Elvis Presley
kerdo: 26. 06. 2015 12:38 opre kerdo: 27. 11. 2020 01:47
Jozef Fečo, amatersko maľaris, absolvenstos andal Perešiskeri Maškarutňi artisticko škola. Sikhľiľa pes andro odboris dizajnos the kaštuno formašis.Aktivnosnes zachudňa te kerel andal o berš 2011, leskeri angluňi buťi hino čitro - O Ježiš pro pochtan. Aver deš kerďipena pal oprethode lumakere manuša hine zachudne paš prioritno projektos "Džide genďa" (lav - čitro . hangos), so len likerďa Kulturakero ministerstvos SR andal apriľis dži majos 2015. Maľaris Jozef Fečo sthoďa 9 portreti andro kherutno pašaľipen - andro gav Kračunovce. Dešto portretos zaačhaďa andro Dokumentačno-informačno centros vaš romaňi kultura. Maľimen oprethodo manuš hino artistos the giľutno Elvis Presley. Uľiľa andre USA andro berš 1935 the muľa andro berš 1977 andre USA. Andre but genďa pes pisinel pal leskero romipen. Leskere phure dada zgele andal ňemcika Sinti. Aver genďa na ľikeren ada vakeriben sar čačipen.Čitroskero baripen: 120 cm x 100 cm. Telethodo materialos hino sadrokartonos. Chasňarďi maľibnaskeri technika: pop art - stencil art.
o autoris: Jozef Fečo
copyright: O Themeskro džaňibnaskro pustikengro kher andro Prešov
kerdo: 18. 05. 2015
e kategorija: čitratuňipen
