Django Reinhardt
kerdo: 15. 07. 2015 09:59 opre kerdo: 27. 11. 2020 01:47
Jozef Fečo, amatersko maľaris, absolvenstos andal Perešiskeri Maškarutňi artisticko škola. Sikhľiľa pes andro odboris dizajnos the kaštuno formašis.Aktivnosnes zachudňa te kerel andal o berš 2011, leskeri angluňi buťi hino čitro - O Ježiš pro pochtan. Aver deš kerďipena pal oprethode lumakere manuša hine zachudne paš prioritno projektos "Džide genďa" (lav - čitro - hangos), so len likerďa Kulturakero ministerstvos SR andal apriľis dži majos 2015. Maľaris Jozef Fečo sthoďa 9 portreti andro kherutno pašaľipen - andro gav Kračunovce. Dešto portretos zaačhaďa andro Dokumentačno-informačno centros vaš romaňi kultura. Maľimen oprethodo manuš hino Django Reinhardt (peskere naveha Jean Baptiste Reinhardt), so zathoďa romano džezos. Uľiľa beršeste 1910 andre Belgija (andro foros Liberchies), the sas les francuziko romano aviben. Zgeľa andal romaňi grupa - Manuša. Sas jekhfeder rakindo vaš romano džezos the hino ľikerdo sar rakindo vaš romaňi džezovo intetrpetacija, so pes lake prithovel nav gypsy jazz, gypsy swing the francuzikones manouché jazz. O nav Django džanľarel andre romaňi čhib "uštavav, uštavkerav". Muľa 16. majoste 1953 Francuzijate. Čitroskero baripen: 120 cm x 100 cm. Telethodo materialos hino sadrokartonos. Chasňarďi maľibnaskeri technika: pop art - stencil art.
o autoris: Jozef Fečo
copyright: O Themeskro džaňibnaskro pustikengro kher andro Prešov
kerdo: 18. 05. 2015
e kategorija: čitratuňipen
