola, save ľikeren e tradicija andre fameľija.
Jekhto duj giľa hine čardaša, no lokheder, e paluňi giľi bašaven andro sig tempos. O giľa hine tipicka vaš o Rumungri Roma. O romane lava hine sikra modifikovana, hine nabut aver sar o originalna.
kerdo: 01. 08. 2022
e kategorija: bašaviben
o tagi: vokalno-inštrumentalno moderno folklorno quintet averestar romanes Manuša sakoneske interno
