LUNA - Soske džava khere
kerdo: 18. 09. 2025 09:16 opre kerdo: 18. 09. 2025 09:18
E kapela LUNA Martinostar hiňi e vokalno the inštrumentalno grupa, kaj bašaven štar džuvľa, o absolventki pal o konzervatorijum andro Košice. Lengro repertoaris hino primarno kerdo le romane the slovaťiko folklorna giľa, jekh kotor hine o popova giľa andro sar-folklorna aranžmana, the o klasicko bašaviben. O džene andre kapela LUNA, the pre soste bašaven:
Petra Cicková - o akordeonos
Bronislava Cicková - e bari bugova
Michaela Kazárová - e lavuta
Stanislava Cicková - o giľavipen, o perkusiji
E giľi Soske džava khere hiňi originalno e romaňi folklorno giľi (o originalna romane lava aktualno na prindžarde). O aranžmanos, savo prindžaras akana u savo bašavel the e kapela LUNA kerďas o romano giľavno the kompozeris Ľubo Virág (* 20.11.1955 - † 10.11.2024).
O videos sas kerdo prekal e dokumentacija pal o romane cimbalova kapeli andro berš 2023.
kerdo: 13. 07. 2023
e kategorija: bašaviben
o tagi: vokalno-inštrumentalno moderno folklorno quartet averestar slovaťiko LUNA sakoneske interno
