Miroslav Rác - O jilo rovel
kerdo: 09. 01. 2024 14:31 opre kerdo: 09. 01. 2024 14:33
Miroslav Rác bašavel pro klaviris, hino bašavibnaskro pedagogos, pisinel e muzika. Imar buter berša kerel e muzika pal o romano holokaust sar e tema. Sar o koncertno klaviristas bašavelas pro buter lumakre podiji andre Europa the Izrael.
E klavirno kompozicija O jilo rovel pisinďas andro berš 2019 u diňas la savorenge, saven murdarde andro koncentračno taboris Treblinka andro Polťiko. O video sikhavel leskro solovo bašaviben.
kerdo: 23. 08. 2022
e kategorija: bašaviben
o tagi: inštrumentalno klasicko akanutno solo original autoristar Miroslav Rác sakoneske interno
