Tomáš Botló - Gelem, gelem
kerdo: 22. 06. 2015 07:34 opre kerdo: 27. 11. 2020 01:47
E melodija e romaňi himnakri hiňi khatar e puraňi giľi, popularno andre Rumuňija vaj Srbija andro jekhto jepaš andro 20. šelberšipen. Kanastar la andro berš 1968 o režiseris Alexander Petrovič thoďas sar e melodija le lavenca khatar o romano bašaldo Jarko Jovanovič andro filmos pal e romaňi tematika Ko cinel o pora (Skupljači perja, 1967, Juhoslávia), e giľi ačhiľas mekh jekhvar popularno. O romane bašalde la thode andro pengro repertoaris u buterval parude o lava (varekana the e melodija u o tempo) sar on kamle, so pes kerel dži akana.Tomáš Botló - giľavel u bašavel, amaterikanes bašavel pre gitara, no nekh buter pre zongora, oda sikhľolas pro Themeskro konzervatorijum andre Braťislava. Kerel peskre autorska giľa, khere peske kerďas o študijo, u hino the but lačho hangoskro technikos. Tomáš del jekhetanes o romano bašaviben the o moderna žanri, sar hine o džez, funk, hip-hop, latino, flamenco, pop tu oda žanrovo sinkretizmus lestar kerel buchlo multikulturno the multižanrovo bašaldes. Kerelas jekhetanes buter slovaťika the avrune raperenca the artistenca.
copyright: O Themeskro džaňibnaskro pustikengro kher andro Prešov
kerdo: 21. 11. 2013
e kategorija: bašaviben
Video – so pes vakerel
Dželem, dželem.
Dželem, dželem lungone dromenca,
maladilem bachtale Romenca.
Dželem, dželem lungone dromenca,
maladilem bachtale Romenca.
Šej, haj, Romale,
šej, haj, čhavale.
Šej, haj, Romale,
šej, haj, Cigane.
Išli sme, išli.
Išli sme, išli dlhými cestami,
stretli sme šťastných Rómov.
Išli sme, išli dlhými cestami,
stretli sme šťastných Rómov.
Šej, haj, Romale,
šej, haj, čhavale.
Šej, haj, Romale,
šej, haj, Cigane.
Long Way We Went
Long way we went,
Happy Roma we met.
Long way we went,
Happy Roma we met.
Shei, hoy, Romale,
Shei, hoy, Brothers.
Shei, hoy, Romale,
Shei, hoy, Gypsies.
