Charlie Chaplin
kerdo: 26. 06. 2015 12:13 opre kerdo: 27. 11. 2020 01:47
Jozef Fečo, amatersko maľaris, absolvenstos andal Perešiskeri Maškarutňi artisticko škola. Sikhľiľa pes andro odboris dizajnos the kaštuno formašis.Aktivnosnes zachudňa te kerel andal o berš 2011, leskeri angluňi buťi hino čitro - O Ježiš pro pochtan. Aver deš kerďipena pal oprethode lumakere manuša hine zachudne paš prioritno projektos "Džide genďa" (lav - čitro . hangos), so len likerďa Kulturakero ministerstvos SR andal apriľis dži majos 2015. Maľaris Jozef Fečo sthoďa 9 portreti andro kherutno pašaľipen - andro gav Kračunovce. Dešto portretos zaačhaďa andro Dokumentačno-informačno centros vaš romaňi kultura. Maľimen oprethodo manuš hino artistos the pherasando Charlie Chaplin. Uľiľa andre Anglija andro berš 1889 the muľa andro Švajčiarsko andro berš 1977. Andre but genďa pes pisinel pal leskero romipen. Ian Hanckock andre peskeri genďi Amen romaňi nacija pisinel pal leskero romipen. Leskeri daj zgeľa andal romaničalengere charťendar. Maškar Roma sas but vacht the peskeri artisticko figura peske zadikhelkerďa prekal romano dživipen. Sas leske phares pro jilo, sar le Romenca kerenas o nacisti andre Ňemcika, vašoda sthoďa andro filmos Baro Diktatoris (1940) e Hitleriskeri figura. Čitroskero baripen: 120 cm x 100 cm. Telethodo materialos hino sadrokartonos. Chasňarďi maľibnaskeri technika: pop art - street art.
o autoris: Jozef Fečo
copyright: O Themeskro džaňibnaskro pustikengro kher andro Prešov
kerdo: 18. 05. 2015
e kategorija: čitratuňipen
