prof. PaedDr. Vladimír Klein, PhD., PhDr. Viera Šilonová, PhD.: Socijalno čore čhavore andro cikne školi - e inkluzivno dijagnostika the e stimulacija, lengri implementacija.
kerdo: 04. 04. 2024 07:21 opre kerdo: 04. 04. 2024 07:21
O štarto berš e konferencija E aktualno situacija andro romane študiji IV kerďas e Themeskri džaňibnaskri kňižňica andro Prešov, o dokumentačno the informačno centrum vaš e romaňi kultura. O phiko dine o Centrum vaš o khetaňibnaskre u psichologicka džaňibena andre Slovaťiko džaňibnaskri akademija the o Inštitutos vaš o romane študiji andre Prešovsko univerzita andro Prešov. Pre kadi univerzita sas e konferencija kerďi 7. the 8. decembroste 2023, ulaďi andro pandž panela, andro save sas 23 prezentaciji. E hibridno forma diňas o šajipen te prezentinel le džande manušňenge u manušenge the andal o aver thema.
O autora keren buťi pre Katedra vaš e špecijalno pedagogika pre Pedagogicko fakulta, Prešovsko univerzita andro Prešov. Prezentinen o metodi andre dijagnostika u stimulacija andro vazdipen le čhavorengro, the sar te kerel o inkluzivno sikhľuviben andro cikne školi pre Slovaťiko.
e kategorija: vakeriben
o tagi: džaňiben prezentacia monolog konferenčno slovaťiko Vladimír Klein Viera Šilonová akademicko interno
