E čhaj la mačkaha
kerdo: 22. 11. 2022 11:11 opre kerdo: 23. 11. 2022 10:44
E čhaj la mačkaha hino o štilizovano portretos, kaj hiňi e terňi čhaj la mačkaha andre angaľi. O čitro hino čitrimen paňeskre farbenca pro ľil formatos A3. O autoris hino Milan Kaleja, savo uľiľas 14.5.2001 Jarovnicate, okresis Sabinov. O čitro čitrinďas andro berš 2015, kana phirelas andre VIII. A trieda pre Zakladno škola Jarovnicate (Jarovnice g. 192).
Pre paluňi sera pro čitro hino o ľiloro la informacijaha pal e škola, autoris u sar pes o čitri vičinel andre angľicko čhib.
E škola hiňi prindžarďi vašoda, hoj o čitre le čhavorendar chudle but moľipena khere the avral (India, Japonsko, Portugalsko, USA, Čechiko republika, Ungriko, Slovenia, Opruňi Macedonia, Švedsko, Norsko, Finsko, Iran the aver). Le čhavoren sikhavel o sikhavno Mgr. Ján Sajko. Sas len o ekshibiciji andro but fora, sar andro Washington D.C., Boston, Palm Beach, Hannover, Štrasburg, Brusel, Graz, Varšava, Viedeň, Praha, Budapešť, Krakov, Bratislava, Košice, Martin, Prešov, Sabinov. O cikne autora sas andal o socijalno čore fameľiji, nekbuter andal e romaňi osada andro gav Jarovnice.
copyright: O Themeskro džaňibnaskro pustikengro kher andro Prešov
kerdo: 11. 11. 2020
e kategorija: čitratuňipen
o tagi: sekularno materialno esteticko 2D artefakt čitro Milan Kaleja savorenge interno
