Paš e jag
kerdo: 23. 11. 2022 14:11 opre kerdo: 23. 11. 2022 14:12
O čitro sikhavel le muršes u la džuvľa avri pre luka paš e jag. Pal lende hine o kašta. O čitro čitrinďas Jozef Kaleja sar 14 beršengro, savo phirelas pre Zakladno škola Jarovnice g. 192. O čitro čitrimen paňeskre kolorenca pro zoralo ľil formatos A3, kerdo andro berš 2018. Jozef Kaleja phirelas andro 6. berš.
Pre paluňi sera pro čitro hino o ľiloro la informacijaha pal e škola, autoris u sar pes o čitro vičinel andre angľicko čhib.
E škola hiňi prindžarďi vašoda, hoj o čitre le čhavorendar chudle but moľipena khere the avral (India, Japonsko, Portugalsko, USA, Čechiko republika, Ungriko, Slovenia, Opruňi Macedonia, Švedsko, Norsko, Finsko, Iran the aver). Le čhavoren sikhavel o sikhavno Mgr. Ján Sajko. Sas len o ekshibiciji andro but fora, sar andro Washington D.C., Boston, Palm Beach, Hannover, Štrasburg, Brusel, Graz, Varšava, Viedeň, Praha, Budapešť, Krakov, Bratislava, Košice, Martin, Prešov, Sabinov. O cikne autora sas andal o socijalno čore fameľiji, nekbuter andal e romaňi osada andro gav Jarovnice.
copyright: O Themeskro džaňibnaskro pustikengro kher andro Prešov
kerdo: 11. 11. 2020
e kategorija: čitratuňipen
o tagi: sekularno materialno esteticko 2D artefakt čitro Jozef Kaleja savorenge interno
