Roland Horváth
kerdo: 23. 05. 2024 07:47 opre kerdo: 23. 05. 2024 07:48
Bc. Roland Horváth, Dis.art uľiľas andre Rimavsko Sobota andre lavutarengri fameľija. Bašavel pro phurdipnaskre inštrumenti. Resľas o uče školakro sikhľuviben, jekhto učipen pre Bašavibnaskri u artikaňi akademija Ján Albrechtoskri andre Bansko Štiavnica. Le beršestar 2019 hino o šerutno andre Zakladno artikaňi škola andro gav Jesenské. Sar o lavutaris chudľas te kerel peskri karijera andro Ungriko, kaj bašavelas buter kapelenca buter prindžarde primašenca. Paľis kana avľas pale pre Slovaťiko, bašavelas andro teatro Romathan Kašate. La kapelaha Sendreiovci bašaďas o giľa vaš o filmos Sherlock Holmes - O učhaľiňa khelen, saves sas e premijera andro berš 2012. Pro klarinetos bašavel andro buter cimbalova kapeli pre Slovaťiko, but kerel jekhetanes la fameľijakra kapelaha Július Bandyskri Perješistar.
e kategorija: vakeriben
o tagi: leperiben biograficko monolog korkoro slovaťiko Roland Horváth sakoneske interno
Michal Mižigár
kerdo: 16. 04. 2024 07:36 opre kerdo: 16. 04. 2024 07:36
Michal "Mižu" Mižigár uľiľas andre romaňi fameľija pal e Slovaťiko, savi pal o Dujto lumakro mariben geľas khatar o gava pro Opruno Spiš te bešel pro Čechi. E maturita kerďas pre Biznis akademija andro Písek, dureder sikhľolas pre Karlovo univerzita Prahate pre Filozoficko fakulta, kaj andre špecijalizacija romistika doresľas o titulos sar bakalaros. Akana sikhľol pre Maškareuropakri univerzita (angomis andre Budapešť, Ungriko, paľis andre Viedeň, Rakusko) pro magistersko učipen, e špecijalizacija andre komparativno historija. Kana pes kerelas o vakeriben, bešelas andre Bari Britanija, kaj kerelas buťi andro timos pro projektos Roma of Great Abilities, kaj kerelas e buťi le sikhavnenca save sikhaven le romane čhavoren so avle pal o Čechi the Slovaťiko. O vakeriben hino pal leskro dži akanutno dživipen, e buťi u prindžaripena.
e kategorija: vakeriben
o tagi: leperiben biograficko monolog korkoro romanes Michal Mižigár sakoneske interno
Petr Torák - O dživipen andre Bari Britanija
kerdo: 10. 04. 2024 07:20 opre kerdo: 10. 04. 2024 07:20
Petr Torák hino andal e Čechiko republika, khatar andro berš 1999, pal e serija rasovo motivovana maribena, jekhetanes la fameľijaha geľas te bešel andre Bari Britanija. Odoj chudľas te kerel andre lokalno policija, kerelas the o temi sar o moderno otroctvo. Andro berš 2015 chudľas e Medaila khatar o Britanijakro imperijum, vaš e leskri čači buťi le romane komunitenca andro Peterborough. Pal oda, so mukhľas e policajno buťi, kerel e komunitno the charitativno buťi, sajekh hino o honorarno konzulos vaš e Čechiko republika andro Peterborough.
Andro dujto kotor andal o trin kotora leperibnaskre vakeribena o Torák leperel, sar avle andre Bari Britanija, kaj jekhvarestar mangle o azil, so sas paľis u sar penge jekh lokhes arakhle o drom kijo than maškar o manuša. Leperel pro peskre jekhto buťa, dži kana geľas kije britsko policija, kaj paš e buťi avri phirďas e uči škola. Vakerel pal o peskre aktiviti, vaš save chudľas e Medaila khatar o Britanijakro imperijum.
e kategorija: vakeriben
o tagi: leperiben biograficko monolog korkoro čechika Petr Torák sakoneske interno
Petr Torák - E komunitno buťi
kerdo: 10. 04. 2024 07:17 opre kerdo: 10. 04. 2024 07:18
Petr Torák hino andal e Čechiko republika, khatar andro berš 1999, pal e serija rasovo motivovana maribena, jekhetanes la fameľijaha geľas te bešel andre Bari Britanija. Odoj chudľas te kerel andre lokalno policija, kerelas the o temi sar o moderno otroctvo. Andro berš 2015 chudľas e Medaila khatar o Britanijakro imperijum, vaš e leskri čači buťi le romane komunitenca andro Peterborough. Pal oda, so mukhľas e policajno buťi, kerel e komunitno the charitativno buťi, sajekh hino o honorarno konzulos vaš e Čechiko republika andro Peterborough.
Andro paluno, trito kotor leperibnaskro vakeriben, Torák vakerel pal oda, soske mukhľas e policija u chudľas pherdes te kerel e komunitno buťi. Vakerel pal o buter aspekti andro pomožipen le manušenge, sar but kampel te kerel le čhavorenca u ternenca, le školenca, kerel e komparacija maškar o sikhľuvibnaskre sistemi andre Čechiko republika u Bari Britanija. Vakerel pal oda, sar ačhiľas honorno konzulos Čechiko republikakro andro Peterborough, the pal o peskre plani u viziji vaš o avipen.
e kategorija: vakeriben
o tagi: leperiben biograficko monolog korkoro čechika Petr Torák sakoneske interno
Petr Torák - O dživipen andre Čechiko republika
kerdo: 09. 04. 2024 07:29 opre kerdo: 09. 04. 2024 07:30
Petr Torák uľiľas andre Čechiko republika, khatar andro berš 1999, pal e serija rasovo motivovana maribena savora fameľijaha geľas andre emigracija andre Bari Britanija. Odoj kerelas buťi andre lokalno policija, kerelas the andre tema pal e moderno robija. Andro berš 2015 chudľas e Medaila andal o Britanijakro Imperijum vaš e leskri lačhi buťi le romane komunitenca andro foros Peterborough. Pale oda, so geľas la policijatar, kerel e komunitno the charitativno buťi, sajekh hino o honorarno konzulos vaš e Čechiko republika andro Peterborough.
Andro jekhto kotor maškar o trin kotora leskro vakeriben u leperiben, o Torák leperel pre peskri fameľija u čhavoripen andre Čechiko republika, pro berša andre škola u pre oda, so pes ačhelas angle fameľijakri emigracija andre Bari Britanija.
e kategorija: vakeriben
o tagi: leperiben biograficko monolog korkoro čechika Petr Torák sakoneske interno
Vladimír Slávik
kerdo: 14. 03. 2024 10:33 opre kerdo: 14. 03. 2024 10:41
Hino Bansko Bystricatar. Kijo bašaviben les ľidžalas leskro papus, savo bašavelas pre harmonika u but kamelas o romano bašaviben. The ov but kamel romano bašaviben, nekfeder. Bašavel le bandenca pro Horehronie - o Pokošovci, Haviarovci, Gábrišovci.
Sikhľiľas te bašavel pre cimbalma pre Zakladno umelecko škola Bansko Bystricate. Bašavel andro buter folklorna kapeli. Akana phirel pre Jeseniovo Medicinsko fakulta andro Martin, Komenský Univerzita. O romano folklorno bašaviben hino, sar phenel, buter temperamentno, buter šuňiben vaš e muzika the harmonija, sar andre slovaťiko.
e kategorija: vakeriben
o tagi: leperiben biograficko monolog korkoro Vladimír Slávik cimbalista sakoneske interno
Elena Lacková - Prindžaras amen (e debata andre Handlová)
kerdo: 08. 03. 2024 11:28 opre kerdo: 08. 03. 2024 11:29
O video hino o archivno materijalos andal e organizacija Jekhetane-Spolu. Pro video hiňi e debata savi ľidžalas e romaňi lekhavňi Elena Lacková andre kňižňica andre Handlová, sar jekh kotor andre serija kidipena Prindžaras amen. O originalno video hino pre VHS kazeta, e digitalno verzija sas kerďi andro berš 2022 prekal e digitalizacija le originalno VHS kazetatar. Varesave kotora andre debata hine andro originalno keriben čhinde avka, hoj o vakeribena nane agorimen. O materijalos vaš oda hino ča pro študijum pal e Elena Lacková. O autoris andro video nane identifikovano.
Elena Lacková uľiľas 22. marcoste 1921 Bara Šarošate. Phirel maškar o nekbareder roman lekhavne. Lakre lekhavibena sas vaš o čhavorikane the avribararde genavne. Avri phirďas e Fakulta vaš o socijalna džaňibena, Karlovo univerzita, Praha (1970). Pisinelas e proza the o dramaticka buťa. Savoro dživipen sas e aktivistka u romaňi zoraľi manušňi. Muľas 1. januariste 2003 Kašate.
e kategorija: vakeriben
o tagi: leperiben biograficko dialog korkoro slovaťiko Elena Lacková sakoneske interno
Dušan Deme
kerdo: 14. 12. 2023 10:46 opre kerdo: 14. 12. 2023 10:47
Dušan Deme uľiľas andre lavutarengri fameľija Lučencoste. Kijo bašaviben les ciknorestar ľidžalas o phuro dad. Šove beršendar bašavelas pre zongora, paľis sikhľolas the pre Zakladno artikaňi škola. Sikhľolas the te giľavel. Dešuštare beršendar rodel o dživipen prekal o bašaviben pro but thana, kerelas the andro but šifi pro baro paňi, kaj bašavelas pre zongora u giľavelas. Leskri inklinacija hin nekbuter kijo romano bašaviben, o folklorna giľa, džez u puraneder slovaťiko kheľibnaskri muzika. O vakeriben hino pal oda, sar leperel pre peskri fameľija, the so gondoľinel pal e akanutňi romaňi muzika, so ela le tradično cimbalovo kapelenca pre Slovaťiko, pal o leskro bašaviben andro Roland Horváth Orchestra no the pal e romaňi čhib the kultura.
e kategorija: vakeriben
o tagi: leperiben biograficko monolog korkoro slovaťiko Dušan Deme sakoneske interno
Leonard Farkas
kerdo: 30. 11. 2023 07:26 opre kerdo: 30. 11. 2023 07:29
Leonard Farkas hino pal o Slovaťiko, andal o foros Dunajsko Streda, andal e fameľija, kaj pes vakerel ungrika. E magija the eskamotersko buťi kerel imar kanastar sas cikno. Sikhľolas pre škola vaš e magija Budapeštate, sas pro buter maškarthemutne kompeticiji u kerelas jekhetanes buter artikane manušenca, sar sas o lavutaris Zoltán Mága, vaj e kheľibnaskri grupa R3D ONE. O video anel o vakeriben leha u the varesave kotora, save kerel.
e kategorija: vakeriben
o tagi: leperiben biograficko monolog korkoro ungrika Leonard Farkas sakoneske
Teri Čikoš – Brišindalo ďives
kerdo: 14. 03. 2022 09:07 opre kerdo: 14. 03. 2022 09:08
Teri Čikoš hiňi andal e braťislavsko lavutarengri fameľija, andre savi imar buter generaciji bašaven. The oj kadi tradicija šukares ľidžal angle. Bašavel pro klaviris, pre gitara, pro konzervatorijum sikhľol andro bašavibnaskro u dramaticko odboris. Pre zakladno umelecko škola sikhavel o giľavipen. Lakro single le tituloha Pozri (Dikh) resľas o than maškar o deš nekhbuter bašade giľa andro slovaťika radiji. Kerel o koncerti peskra bašavibnaskra grupaha, hiňi the e moderatorka, u ačhavel peskri lačhes kerďi pozicija andre pop-kultura pre Slovaťiko. O lava the e muzika pisinďas e Teri Čikoš. O video la giľaha sas kerdo andro džido koncertos pro Roma Spirit kidipen, 16.7.2021 andro Kežmarok.
e kategorija: bašaviben
o tagi: vokalno-inštrumentalno moderno pop quartet original autoristar slovaťiko Teri Čikoš sakoneske korkoro
