Eva Plešková Gašparová
kerdo: 20. 02. 2024 09:15 opre kerdo: 20. 02. 2024 09:16
E Šarlota Bottová hiňi e absolventka andal e Maškarutňi profesijakri škola andre Rimavsko Sobota, e kozmetička. O čitratuňipen chudľas te kerel imar kana phirelas pre maškarutňi škola, kaj sikhaven the e estetika. Pro ori pal e estetika sikhľiľas pal o portreta u sar len te kerel, paľis dureder sikhľolas korkori, prekal o informaciji save sas vaj pro internet, vaj andro džande kňižki. Lakri nekpašeder technika hin o grafitovo penkalos. Andro berš 2020 chudľas te kerel the le farbenca u dureder čitrinel o portreta.
Andro berš 2020 chudľas o štipendijum andal o Fondos vaš o pomožipen andre minoritengri kultura SR, kaj te kerel e kolekcija čitre - o portreta le romane lekhavnengre.
Pro portretos hiňi e lekhavňi Eva Plešková Gašparová.
Eva Gašparová (angomis Plešková) uľiľas 14.5.1951 Očovate. Agorinďas e Maškarutňi ekomonicko škola Lučencoste. Kanastar kerďas e škola dži kana geľas andre penzija kerelas buťi sar ekonomka. Te pisinel chudľas imar kana sas pre penzija. Pisinelas o vakeribena pal o kamiben the fameľija, o temi lelas peskre leperibnendar, no the olestar pre soste leperenas lakro dad-daj, e baba the o papus. Lekhavel romanes. Sas e džeňi andro Romano literarno klubos. Dživelas u lekhavelas andre Bansko Bystrica. Muľas andro berš 2023.
Zdroje informácií:
amariluma.romanokher.sk/encyclopedia/gasparova-eva-rodena-pleskova/
kerdo: 25. 10. 2023
e kategorija: čitratuňipen
o tagi: sekularno materialno esteticko 2D artefakt čitro Šarlota Bottová savorenge interno
