O poštaris avel - E cimbalovo kapela Alexandroskri Daškoskri
kerdo: 22. 11. 2021 09:38 opre kerdo: 14. 02. 2022 13:56
E cimbalovo kapela Alexandroskri Daškoskri bašavel e romaňi giľi O poštaris avel. E kapela kerde andro berš 1992 andre Bansko Bystrica. O repertoaris len hin folkloris – romano, slovaťiko the aver nacijengro, the o operetna u filmova melodiji. E kapela diňas avri buter CD. O primašis hino Alexander Daško. Cimbalma – Dezider Oláh Axman. E viola – Otto Daniš (Buli). Bari bugova – Jozef Berky (Klokan). Akordeonos – Štefan Bučko (Kefa). Alexander Daško kerďas e Privatno zakladno artikaňi škola Lavuta andre Bansko Bystrica, hino o muzikakro pedagogos. A. Daško sako berš kerel o festivalos vaš e romaňi kultura andre Bansko Bystrica, vičinel pes Cigansko jag.
e kategorija: bašaviben
o tagi: inštrumentalno moderno folklorno quintet averestar E cimbalovo kapela Alexandroskri Daškoskri sakoneske interno
Barbora Botošová - koncert Bratislava
kerdo: 02. 08. 2021 10:13 opre kerdo: 02. 08. 2021 10:15
Barbora Botošová, lakro dad hino o Eugen Botoš phureder (Violin Orchestra Bratislava), lakro phral hino o Eugen Botoš terneder (džezovo klaviristas u kompozeris) u lakro phuro dad sas o Ján Berky Mrenica phureder (33 berša o koncertno majstros andro SĽUK). Andro berš 20120 e Barbora Botošová agorinďas o sikhľuviben pre lavuta pre Uči škola vaš o muzicka džaňibena andre Bratislava, kijo profesoris Peter Michalica. O kurzos vaš e kompozicija kerďas kije Ľubica Čekovská. E Barbora Botošová hiňi e slobodno artikaňi manušňi, bašavel andro muzikakre grupi Bohémiens u Women Rebels. O videos sikhavel o ungrika, rumuňika, židovika u romane kompoziciji, the o slovaťika folklorno giľa. O koncertos pes kerďas andre kafe kher Estévéčka, Bratislava, 7.2.2014. Tomáš Csech – e viola, Alexander Cseh – e cimbalma, Ján Rigo – e bari bugova, Barbora Botošová – e lavuta.
e kategorija: bašaviben
o tagi: inštrumentalno moderno mix quartet averestar Barbora Botošová sakoneske interno
Duo Farsa, Marco Pillo - E raťi andre Ankara
kerdo: 13. 12. 2018 10:10 opre kerdo: 27. 11. 2020 02:00
E inštrumentalno kompozicija E raťi andre Ankara hiňi e autorsko kompozicija, savi kerďas o gitarovo duo František Godla the Dušan Onody - Duo Farsa. E kompozicija kerde, kana oda gitarovo duo sas andre Turkija. Duo Farsa bašavel peskre autorska, emotivna kompoziciji andal o buter žanri, nekh buter o špaňijelika ritmi, the o flamenco. Bašavel lenca o Marco Pillo (o bašaldo, o giľavno, o kompozitoris), bašavel pro cajon. O video sas kerdo 31.3.2014 andro Teatro Jonaš Zaborsky pre Cikňi scena, kana o Dušan Onody prezentinelas peskri kňižka giľutnenca: Tuke, ča tuke.
e kategorija: bašaviben
o tagi: inštrumentalno moderno flamenco trio original autoristar Duo Farsa Marco Pillo sakoneske interno
Miroslav Rác - Magic
kerdo: 22. 10. 2018 10:10 opre kerdo: 27. 11. 2020 02:00
Miroslav Rác hino o absolventos andal o konzervatorijum andro Topoľčany, kaj sikhľiľas te bašavel pro klaviri. Leskro artistikano nav hin BG /bí dží/ u kerel o štilos gangster romano hip-hop. Pro klaviris bašavel dešutrine beršendar. Akana giľavel, kerel rap, kerel o giľa the o inštrumentalna bašavibena vaš o klaviris, save ov korkoro the bašavel. E giľi bašaďas pro džezovo koncertos, savo sas dokumentimen andro Kulturno kher andro gav Želiezovce. E inštrumentalno giľi "Magic" hiňi andal o autorsko keriben khatar o Miroslav Rác. O solo pro bubni bašavel o Miroslav Talpáš u o solo pre basovo gitara bašavel o Anton Bukai.
e kategorija: bašaviben
o tagi: inštrumentalno moderno rom-jazz trio originalno Miroslav Rác Anton Bukai Miroslav Talpáš sakoneske interno
Romathan andro neve gada - E Anitra khelel
kerdo: 03. 07. 2018 14:26 opre kerdo: 27. 11. 2020 02:00
E 65. premijera andro Teatro Romathan sas sar andro "neve gada". Bašavibnaskro the kheľibnaskro koncertos, pherdo romane halgato. O orchestros kerel peskre kotora, kaj sikavel, save hine o phurda maškar o kulturi andre Europa. Jekh olestar so bašavel o orchestros hiňi the e klasicko kompozicija khatar o norsko autoris Edvard Grieg, vičhinel pes E Anitra khelel. E kompozicija hiňi o kotor andal o scenicko bašaviben kerdo ki e veršovano drama khatar o Henrik Ibsen: Peer Gynt. E premijera la sas andro februaris 1876 andre Kristiania, akana Oslo, Norsko.
e kategorija: bašaviben
o tagi: inštrumentalno klasicko impresionisticko orchestra Romathan sakoneske interno
Duo Farsa - Filip
kerdo: 01. 12. 2017 15:38 opre kerdo: 27. 11. 2020 02:00
Bašavel o gitarengro duo, o Duo Farsa. O gitarengro duo bašavel peskre emotivna bašavibena andal o buter žanri, nekh buter o špaňijelika ritmi, o flamenco. O duo keren duj virtuozna romane bašalde, o František Godla the o Dušan Onody andal o Sabinov. Kada autorikano bašavibnaskro kotor pes vičhinel sar o dženo so bašavelas pro kachon, angleder o dženo andre lengri kapela, leskro nav o Filip. Sajekh oleha o bašalde den paťiv le muzikantoske Jaroslav Filiposke, savo andre leskri buťi kerelas ajsi melodika u prekal o verifikovana informaciji les sas o romane phure andre fameľija.
e kategorija: bašaviben
o tagi: inštrumentalno moderno rom-jazz duo original autoristar Duo Farsa sakoneske interno
Duo Farsa - E raťi Ankarate
kerdo: 01. 12. 2017 15:36 opre kerdo: 27. 11. 2020 02:00
Pro video hino o koncertos, kaj bašavel o gitarengro duo, o Duo Farsa. O gitarengro duo bašavel peskre emotivna bašavibena andal o buter žanri, nekh buter o špaňijelika ritmi, o flamenco. O duo keren duj virtuozna romane bašalde, o František Godla the o Dušan Onody andal o Sabinov. O autora chudle e inšpiracija vaš kada bašaviben kana sas andro Turecko, o autorsko bašaviben hino pherdo energija u sloboda.
e kategorija: bašaviben
o tagi: inštrumentalno moderno rom-jazz duo original autoristar Duo Farsa sakoneske interno
Duo Farsa - Hag
kerdo: 01. 12. 2017 15:28 opre kerdo: 27. 11. 2020 02:00
Pro video hino o koncertos, kaj bašavel o gitarengro duo, o Duo Farsa. O gitarengro duo bašavel peskre emotivna bašavibena andal o buter žanri, nekh buter o špaňijelika ritmi, o flamenco. O duo keren duj virtuozna romane bašalde, o František Godla the o Dušan Onody andal o Sabinov. O bašavibnaskro kotor pes vičhinel HUG - ANGAĽI u o muzikanta les kerde khatar o jekhto ľiteri andal o akordi save hine andre akordengro drom andro oda bašaviben: H-G-A-D.
e kategorija: bašaviben
o tagi: inštrumentalno moderno rom-jazz duo original autoristar Duo Farsa sakoneske interno
Duo Farsa - Bossa Dorado
kerdo: 01. 12. 2017 15:27 opre kerdo: 27. 11. 2020 02:00
Pro video hino o phundrado koncertos, kaj bašavel o gitarengro duo, o Duo Farsa. O gitarengro duo bašavel peskre emotivna bašavibena andal o buter žanri, nekh buter o špaňijelika ritmi, o flamenco. O duo keren duj virtuozna romane bašalde, o František Godla the o Dušan Onody andal o Sabinov. O autoris kale kotoriske hino o gitaristas Dorado Schmitt, o aranžmanos kerde o džene khatar o Duo Farsa.
e kategorija: bašaviben
o tagi: inštrumentalno moderno rom-jazz duo original autoristar Duo Farsa sakoneske interno
Duo Farsa - Minor Swing
kerdo: 01. 12. 2017 15:23 opre kerdo: 27. 11. 2020 02:00
Pro video hino o koncertos, kaj bašavel o gitarengro duo, o Duo Farsa. O gitarengro duo bašavel peskre emotivna bašavibena andal o buter žanri, nekh buter o špaňijelika ritmi, o flamenco. O duo keren duj virtuozna romane bašalde, o František Godla the o Dušan Onody andal o Sabinov. O bašaviben hino o muzikakro aranžmanos kerdo khatar o bašaviben sajekh naveha, kaj o originalno autoris hino o Django Reinhardt.
e kategorija: bašaviben
o tagi: inštrumentalno moderno rom-jazz duo original autoristar Duo Farsa sakoneske interno
