Elena Lacková
kerdo: 06. 09. 2022 13:14 opre kerdo: 06. 09. 2022 13:15
O autoris le čitroskro hino o čitratuno Jozef Fečo. O čitro hino andal e kolekcija 11 čitrengri pal e tema romano holokaust. O autoris arakhľas e inšpiracija andro lekhavipen khatar e Elena Lacková O mule na aven pale. E o čitre andre kolekcija kerďas prekal o štipendijum andal o Fondos vaš e minoritengri kultura SR.
Pro portretos hiňi Elena Lacková (22.3.1923, Baro Šarošis – 1.1.2003, Košice), jekh maškar o nekbareder personaliti andro romano khetaňibnaskro u politicko emancipačno procesos andro dujto kotor 20. šelberšipen pre Slovaťiko. E moderno romaňi literatura pre Slovaťiko chudľas laha, sas the paš oda, kaa pes kerďas e jekhto romaňi organizacija pal o mariben (E asocijacija Cigana-Roma pre Slovaťiko, 1969 – 1973), Elena Lacková sas jekh maškar o džene, save kerde o jekhto romano perijodikum pal o berš 1989 Romano ľil. Elena Lacková hiňi o nekbareder simbolos vaš o romano emancipačno procesos pre Slovaťiko.
Jozef Fečo hino o absolventos andal e Maškarutňi džaňibnaskri škola Perješiste, o dizajn u džaňibnaskri buťi le kašteha. Nekbuter pes interesinel pal o manušikane muja u lengri mimika, so kamen oleha te phenel, so hino lengro tipicko. Vaš o Themeskro džaňibnaskro pustikengro kher Perješiste čitrinďas maškar o berša 2015 dži o 2019 o seriji 23 bare formatengre čitre vičinde O naprindžarde farbi le manušengre.
copyright: O Themeskro džaňibnaskro pustikengro kher andro Prešov
kerdo: 19. 07. 2022
e kategorija: čitratuňipen
o tagi: sekularno materialno esteticko 2D artefakt čitro Jozef Fečo savorenge interno
