Baro graj
kerdo: 03. 06. 2021 10:57 opre kerdo: 03. 06. 2021 10:57
O čitro le grajeha. O čitro sikhavel o grajeskro šero čitrimen temperaha. O palal hino kerdo kotororendar ľilestar thode pro zoralo ľil. O čitro kerďas o René Kaleja Januv pal e Zakladno škola Jarovnice 192. Čitrimen le kombinovano technikaha pro zoralo ľil formatos A3, kerdo andro berš 2019. Pre paluňi sera hine o identifikačna informaciji pal e škola, pal o autoris u le čitroskro nav andre angľicko čhib. Odoj hin the o autoriskro podpisos u le penkaloha pisimen savi sas e technika, andre angľicko čhib - o čitripen le anguštenca the e e kolaž ľilestar. E škola hiňi prindžarďi oleha, hoj vaš o čitripnaskre buťa chudľas but moľipena khere the avri (India, Japonsko, Portugalsko, USA, Čechiko republika, Ungriko, Slovenia, Opruňi Makedonija, Švédsko, Nórsko, Fínsko, Irán the aver.) Le čhavoren ľidžal angle o sikhavno Mgr. Ján Sajko. Lengre ekshibiciji sas andro but fora, sar andro Washington D.C., Boston, Palm Beach, Hannover, Štrasburg, Brusel, Graz, Varšava, Viedeň, Praha, Budapešť, Krakov, Bratislava, Košice, Martin, Prešov, Sabinov. O terne autora hine andal o socijalno čorikane thana.
o autoris: René Kaleja Januv
copyright: O Themeskro džaňibnaskro pustikengro kher andro Prešov
kerdo: 11. 11. 2020
e kategorija: čitratuňipen
o tagi: sekularno materialno esteticko 2D artefakt čitro René Kaleja Januv savorenge interno
