Mgr. Roman Čonka, Mgr. Norbert Végh: Virtualna galeriji - o drom sar te sikhavel e romaňi kultura
kerdo: 27. 11. 2023 12:35 opre kerdo: 27. 11. 2023 12:36
O trito berš la konferencijakro Aktualna romane študiji III, o organizatoris sas e Themeskri džaňibnaskri kňižňica andro Prešov, o dokumentačno-informačno centrum vaš e romaňi kultura. Jekhetanes e organizacija kerde o Centrum vaš o khetaňibnaskre u psichologicka džaňibena andre Slovaťiko džaňibnaskri akademija u o Inštitutos vaš o romane študiji andre Prešovsko univerzita andro Prešov. E organizacija sas 1. – 2.12.2022, o than sas e Prešovsko univerzita. E hibridno forma diňas o šajipen le džaňibnaskre manušňenge u manušenge te kerel peskri prezentacija, the te sas andal o aver thema. Pre konferencija sas 23 prezentaciji andro pandž panela.
Mgr. Roman Čonka prezentinďas o virtualna galeriji, sa andre len šaj arakhen u sar lenca te prezentinel e romaňi kultura andro školi the andro aver kulturna inštituciji. Mgr. Norbert Végh andro dujto kotor prezentacijakro vakerďas pal e technologija sar pes ajsi virtualno galerija kerel. O video sas kerdo 1.12.2022
e kategorija: vakeriben
o tagi: džaňiben referatos monolog konferenčno slovaťiko Roman Čonka Norbert Végh akademicko interno
